ಸರ್ಕಾರಿ ಸ್ವಾಮ್ಯದ ಏರ್ ಇಂಡಿಯಾ ಕೆಲ ವರ್ಷಗಳಿಂದ ಆರ್ಥಿಕ ಬಿಕ್ಕಟ್ಟು ಎದುರಿಸುತ್ತಿದೆ. ಏರ್ ಇಂಡಿಯಾ ರೂ. 3775 ಕೋಟಿ ಮೌಲ್ಯದ ಭೂಮಿ ಅಡಮಾನವನ್ನು ತನ್ನದಾಗಿಸಿಕೊಂಡಿತ್ತು. ಬೇರೆಯವರಿಗೆ ಸೇರಿದ ಭೂಮಿಯನ್ನು ಐದು ವರ್ಷಗಳವರೆಗೆ ಈ ಬಗ್ಗೆ ತಿಳಿಸದೇ ಗುತ್ತಿಗೆ ನಿಯಮಗಳ ಉಲ್ಲಂಘನೆ ಮಾಡಿ ಮತ್ತೊಂದು ಸರ್ಕಾರಿ ಘಟಕದ ಮೂಲಕ ಗುತ್ತಿಗೆಗೆ ನೀಡಲಾಯಿತು ಎಂದು ದಿ ಪ್ರಿಂಟ್ ತನಿಖೆ ವರದಿ ಮಾಡಿದೆ.

ಇದೊಂದುವಿ ವಲಕ್ಷಣ ಕಥೆಯಾಗಿದ್ದು, ಇದರಲ್ಲಿ ಏರ್ ಇಂಡಿಯಾ ಅಷ್ಟೇ ಅಲ್ಲ ವಸತಿ ಮತ್ತು ನಗರಾಭಿವೃದ್ಧಿ ಸಚಿವಾಲಯ, ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ ನೇತೃತ್ವದ ಬ್ಯಾಂಕುಗಳ ಒಕ್ಕೂಟ, ನಾಗರಿಕ ವಿಮಾನಯಾನ, ಹಣಕಾಸು ಮತ್ತು ಕಾನೂನು ಕೇಂದ್ರ ಸಚಿವರು ಮತ್ತು ಪ್ರಧಾನ ಮಂತ್ರಿ ಕಚೇರಿಗಳ ಅಧಿಕಾರಿಗಳು ಭಾಗಿಯಾಗಿದ್ದಾರೆ ಎನ್ನಲಾಗಿದೆ.

ದೇಶದ ರಾಜಧಾನಿಯಲ್ಲಿ ಎರಡು ಅವಿಭಾಜ್ಯ ಫ್ಲಾಟ್ ಗಳು ಇದೀಗ ಎಸ್ಬಿಐ ನೇತೃತ್ವದ 19 ಬ್ಯಾಂಕುಗಳ ಒಕ್ಕೂಟದ ಅಧೀನದಲ್ಲಿದ್ದು, ನರೇಂದ್ರ ಮೋದಿ ಸರಕಾರ ಇದನ್ನು ಏರ್ ಇಂಡಿಯಾದ ಸಾಲವನ್ನು ಪಾವತಿಸಲು ಆದಾಯವನ್ನು ಬಳಸುತ್ತಿದೆ. ಆದರೆ ಹೀಗಾಗಬೇಕಾದರೆ ಏರ್ಲೈನ್ಗೆ ಗುತ್ತಿಗೆ ನೀಡಿದ್ದ ಫ್ಲಾಟ್ ಗಳನ್ನು ಏರ್ ಇಂಡಿಯಾ, ಕೇಂದ್ರ ಗೃಹ ಸಚಿವಾಲಯವು ಎಸ್ಬಿಐ ಬ್ಯಾಂಕುಗಳ ಒಕ್ಕೂಟಕ್ಕೆ ಮೊದಲು ಮರುಪಾವತಿಸಬೇಕಾಗಿದೆ.
ಬ್ಯಾಂಕುಗಳ ಒಕ್ಕೂಟವು ಭೂಮಿ ಮೌಲ್ಯವನ್ನು 6 ಸಾವಿರ ಕೋಟಿ ನಿಗದಿಪಡಿಸಿದೆ. ಆದರೆ ಏರ್ ಇಂಡಿಯಾ ರೂ. 55,000 ಕೋಟಿ ಸಾಲವನ್ನು ಹೊಂದಿದೆ.

ವಸತಿ ಸಚಿವಾಲಯ ಮತ್ತು ಏರ್ ಇಂಡಿಯಾ ನಡುವಿನ ಘರ್ಷಣೆಯಲ್ಲಿ ಸಿಲುಕಿಕೊಂಡಿರುವ ಎರಡು ಫ್ಲಾಟ್ ಗಳು ದಕ್ಷಿಣ ದೆಹಲಿಯ ವಸಂತ್ ವಿಹಾರ್ ನಲ್ಲಿದೆ. 1967 ರಲ್ಲಿ ಏರ್ ಇಂಡಿಯಾಕ್ಕೆ 30 ಎಕರೆ ಜಾಗವನ್ನು ರೂ . 65 ಲಕ್ಷ (ಭೂಮಿ ವೆಚ್ಚ) ಮತ್ತು ಏರ್ಲೈನ್ ಸಿಬ್ಬಂದಿಗಳ ವಸತಿ ಗೃಹಗಳಿಗಳ ನಿರ್ಮಾಣಕ್ಕಾಗಿ ವಾರ್ಷಿಕ ಬಾಡಿಗೆ ರೂ. 1.64 ಲಕ್ಷ ಬಾಡಿಗೆಗೆ ಭೂಮಿಯನ್ನು ನೀಡಲಾಗಿತ್ತು.