ಜಿಯೋ ಧಮಾಕಾ! ಮುಕೇಶ್ ಅಂಬಾನಿ ಘೋಷಿಸಿರುವ ಪ್ಲಾನ್ ಗಳ ವಿವರ ಇಲ್ಲಿದೆ ನೋಡಿ..

ರೂ. 700 ಬ್ರಾಡ್ ಬ್ಯಾಂಡ್ಪ್ಯಾಕ್

ಜಿಯೋ ಗಿಗಾಫೈಬರ್ ಬ್ರಾಡ್‍ಬ್ಯಾಂಡ್ ವಲಯದಲ್ಲಿ ಕ್ರಾಂತಿ ಮಾಡಲು ಸಜ್ಜಾಗಿದ್ದು, ಸೆಪ್ಟೆಂಬರ್ 5 ರಂದು ಅಧಿಕೃತವಾಗಿ ಆರಂಭವಾಗಲಿದೆ. ಅಮೆರಿಕದಲ್ಲಿರುವ ವೇಗದ ಡೇಟಾಕ್ಕಿಂತಲೂ ವೇಗದ ಡೇಟಾ ಸೇವೆ ನೀಡಲಿದೆ ಎಂದು ಅಂಬಾನಿ ತಿಳಿಸಿದ್ದಾರೆ. ಜಿಯೋ ಗಿಗಫೈಬರ್ ಪ್ಯಾಕ್ ತಿಂಗಳಿಗೆ ರೂ. 700 ಕನಿಷ್ಟ, ರೂ. 10 ಸಾವಿರ ಗರಿಷ್ಟ ಪ್ಯಾಕ್ ಸಿಗಲಿದೆ. ದೇಶೀಯ ಕರೆಗಳು ಸಂಪೂರ್ಣ ಉಚಿತವಾಗಿದ್ದು, ವಿದೇಶದ ಕರೆಗಳೂ ಕಡಿಮೆ ದರದಲ್ಲಿ ಸಿಗಲಿದೆ. ಅದರಲ್ಲೂ ಅಮೆರಿಕ ಮತ್ತು ಕೆನಡಾ ದೇಶಗಳಿಗೆ ತಿಂಗಳಿಗೆ ರೂ. 500 ಪಾವತಿಸಿದರೆ ಅನಿಯಮಿತ ಕರೆ ಮಾಡಬಹುದು.

ಉಚಿತ ಎಲ್‍ಇಡಿ ಟಿವಿ ಮತ್ತು ಸೆಟ್ ಟಾಪ್ ಬಾಕ್ಸ್

ಟೆಲಿಕಾಂ ಕ್ಷೇತ್ರಕ್ಕೆ 2016ರಲ್ಲಿ ಜಿಯೋ ಪ್ರವೇಶಾತಿ ಮಾಡಿದಾಗ ಮೂರು ತಿಂಗಳು ವೆಲ್ ಕಂ ಆಫರ್ ಬಿಡುಗಡೆ ಮಾಡಿತ್ತು. ಆರಂಭದ ಮೂರು ತಿಂಗಳು ಉಚಿತ ಡೇಟಾ ಆಫರ್ ನೀಡಿ ಭರ್ಜರಿ ಯಶಸ್ವಿ ಕಂಡಿದ್ದ ಜಿಯೋ, ಇದೀಗ ಇದೇ ರೀತಿಯ ಉಚಿತ ಆಫರ್ ಬಿಡುಗಡೆ ಮಾಡಲು ಸಜ್ಜಾಗಿದೆ. ಒಂದು ವರ್ಷದ ವಾರ್ಷಿಕ ಪ್ಲಾನ್ ಖರೀದಿಸುವ ಗ್ರಾಹಕರಿಗೆ ಉಚಿತವಾಗಿ 4ಕೆ ಎಲ್‍ಇಡಿ ಟಿವಿ ಮತ್ತು 4ಕೆ ಸೆಟ್ ಟಾಪ್ ಬಾಕ್ಸ್ ಸೌಲಭ್ಯ ಸಿಗಲಿದೆ. ಇದಕ್ಕೆ ಸಂಬಂಧಿಸಿದ ಹೆಚ್ಚಿನ ವಿವರ ಸೆಪ್ಟೆಂಬರ್ 5 ರಂದು ಸಿಗಲಿದೆ.

