ದೊಡ್ಡ ಶ್ರೀಮಂತರ ಮೇಲೆ ವಿಧಿಸುವ ತೆರಿಗೆ ಬಡವರಿಗೆ ಹೆಚ್ಚು ಕೊಡುಗೆ ಒದಗಿಸುವುದರ ಉದ್ದೇಶವಾಗಿದೆ ಎಂದು ಕೇಂದ್ರ ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ ಹೇಳಿದ್ದಾರೆ.

ನಿರ್ಮಲಾ ಸೀತಾರಾಮನ್ ಅವರು, ದೊಡ್ಡ ಶ್ರೀಮಂತರಿಗೆ (ಸೂಪರ್‌-ರಿಚ್‌) ಹೆಚ್ಚಿನ ತೆರಿಗೆ ವಿಧಿಸುವ ಸರ್ಕಾರದ ಕ್ರಮವನ್ನು ಸಮರ್ಥಿಸಿಕೊಂಡಿದ್ದು, ಶ್ರೀಮಂತರಿಗೆ ಹೆಚ್ಚಿನ ತೆರಿಗೆ ವಿಧಿಸಿ ಬರುವ ಹಣವನ್ನು ಬಡವರ ಕಲ್ಯಾಣಕ್ಕಾಗಿ ಉಪಯೋಗಿಸಲಾಗುವುದು ಎಂದು ಹೇಳಿದ್ದಾರೆ.
ದೇಶದಲ್ಲಿನ ಸೂಪರ್ ರಿಚ್ ಶ್ರೀಮಂತರ ಸಂಖ್ಯೆ 5,000ಕ್ಕಿಂತ ಕಡಿಮೆಯೇ ಇದೆ. ಬಡವರಿಗೆ ನೆರವಾಗುವ ಜವಾಬ್ದಾರಿ ಈ ಶ್ರೀಮಂತ ವರ್ಗದ ಮೇಲೂ ಇದೆ. ಸ್ವಲ್ಪ ಜಾಸ್ತಿ ತೆರಿಗೆ ವಿಧಿಸಿದ ಮಾತ್ರಕ್ಕೆ ಶ್ರೀಮಂತರ ವ್ಯವಹಾರಗಳಿಗೇನೂ ಧಕ್ಕೆಯಾಗಲ್ಲ. ಕಳೆದ 60 ವರ್ಷಗಳಲ್ಲಿ ಹಕ್ಕುಗಳ ಬಗ್ಗೆ ಸಾಕಷ್ಟು ಮಾತನಾಡುತ್ತಿರುವ ನಾವು, ನಮ್ಮ ಕರ್ತವ್ಯಗಳನ್ನು ನಿರ್ಲಕ್ಷ್ಯ ಮಾಡಿದ್ದೇವೆ ಎಂದಿದ್ದಾರೆ.