ಫಾರ್ಮ್ 16 ವಿಸ್ತರಣೆಯನ್ನು ಜುಲೈ 10 ರವರೆಗೆ ವಿಸ್ತರಿಸಲಾಗಿದ್ದು, ಆದಾಯ ತೆರಿಗೆ ರಿಟರ್ನ್ (ಐಟಿಆರ್) ಸಲ್ಲಿಸುವ ಕೊನೆಯ ದಿನಾಂಕವನ್ನು ಜುಲೈ 31ವರೆಗೆ ವಿಸ್ತರಿಸುವ ಸಾಧ್ಯತೆ ಇದೆ.

ಐಟಿಆರ್ ಸಲ್ಲಿಸದೆ ಇದ್ದವರಿಗೆ ಇದು ಎಚ್ಚರಿಕೆ ಗಂಟೆಯಾಗಿದ್ದು, ಅಂತಿಮ ದಿನಾಂಕದೊಳಗೆ ರಿಟರ್ನ್ಸ್ ಪಾವತಿಸದಿದ್ದರೆ ದಂಡ ವಿಧಿಸಲಾಗುತ್ತದೆ. ಅಲ್ಲದೇ ಐಟಿಆರ್ ಬಾಕಿ ಉಳಿಸಿಕೊಂಡಿದ್ದರೆ ಜೈಲು ಪಾಲಾಗಬೇಕಾಗಬಹುದು.
ಜುಲೈ 31ರ ಒಳಗಾಗಿ ಐಟಿಆರ್ ಪಾವತಿಸದೇ ಇದ್ದರೆ ದಂಡ ವಿಧಿಸಲಾಗುವುದು. ದಂಡದ ಅವಧಿ ಬಳಿಕವೂ ಪಾವತಿಸದೆ ಇದ್ದರೆ ಆದಾಯಕ್ಕೆ ತಕ್ಕಂತೆ 3 ತಿಂಗಳಿಂದ 7 ವರ್ಷದವರೆಗೆ ಜೈಲು ಶಿಕ್ಷೆ ವಿಧಿಸಬಹುದು.
ಯಾವುದೇ ತೆರಿಗೆ ಮರುಪಾವತಿ ಬಾಕಿ ಉಳಿದಿದ್ದರೆ ಮತ್ತು ನೀವು ನಿಗದಿತ ಸಮಯದೊಳಗೆ ಐಟಿಆರ್ ಅನ್ನು ಸಲ್ಲಿಸಿದರೆ, ನೀವು ಮರುಪಾವತಿ ಮೇಲೆ ಬಡ್ಡಿಯನ್ನು ಗಳಿಸಬಹುದು. ಆದಾಯ ತೆರಿಗೆ ಕಾಯಿದೆ, 1961 ರ ಸೆಕ್ಷನ್ 244 ಎ ಪ್ರಕಾರ ವರ್ಷದಲ್ಲಿ ನಿಮ್ಮ ಆದಾಯದ ಮೇಲೆ ಹೆಚ್ಚುವರಿ ತೆರಿಗೆ ಪಾವತಿಸಿದಾಗ ಮರುಪಾವತಿ ಪಡೆಯಲಾಗುತ್ತದೆ.