ಜಿಯೋ ಫಸ್ಟ್ ಡೇ ಫಸ್ಟ್ ಶೋ

ಗ್ರಾಹಕರನ್ನು ಆಕರ್ಷಿಸಲು ವಿಶೇಷ ತಂತ್ರಗಳನ್ನು ಅನುಸರಿಸುವ ಜಿಯೋ ಮತ್ತೊಂದು ಆಫರ್ ಬಿಡುಗಡೆಗೆ ಮುಂದಾಗಿದೆ. ಮನೆಯಲ್ಲಿ ಕುಳಿತು ಬಿಡುಗಡೆಯಾದ ದಿನವೇ ಚಿತ್ರವನ್ನು ವೀಕ್ಷಿಸಲು ಅವಕಾಶ ಕಲ್ಪಿಸಲಿದೆ. ಈ ಯೋಜನೆ 2020ರ ಮಧ್ಯಂತರಲ್ಲಿ ಜಾರಿಯಾಗಲಿದ್ದು, ಇದನ್ನು ಜಿಯೋ ಫಸ್ಟ್ ಡೇ ಫಸ್ಟ್ ಶೋ ಎಂದು ಕರೆದಿದೆ.

ಹೈ ಡೇಟಾ ಸ್ಪೀಡ್

ಮುಕೇಶ್ ಅಂಬಾನಿ ಹೇಳಿರುವಂತೆ ಅಮೆರಿಕದಲ್ಲಿ ಸಾಧಾರಾಣ ಡೇಟಾ ಸ್ಪೀಡ್ 90 ಎಂಬಿಪಿಎಸ್ (mbps) ಇದ್ದರೆ, ಜಿಯೋ ಕಡಿಮೆ ಸ್ಪೀಡ್ 100 ಎಂಬಿಪಿಎಸ್ ಇರಲಿದೆ ಎಂದಿದ್ದಾರೆ. ಮುಂದಿನ ದಿನಗಳಲ್ಲಿ 1 ಜಿಬಿಪಿಎಸ್ (gbps) ವೇಗದಲ್ಲಿ ಸೇವೆ ಒದಗಿಸಲಾಗುವುದು ಎಂದು ಹೇಳಿದ್ದಾರೆ.

ವಿಶೇಷ ಬೆನಿಫಿಟ್ಸ್

ಜಿಯೋ ಗಿಗಾಫೈಬರ್ ನೊಂದಿಗೆ ಈ ಕೆಳಗಿನ ಸೇವೆಗಳು ಇರಲಿವೆ.
- 1 ಜಿಬಿಪಿಎಸ್ ಬ್ರಾಡ್ಬ್ಯಾಂಡ್ ವೇಗ
- ಲ್ಯಾಂಡ್ ಲೈನ್ ಫೋನ್, ಅಲ್ಟ್ರಾ ಹೈ ಡೆಫಿನಿಷನ್ ಮನರಂಜನೆ
- ವರ್ಚುವಲ್ ರಿಯಾಲಿಟಿ ಕನ್ಟೆಂಟ್
- ಮಲ್ಟಿ-ಪಾರ್ಟಿ ವಿಡಿಯೋ ಕಾನ್ಫರೆನ್ಸಿಂಗ್
- ವಾಯ್ಸ್ ಎನೇಬಲ್ಡ್ ವರ್ಚುವಲ್ ಅಸಿಸ್ಟೆಂಟ್
- ಇಂಟರ್ ಆಕ್ಟಿವ್ ಗೇಮಿಂಗ್, ಹೋಮ್ ಸೆಕ್ಯೂರಿಟಿ ಹಾಗೂ ಸ್ಮಾರ್ಟ್ ಹೋಮ್ ಇತ್ಯಾದಿ ಸೇವೆಗಳು ಸಿಗಲಿವೆ.

ಜಿಯೊ ಗಿಗಾಫೈಬರ್ ಆರಂಭ?

ಜಿಯೊ ಗಿಗಾಫೈಬರ್ ಹೊಸ ಯೋಜನೆಗಳು ಸೆಪ್ಟೆಂಬರ್ 5, 2019 ರಿಂದ ಆರಂಭವಾಗಲಿದ್ದು, ತದನಂತರದಲ್ಲಿ ಜಿಯೊ ಗಿಗಾ ಫೈಬರ್ ಗ್ರಾಹಕರಿಗೆ ಸಿಗಗಲಿದೆ. ಮುಂದಿನ ದಿನಗಳಲ್ಲಿ 100 ಎಂಬಿಪಿಎಸ್ ವೇಗದಿಂದ 1 ಜಿಬಿಪಿಎಸ್ ವೇಗದವರೆಗೆ ಸೇವೆ ಲಭ್ಯವಾಗಲಿದೆ.