2000 ಇಸವಿಯ ಪೂರ್ವದ ಹಳೆಯ ವಾಹನಗಳು ಹೊಸ ವಾಹನಗಳಿಗೆ ಹೋಲಿಸಿದರೆ 25 ಪಟ್ಟು ಹೆಚ್ಚು ಮಾಲಿನ್ಯಕ್ಕೆ ಕಾರಣವಾಗುತ್ತವೆ. ಹಳೆಯ ವಾಹನಗಳ ನಿಯಂತ್ರಣಕ್ಕೆ ಮುಂದಾಗಿರುವ ಸರ್ಕಾರವು ನೀಲನಕ್ಷೆ ತಯಾರಿಸಿದೆ.

ಮಾಲಿನ್ಯಕಾರಿ ವಾಹನಗಳ ನಿಯಂತ್ರಣ ನಿಯಮ ಜಾರಿಗೆ ಬಂದರೆ ಹಳೆಯ ವಾಹನಗಳ ನಿರ್ವಹಣೆ ಕಷ್ಟವಾಗಲಿದೆ. ಹಳೆ ವಾಹನಗಳು ಪರಿಸರ ಮಾಲಿನ್ಯಕ್ಕೆ ಕಾರಣವಾಗುತ್ತಿರುವ ಹಿನ್ನೆಲೆಯಲ್ಲಿ ಮಾಲೀಕರೇ ಅವುಗಳನ್ನು ಗುಜರಿಗೆ ಹಾಕಲಿ ಎನ್ನುವುದು ಸರ್ಕಾರದ ಉದ್ದೇಶವಾಗಿದೆ.
ಈ ನಿಯಮದ ಪರಿಣಾಮಕಾರಿ ಜಾರಿಗಾಗಿ ಹಳೆಯ ವಾಹನ ಮಾಲೀಕರನ್ನು ಉತ್ತೇಜಿಸುವ ಕಾರ್ಯಕ್ರಮವನ್ನು ಮುಂದಿನ ೩-೪ ತಿಂಗಳಲ್ಲಿ ಜಾರಿಯಾಗಲಿದೆ. ಹಳೆ ವಾಹನ ಬದಲಿಗೆ ಹೊಸ ವಾಹನ ಖರೀದಿಸುವ ಗ್ರಾಹಕರಿಗೆ ನೋಂದಣಿ ಶುಲ್ಕ ಮನ್ನಾ ಮಾಡುವ ಪ್ರಸ್ತಾವನೆ ಸರ್ಕಾರದ ಮುಂದಿದೆ ಎಂದು ಹೇಳಲಾಗಿದೆ.