ರೂ. 1 ಕೋಟಿ ತ್ವರಿತ ಸಾಲ

ಪ್ರಸ್ತುತ, psbloansin59minutes ಪೋರ್ಟಲ್ ಮೂಲಕ ಸೂಕ್ಷ್ಮ, ಸಣ್ಣ ಮತ್ತು ಮಧ್ಯಮ ಉದ್ಯಮಗಳಿಗೆ (ಎಂಎಸ್‌ಎಂಇ) ಕೇವಲ 59 ನಿಮಿಷಗಳಲ್ಲಿ ಅಥವಾ ಒಂದು ಗಂಟೆಗಿಂತ ಕಡಿಮೆ ಅವಧಿಯಲ್ಲಿ ರೂ. 1 ಕೋಟಿಗಳವರೆಗೆ ತ್ವರಿತಗತ ಸಾಲಕ್ಕೆ ಅನುಮೋದನೆ ನೀಡಿದೆ.

ಈ ಬ್ಯಾಂಕುಗಳಲ್ಲಿ 5 ಕೋಟಿ ಸಾಲ

ಕೇಂದ್ರದ ಸೂಚನೆಗೆ ಒಪ್ಪಿರುವ ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ, ಯೂನಿಯನ್ ಬ್ಯಾಂಕ್ ಆಫ್ ಇಂಡಿಯಾ, ಮತ್ತು ಕಾರ್ಪೊರೇಷನ್ ಬ್ಯಾಂಕ್ ಸೇರಿದಂತೆ ಕೆಲವು ಬ್ಯಾಂಕುಗಳು psbloansin59minutes ಪೋರ್ಟಲ್ ಮೂಲಕ ರೂ. 5 ಕೋಟಿ ಸಾಲಕ್ಕೆ ಅನುಮೋದನೆ ನೀಡಲು ನಿರ್ಧರಿಸಿವೆ.

ಒಂದು ಗಂಟೆ ಅವಧಿಯಲ್ಲಿ ಸಾಲ ಅನುಮೋದನೆ

ಸರ್ಕಾರಿ ಸ್ವಾಮ್ಯದ ಬ್ಯಾಂಕುಗಳು ಚಿಲ್ಲರೆ ಸಾಲದ ವಹಿವಾಟನ್ನು ವೇಗವಾಗಿ ವಿಸ್ತರಿಸಿ ಒಂದು ಗಂಟೆಗಿಂತ ಕಡಿಮೆ ಅವಧಿಯಲ್ಲಿ ಸಾಲ ಅನುಮೋದನೆ ನೀಡುವ ಅಂತರ್ಜಾಲ ತಾಣ psbloansin59minutes ಸೌಲಭ್ಯವನ್ನು ಬಳಸಿಕೊಳ್ಳಲು ಸಿದ್ದತೆ ನಡೆಸಿವೆ.

ಸಾಲ ಪ್ರಕ್ರಿಯೆಗಳ ವಹಿವಾಟು

ಸೂಕ್ಷ್ಮ, ಸಣ್ಣ ಮತ್ತು ಮಧ್ಯಮ ಉದ್ಯಮಗಳು (ಎಂಎಸ್‌ಎಂಇ) ಅರ್ಹತಾ ಪತ್ರ ಮತ್ತು ತಾತ್ವಿಕ ಅನುಮೋದನೆಯನ್ನು ಕೇವಲ 59 ನಿಮಿಷಗಳಲ್ಲಿ ಪಡೆಯುವ ರೀತಿಯಲ್ಲಿ ಈ ಸಾಲ ಪ್ರಕ್ರಿಯೆಯು ವಹಿವಾಟು ಸಮಯವನ್ನು ಕಡಿಮೆ ಮಾಡಿದೆ. ಅನುಮೋದನೆ ಪಡೆದ ಒಂದು ಗಂಟೆಯ ನಂತರದಲ್ಲಿ ಸಾಲವನ್ನು 7-8 ಕೆಲಸದ ದಿನಗಳಲ್ಲಿ ವಿತರಿಸುವ ನಿರೀಕ್ಷೆಯಿದೆ.

ನರೇಂದ್ರ ಮೋದಿ ಕೊಡುಗೆ

ದೇಶದ ಅತಿದೊಡ್ಡ ಆನ್ಲೈನ್ ಸಾಲ ನೀಡುವ ವೇದಿಕೆಯೆಂದು ಹೆಸರಿಸಲಾದ ಈ psbloansin59minutes ಪೋರ್ಟಲ್ ಅನ್ನು ಎಂಎಸ್‌ಎಂಇಗಳಿಗೆ ತ್ವರಿತ ಸಾಲ ಪ್ರವೇಶ ಮತ್ತು ಬ್ಯಾಂಕಿಂಗ್ ಪಾರದರ್ಶಕತೆ ಸಾಧಿಸಲು ಪ್ರಧಾನಿ ನರೇಂದ್ರ ಮೋದಿ ನವೆಂಬರ್ 2018 ರಲ್ಲಿ ಪ್ರಾರಂಭಿಸಿದರು. ಪ್ರಾರಂಭವಾದ ನಾಲ್ಕು ತಿಂಗಳಲ್ಲಿ ಪೋರ್ಟಲ್ ರೂ. 35,000 ಕೋಟಿ ರೂ.ಗಳ ಸಾಲವನ್ನು ಮಂಜೂರು ಮಾಡಿದೆ. ಮಾರ್ಚ್ 31, 2019 ರ ಹೊತ್ತಿಗೆ, 50,706 ಕ್ಕೂ ಹೆಚ್ಚು ಪ್ರಸ್ತಾಪಗಳಿಗೆ ತಾತ್ವಿಕ ಅನುಮೋದನೆ ದೊರೆತಿದ್ದು, ಅವುಗಳಲ್ಲಿ 27,893 ಮನವಿಗಳು ಮಂಜೂರಾಗಿವೆ.