ಐಟಿಸಿ ನೂತನ ಅಧ್ಯಕ್ಷರಾಗಿ ಸಂಜೀವ್ ಪುರಿ ಆಯ್ಕೆ
ಐಟಿಸಿ ಕಂಪನಿಯ ನೂತನ ಅಧ್ಯಕ್ಷರಾಗಿ ಸಂಜೀವ್ ಪುರಿ ಅವರನ್ನು ಐಟಿಸಿ ನಿರ್ದೇಶಕರ ಮಂಡಳಿಯು ನೇಮಕ ಮಾಡಿದೆ.
ಐಟಿಸಿ ಕಂಪನಿಯ ನೂತನ ಅಧ್ಯಕ್ಷರಾಗಿ ಸಂಜೀವ್ ಪುರಿ ಅವರನ್ನು ಐಟಿಸಿ ನಿರ್ದೇಶಕರ ಮಂಡಳಿಯು ನೇಮಕ ಮಾಡಿದೆ.
ಕಳೆದ ಶನಿವಾರ 72ರ ವಯಸ್ಸಿನಲ್ಲಿ ನಿಧನ ಹೊಂದಿದ್ದ ವೈ.ಸಿ ದೇವೇಶ್ವರ್ ಅವರಿಂದ ತೆರವಾದ ಸ್ಥಾನಕ್ಕೆ ಸಂಜೀವ್ ಪುರಿ ಅವರನ್ನು ಮೇ 13 ರಿಂದ ಜಾರಿಗೆ ಬಂದಿರುವಂತೆ ITC ಕಂಪನಿಯ ಅಧ್ಯಕ್ಷ ಹಾಗೂ ವ್ಯವಸ್ಥಾಪಕ ನಿರ್ದೇಶಕರನ್ನಾಗಿ ನೇಮಕ ಮಾಡಲಾಗಿದೆ. ಸಂಜೀವ್ ಪುರಿ ಅವರು 2018 ರಿಂದ ವ್ಯವಸ್ಥಾಪಕ ನಿರ್ದೇಶಕರಾಗಿ ಕಾರ್ಯನಿರ್ವಹಿಸುತ್ತಿದ್ದರು.
ಇಂದು 2019ರ ಸಾಲಿನ ತನ್ನ ನಾಲ್ಕನೇ ತ್ರೈಮಾಸಿಕ ಫಲಿತಾಂಶವನ್ನು ಐಟಿಸಿ ಪ್ರಕಟಿಸಿದ್ದು, ಶೇ. 18ರ ಹೆಚ್ಚಳದೊಂದಿಗೆ ರೂ. 3,482 ಕೋಟಿ ನಿವ್ವಳ ಲಾಭ ಗಳಿಸಿದೆ. ಹಿಂದಿನ ವರ್ಷದಲ್ಲಿ ಐಟಿಸಿ ರೂ. 2,932.70 ಕೋಟಿ ನಿವ್ವಳ ಲಾಭ ಸಾಧಿಸಿತ್ತು.
2019ರ ಸಾಲಿನ ತನ್ನ ನಾಲ್ಕನೇ ತ್ರೈಮಾಸಿಕ ಫಲಿತಾಂಶ ಪ್ರಕಟಿಸಿದ ವೇಳೆ ಐಟಿಸಿ ತನ್ನ ಷೇರುದಾರರಿಗೆ ತಲಾ ಷೇರಿನ ಮೇಲೆ ರೂ. 5.75 ಡಿವಿಡೆಂಡ್ ಪ್ರಕಟಿಸಿದೆ. ಇಂದು ಐಟಿಸಿ ಷೇರಿನ ಬೆಲೆ ಶೇ. 0.59ರ ಏರಿಕೆ ಕಂಡು ರೂ. 299.45 ಮಟ್ಟಕ್ಕೆ ಏರಿದೆ.