ನಿವೇಶನ ಹಸ್ತಾಂತರವು ನಿಗಧಿತ ಅವಧಿ ಮೀರಿ ಹೋದರೆ (ಒಂದು ವರ್ಷಕ್ಕಿಂತ ಹೆಚ್ಚು ವಿಳಂಬ) ಮನೆ ಖರೀದಿದಾರರು ತಾವು ಪಾವತಿಸಿದ್ದ್ ಹಣ ಮರುಪಾವತಿಗೆ ಬೇಡಿಕೆ ಇಡಬಹುದಾಗಿದೆ.

ಗ್ರಾಹಕರ ವ್ಯಾಜ್ಯ ಪರಿಹಾರ ರಾಷ್ಟ್ರೀಯ ಆಯೋಗವು (ಎನ್ಸಿಡಿಆರ್ಸಿ), ಕಟ್ಟಡ ನಿರ್ಮಾಣಗಾರರು ಭರವಸೆ ನಿಡಿದಂತೆ ನಿಗದಿತ ದಿನಕ್ಕಿಂತ ಒಂದು ವರ್ಷಕ್ಕಿಂತ ಹೆಚ್ಚು ವಿಳಂಬ ಮಾಡಿದರೆ ಮನೆ ಖರೀದಿದಾರರು ಶೇ. 10ರ ಬಡ್ಡಿದರದಲ್ಲಿ ಪಾವತಿ ಮಾಡಿದ್ದ ಹಣ ಮರುಪಾವತಿಸಲು ಕೋರಿಕೆ ಸಲ್ಲಿಸಬಹುದಾಗಿದೆ ಎಂದು ಆದೇಶಿಸಿದೆ.

ಮನೆ ಖರೀದಿಸುವ ಗ್ರಾಹಕರು ಹಲವಾರು ತೊಂದರೆಗಳನ್ನು ಎದುರಿಸುವಂತಾಗಿದ್ದು, ನಿವೇಶನ ಒದಗಿಸಲು ರಿಯಲ್ ಎಸ್ಟೇಟ್ ಸಂಸ್ಥೆಗಳು ಕಾರಣಾಂತರಗಳಿಂದ ತೀವ್ರ ವಿಳಂಬ ಮಾಡುತ್ತಿರುವುದರಿಂದ ಎನ್ಸಿಡಿಆರ್ಸಿ ಆಯೋಗ ಆದೇಶ ಹೊರಡಿಸಿದೆ.
ಮನೆ ಖರೀದಿದಾರರಿಗೆ ಅನಗತ್ಯ ವಿಳಂಬ ಮಾಡಿ ತೊಂದರೆ ನೀಡಬಾರದು ಅಲ್ಲದೇ ನಿವೇಶನ ಒಪ್ಪಿಸಲು ಅನಗತ್ಯ ವಿಳಂಬ ಮಾಡಬಾರದು ಎಂದು ಹಲವಾರು ಸಂಘಟನೆಗಳು ದೂರುಗಳನ್ನು ನೀಡಿದ್ದವು.