ಗೃಹ ಸಾಲ ಪಡೆಯುವ ಗ್ರಾಹಕರಿಗೆ ಎಚ್ಡಿಎಫ್ಸಿ ಬ್ಯಾಂಕ್ ಸಿಹಿಸುದ್ದಿ ನೀಡಿದ್ದು, ಗೃಹ ಸಾಲದ ಮೇಲಿನ ಬಡ್ಡಿದರ ಕಡಿಮೆ ಮಾಡಿದೆ.

ಅಡಮಾನ ಸಾಲ ನೀಡುವ ಪ್ರಮುಖ ಬ್ಯಾಂಕ್ ಆಗಿರುವ ಎಚ್‌ಡಿಎಫ್‌ಸಿ ಬುಧವಾರ ಗೃಹ ಸಾಲಗಳ ಸಾಲ ದರವನ್ನು ಆಗಸ್ಟ್ 1 ರಿಂದ ಕಡಿಮೆಗೊಳಿಸುವುದಾಗಿ ತಿಳಿಸಿದೆ. ಎಚ್ಡಿಎಫ್ಸಿ ಗೃಹ ಸಾಲದ ಮೇಲಿನ ಬಡ್ಡಿ ದರವನ್ನು ಶೇ. 0.10 ರಷ್ಟು ಕಡಿತ ಮಾಡಿದೆ.
ರೂ. 30 ಲಕ್ಷದವರೆಗಿನ ಗೃಹ ಸಾಲಕ್ಕೆ ಶೇ. 8.60 ರಷ್ಟು ಬಡ್ಡಿದರ ವಿಧಿಸಲಾಗುವುದು. ರೂ. 30 ಲಕ್ಷದಿಂದ 75 ಲಕ್ಷದವರೆಗಿನ ಗೃಹ ಸಾಲಕ್ಕೆ ಶೇ. 8.90ರಷ್ಟು ಬಡ್ಡಿ ಇರಲಿದೆ. ಹೊಸ ಮತ್ತು ಹಲೆಯ ಗ್ರಾಹಕರು ಇದರ ಲಾಭ ಪಡೆಯಬಹುದಾಗಿದೆ.
ಮಹಿಳೆಯರಿಗೆ ರೂ. 30 ಲಕ್ಷ ರೂಪಾಯಿ ಗೃಹ ಸಾಲವನ್ನು ಶೇ. 8.55ರಷ್ಟು ಬಡ್ಡಿ ದರದಲ್ಲಿ ಪಡೆಯಬಹುದು. ಇತರರಿಗೆ ಶೇ. 8.60ರಷ್ಟು ಬಡ್ಡಿದೆ ನಿಗದಿಪಡಿಸಲಾಗಿದೆ. ಜೊತೆಗೆ ರೂ. 30 ಲಕ್ಷದಿಂದ 75 ಲಕ್ಷ ಸಾಲ ಪಡೆಯುವ ಮಹಿಳೆಯರಿಗೆ ಶೇ. 8.80 ಬಡ್ಡಿ ದರ ಇರಲಿದೆ.