ಬುಧವಾರದ ಷೇರುಪೇಟೆಯಲ್ಲಿ ಗೂಳಿ, ಕರಡಿ ಕುಣಿತ ಜೋರಾಗಿಯೇ ಸದ್ದು ಮಾಡಿತು. ಏಳು ಬೀಳಿನಲ್ಲಿ ಮಿಂದೆದ್ದ ಷೇರುಪೇಟೆಯ ವಹಿವಾಟು ಸೆನ್ಸೆಕ್ಸ್ ಸೂಚ್ಯಂಕವು 400 ಅಂಕಗಳ ಏರಿಳಿತಕ್ಕೆ ಒಳಗಾಯಿತು.

ಬಿಎಸ್ಇ ಸೆನ್ಸೆಕ್ಸ್‌ ಸೂಚ್ಯಂಕ ಇಂದು ಬುಧವಾರದ ವಹಿವಾಟಿನ ಅಂತ್ಯಕ್ಕೆ 174 ಪಾಯಿಂಟ್ ನಷ್ಟದೊಂದಿಗೆ 38,557.04 ಅಂಕಗಳಲ್ಲೂ ಹಾಗು ರಾಷ್ಟ್ರೀಯ ಷೇರು ಮಾರುಕಟ್ಟೆಯ ನಿಫ್ಟಿ ಸೂಚ್ಯಂಕ 57 ಅಂಕಗಳ ನಷ್ಟದೊಂದಿಗೆ 11,498.90 ಅಂಶಗಳಲ್ಲಿ ದಿನದ ವಹಿವಾಟನ್ನು ಕೊನೆಗೊಳಿಸಿತು.
ಇಂದಿನ ವಹಿವಾಟಿನಲ್ಲಿ ಬಜಾಜ್‌ ಫೈನಾನ್ಸ್‌ ಶೇ. 4.91ರ ನಷ್ಟ ಕಂಡಿತು. ಟಿಸಿಎಸ್‌, ಟಾಟಾ ಸ್ಟೀಲ್‌, ಟಾಟಾ ಮೋಟರ್‌, ಎಕ್ಸಿಸ್‌ ಬ್ಯಾಂಕ್‌, ಎಲ್‌ ಆ್ಯಂಡ್‌ ಟಿ, ಹೀರೋ ಮೋಟೋ ಕಾರ್ಪ್‌, ಮಹೀಂದ್ರ, ಬಜಾಜ್‌ ಆಟೋ ಮತ್ತು ಎಸ್‌ಬಿಐ ಷೇರುಗಳು ಶೇ. 2.94ರ ನಷ್ಟಕ್ಕೆ ಒಳಗಾದವು.