ಜಿಯೋ ಗಿಗಾಫೈಬರ್

ಜಿಯೋಗಿಗಾ ಫೈಬರ್‌ನ ಯೋಜನೆಗಳು ಸ್ಪರ್ಧಾತ್ಮಕವಾಗಿ ಬೆಲೆಯಲ್ಲಿ ಸಿಗಲಿದ್ದು, ಮತ್ತೆ ದರ ಸಮರ ಎದುರಾಗುವ ಸಾಧ್ಯತೆ ಅಲ್ಲಗಳೆಯುವಂತಿಲ್ಲ. ರಿಲಾಯನ್ಸ್ ಜಿಯೋ ಗಿಗಾಫೈಬರ್ ಮೂಲಕ 1ಜಿಬಿಪಿಎಸ್ ವೇಗ, 600 ಟಿವಿ ಚಾನೆಲ್ ಗಳು ಮತ್ತು ಒಂದು ಲ್ಯಾಂಡ್ ಲೈನ್ ಸೇವೆಯನ್ನು ಸದ್ಯದಲ್ಲೇ ಆರಂಭಿಸಲಿದೆ. ಜಿಯೋಗಿಗಾ ಫೈಬರ್‌ನ ಯೋಜನೆಗಳು ಪ್ರೀ ಪೇಡ್ಮತ್ತು ಪೋಸ್ಟ್ ಪೇಡ್ ಪ್ಲಾನ್ ಗಳಲ್ಲಿ ಲಭ್ಯವಾಗುವುದು ವಿಶೇಷ.

ಸಂಚಲನ ಸಾಧ್ಯತೆ

ಜಿಯೋ ಯೋಜನೆಗಳ ಮೂಲಕ ಟೆಲಿಕಾಂ ಕ್ಷೇತ್ರದಲ್ಲಿ ದರಸಮರ ಏರ್ಪಡಿಸಿದ್ದ ರಿಲಯನ್ಸ್ ಜಿಯೋ ಇದೀಗ ಜಿಯೋ ಗಿಗಾಫೈಬರ್ ಮುಖಾಂತರ ಸ್ಪರ್ಧಾತ್ಮಕ ಬೆಲೆಯಲ್ಲಿ ಪೈಪೋಟಿ ನೀಡಲಿದೆ. ಇದು ಮಲ್ಟಿಮೀಡಿಯಾ ಮತ್ತು ಸಂವಹನ ರಂಗದಲ್ಲಿ ಹೆಚ್ಚು ಬಳಕೆಯಾಗುವ ಮೂರು ಸೇವೆಗಳನ್ನು ಒಂದೇ ಪ್ಲಾನ್ ಅಡಿಯಲ್ಲಿ ಒದಗಿಸುವ ಮೂಲಕ ಮಾರುಕಟ್ಟೆಯಲ್ಲಿ ಸಂಚಲನ ಮೂಡಿಸಲಿದೆ ಎನ್ನಲಾಗಿದೆ.

ಆಗಸ್ಟ್ 12 ರಂದು ಆರಂಭ

ದೇಶದಾದ್ಯಂತ ಜಿಯೋ ಗಿಗಾಫೈಬರ್ ಸೇವೆಯು ಇದೇ ಆಗಸ್ಟ್ 12 ರಂದು ಆರಂಭವಾಗಲಿದೆ. ಆದರೆ ಎಷ್ಟು ದರ ನಿಗದಿ ಪಡಿಸಲಿದೆ ಎಂಬುದನ್ನುರಿಲಯನ್ಸ್ ಬಹಿರಂಗಪಡಿಸಿಲ್ಲ. ಒಂದು ಸೆಕೆಂಡಿಗೆ 1 ಜಿಬಿ ಡೌನ್ಲೋಡ್ ವೇಗದೊಂದಿಗೆ ಇಂಟರ್ನೆಟ್ ಸೇವೆಯನ್ನು ಹಾಗು ೬೦೦ ಚಾನೆಲ್ ಸೇವೆಗಳನ್ನು ಈ ಪ್ಲಾನ್ ನಲ್ಲಿ ನೀಡಲಾಗುತ್ತದೆ.
ಜಿಯೋ ಇತ್ತೀಚೆಗೆ ಭಾರತದಾದ್ಯಂತ 1,600 ನಗರಗಳಲ್ಲಿ ಎಫ್‌ಟಿಟಿಎಚ್ (ಫೈಬರ್-ಟು-ದಿ-ಹೋಮ್) ಗ್ರೌಂಡ್‌ವರ್ಕ್ ಹಾಕುವ ಯೋಜನೆಯನ್ನು ಪ್ರಕಟಿಸಿದೆ. ರಿಲಯನ್ಸ್ ಈ ಸೇವೆಗಾಗಿ ಯಾವುದೇ ಅಂತಿಮ ಬೆಲೆಯನ್ನು ಇನ್ನೂ ಬಹಿರಂಗಪಡಿಸಿಲ್ಲ.