ದೇಶದ ಪ್ರಮುಖ ನಗರಗಳಲ್ಲಿ ಫ್ಲ್ಯಾಟ್ ಖರೀದಿಯು ಗ್ರಾಹಕರ ಸಾಮರ್ಥ್ಯಕ್ಕನುಗುಣವಾಗಿ ಅಗ್ಗದ ದರದಲ್ಲಿ ಲಭ್ಯವಾಗುತ್ತಿಲ್ಲ ಎಂದು ಆರ್ಬಿಐ ಸಮೀಕ್ಷೆಯಲ್ಲಿ ಬಹಿರಂಗಪಡಿಸಿದೆ.

ಒಂದು ವರ್ಷದ ಹಿಂದಿನ ಮಾರಾಟದ ಬೆಲೆಗೆ ಹೋಲಿಸಿದಾಗ 2018 ರ ಅಕ್ಟೋಬರ್ ತಿಂಗಳಿನಿಂದ ಡಿಸೆಂಬರ್ ಅವಧಿಯಲ್ಲಿ ಫ್ಲ್ಯಾಟ್ ಖರೀದಿ ಬೆಲೆ ಏರಿಕೆ ಕಂಡಿದೆ. ನ್ಯಾಷನಲ್ ಹೌಸಿಂಗ್ ಬ್ಯಾಂಕ್ ಫ್ಲಾಟ್ ಗಳ ಬೆಲೆ ಸೂಚ್ಯಂಕದ ಪ್ರಕಾರ, ದೇಶದ 50 ಪ್ರಮುಖ ನಗರಗಳ ಫ್ಲ್ಯಾಟ್ ಖರೀದಿ ಬೆಲೆ ಶೇ. 6 ರಷ್ಟು ಏರಿಕೆಯಾಗಿದೆ.
ಫ್ಲ್ಯಾಟ್ ಖರೀದಿದಾರರ ಆದಾಯಕ್ಕನುಗುಣವಾಗಿ ಲಭ್ಯವಿರುವ ಫ್ಲ್ಯಾಟ್ ಗಳ ಸಂಖ್ಯೆಯೂ ಕಳೆದ ನಾಲ್ಕು ವರ್ಷಗಳಲ್ಲಿ ಗಣನೀಯವಾಗಿ ಇಳಿಕೆ ಕಂಡಿದೆ. ಇದಕ್ಕೆ ಫ್ಲ್ಯಾಟ್ ಗಳ ಬೇಲೆ ಹಾಗು ಆದಾಯದ ಅನುಪಾತವು 56:1 ರಿಂದ 61:5 ಏರಿಕೆ ಕಂಡಿರುವುದು ಕಾರಣ ಭಾರತೀಯ ರಿಸರ್ವ್ ಬ್ಯಾಂಕ್ ಹೇಳಿದೆ.
ವಸತಿ ಸಾಲಗಳಲ್ಲಿ ಬ್ಯಾಂಕುಗಳು ಹೆಚ್ಚು ಅಪಾಯವನ್ನು ಸಹಿಸಿಕೊಳ್ಳುತ್ತಿವೆ ಹಾಗು ಆಸ್ತಿಯ ಮೇಲೆ ಹೆಚ್ಚಿನ ಸಾಲವನ್ನು ನೀಡಲು ಸಿದ್ದ ಇವೆ ಎಂದು ಆರ್‌ಬಿಐ ನಡೆಸಿದ ಸಮೀಕ್ಷೆಯೊಂದು ತಿಳಿಸಿದೆ.