ಸುಸ್ತಿದಾರರಿಗೆ ಅನ್ವಯ

ಸರ್ಕಾರದ ಸಣ್ಣ ಸಾಲಗಾರರ ಸಾಲ ಮನ್ನಾ ಯೋಜನೆಯು ವ್ಯಕ್ತಿಗತ ದಿವಾಳಿತನ ಅಂದರೆ ಸಾಲ ಪಡೆದು ತೀರಿಸಲಾಗದೇ ಸುಸ್ತಿದಾರರಾದವರಿಗೆ ಅನ್ವಯ ಆಗಲಿದೆ. ಮುಖ್ಯವಾಗಿ ಆರ್ಥಿಕವಾಗಿ ಹಿಂದುಳಿದ ವರ್ಗಗಳ (ಇಡಬ್ಲ್ಯೂಎಸ್) ಪೈಕಿ ಕಡು ಬಡತನ ಇರುವಂತಹ ಕುಟುಂಬಗಳಿಗೆ ಆದ್ಯತೆ ನೀಡಲಾಗುತ್ತದೆ.

ರೂಪುರೇಷೆ ಹೇಗಿದೆ?

ಆರ್ಥಿಕವಾಗಿ ಹಿಂದುಳಿದ ವರ್ಗಗಳ (ಇಡಬ್ಲ್ಯೂಎಸ್) ಸಾಲಮನ್ನಾ ಯೋಜನೆಯ ಕರಡು ರೂಪುರೇಷೆ ಅನ್ವಯ, ಒಂದು ಬಾರಿ ಸಾಲ ಮನ್ನಾ ಪ್ರಯೋಜನ ಪಡೆದರೆ ಮುಂದಿನ ಐದು ವರ್ಷಗಳವರೆಗೆ ಈ ಪ್ರಯೋಜನ ಪಡೆಯುವಂತಿಲ್ಲ. ಇದಕ್ಕೆ ಸಂಬಂಧಿಸಿದಂತೆ ಮೈಕ್ರೋ ಫೈನಾನ್ಸ್ ಉದ್ಯಮಕ್ಕೆ ಆರ್ಥಿಕವಾಗಿ ಧಕ್ಕೆ ಆಗದ ರೀತಿಯಲ್ಲಿ ನಿಯಮಗಳನ್ನು ರೂಪಿಸಲಾಗುತ್ತಿದೆ ಎಂದು ಶ್ರೀನಿವಾಸ್ ತಿಳಿಸಿದ್ದಾರೆ.

ನಿಯಮ ಮತ್ತು ಅರ್ಹತೆ

ಈ ಸಾಲ ಮನ್ನಾ ನಿಯಮಗಳ ಪ್ರಕಾರ ಸಾಲಗಾರನ ವಾರ್ಷಿಕ ಆದಾಯ ರೂ. 60,000 ಮೀರುವಂತಿರಬಾರದು. ಸಾಲಗಾರನ ಆಸ್ತಿ ರೂ. 20,000 ಮೀರಿರಬಾರದು ಮತ್ತು ಆತನ ಸಾಲ ರೂ. 35,000 ರೂಪಾಯಿಯನ್ನು ಮೀರಿರಬಾರದು. ಇದಲ್ಲದೇ ಸಾಲಗಾರನಿಗೆ ಸ್ವಂತ ಮನೆ ಇರಬಾರದು. ಈ ಎಲ್ಲಾ ಮಾನದಂಡಗಳ ಆಧಾರದ ಮೇಲೆ ಸಾಲಗಾರರ ಸಾಲ ಮನ್ನಾ ಮಾಡಲಾಗುವುದು.

ಐಬಿಸಿ ನಿಬಂಧನೆ

ಇದಲ್ಲದೆ, ಪಾಲುದಾರಿಕೆ ಮತ್ತು ಮಾಲೀಕತ್ವಕ್ಕೆ ಸಂಬಂಧಿಸಿದಂತೆ ಕಾರ್ಪೊರೇಟ್ ಸಾಲಗಾರ ವೈಯಕ್ತಿಕ ಖಾತರಿಗಾರನಿಗೆ ಸಂಬಂಧಿಸಿದ ಐಬಿಸಿ ನಿಬಂಧನೆಗಳು ತಕ್ಷಣದಿಂದ ಜಾರಿಗೆ ಬರಲಿವೆ. ಮಾರುಕಟ್ಟೆ ಆಧಾರಿತ ಮತ್ತು ಸಮಯಕ್ಕೆ ಅನುಗುಣವಾದ ಪ್ರಕ್ರಿಯೆಯ ಮೂಲಕ ತೊಂದರೆಗೀಡಾದ ಸ್ವತ್ತುಗಳೊಂದಿಗೆ ವ್ಯವಹರಿಸಲು ಐಬಿಸಿ ಚೌಕಟ್ಟನ್ನು ಒದಗಿಸುತ್ತದೆ.

ಕೊನೆ ಮಾತು

ದಿವಾಳಿತನ ಸಂಹಿತೆ ಕೋಡ್(ಐಬಿಸಿ) ಅಡಿಯಲ್ಲಿ 'ಫ್ರೆಶ್ ಸ್ಟಾರ್ಟ್' ನಿಬಂಧನೆಗಳ ಭಾಗವಾಗಿ ಉದ್ದೇಶಿತ ಮನ್ನಾವನ್ನು ನೀಡಲಾಗುವುದು. ಸಾಲ ಮನ್ನಾ ವೈಯಕ್ತಿಕ ದಿವಾಳಿತನದ ಭಾಗವಾಗಿ ಇಡಬ್ಲ್ಯೂಎಸ್ ನಲ್ಲಿ ಹೆಚ್ಚು ತೊಂದರೆಗೀಡಾದವರಿಗೆ ಎಂದು ಒತ್ತಿ ಹೇಳಲಾಗಿದೆ.