ಸಿಇಒ ವರ್ಲ್ಡ್ ಮ್ಯಾಗಜಿನ್ ಅಧ್ಯಯನದ ಪ್ರಕಾರ, ಭಾರತವು ಹೂಡಿಕೆ ಅಥವಾ ಬಿಸಿನೆಸ್ ಮಾಡಲು ಜಗತ್ತಿನ ಅತ್ಯುತ್ತಮ ಹತ್ತು ದೇಶಗಳ ಪಟ್ಟಿಯಲ್ಲಿ 7ನೇ ಸ್ಥಾನದಲ್ಲಿದೆ ಎಂದಿದೆ.

ಸಿಇಒ ವರ್ಲ್ಡ್ ಮ್ಯಾಗಜಿನ್ ಮಾಡಿರುವ ಪಟ್ಟಿಯಲ್ಲಿ ಏಷಿಯಾದ ಹೆಚ್ಚಿನ ದೇಶಗಳ ಹೆಸರಿದೆ. ಈ ಪಟ್ಟಿಯಲ್ಲಿ ಮಲೆಷ್ಯಾ ಮೊದಲ ಸ್ಥಾನದಲ್ಲಿದ್ದರೆ, ಸಿಂಗಾಪುರ್, ಥೈಲ್ಯಾಂಡ್, ಇಂಡೋನೇಷ್ಯಾ, ಫಿಲಿಪೈನ್ಸ್ ನಂತಹ ರಾಷ್ಟ್ರಗಳನ್ನು ಒಳಗೊಂಡಿದೆ.
ಹೂಡಿಕೆ ಅಥವಾ ಬಿಸಿನೆಸ್ ಮಾಡಲು ಅತ್ಯುತ್ತಮವಾಗಿರುವ ದೇಶಗಳ ಪಟ್ಟಿಯಲ್ಲಿ ಪೋಲೆಂಡ್ ಎರಡನೇ ಸ್ಥಾನದಲ್ಲಿದೆ. ಈ ಪಟ್ಟಿಯಲ್ಲಿ ನಂತರದ ಸ್ಥಾನದಲ್ಲಿ ಫಿಲಿಪೈನ್ಸ್ ಇದೆ. ಇದು ಸಕಾರಾತ್ಮಕ ಸರ್ಕಾರ-ಬೆಂಬಲಿತ ನೀತಿಗಳು ಮತ್ತು ಆರ್ಥಿಕ ಸ್ಥಿರತೆಯ ಕಾರಣದಿಂದಾಗಿ ಸ್ಥಾನ ಪಡೆದಿದೆ. ನಾಲ್ಕನೇ ಸ್ಥಾನದಲ್ಲಿ ಇಂಡೋನೇಷ್ಯಾ ಇದ್ದು, ವ್ಯಾಪಾರ ಆಡಳಿತಕ್ಕೆ ಮುಕ್ತತೆ ಮತ್ತು ಸ್ಥಿರತೆಯಿಂದಾಗಿ ಸ್ಆತನ ಗಳಿಸಿದೆ. ಆಸ್ಟ್ರೇಲಿಯಾ 5 ನೇ ಸ್ಥಾನದಲ್ಲಿದೆ.
ಈ ಪಟ್ಟಿಯಲ್ಲಿ ಏಳನೇ ಸ್ಥಾನದಲ್ಲಿರುವ ಭಾರತದ ಬಗ್ಗೆ ಹೂಡಿಕೆದಾರರು ಜಾಗರೂಕರಾಗಿದ್ದಾರೆ. ಇಲ್ಲಿ ವ್ಯಾಪಾರ ಅಥವಾ ಹೂಡಿಕೆ ಮಾಡುವ ಮೊದಲು ಭಾರತದಲ್ಲಿನ ಸ್ಥೂಲ ಆರ್ಥಿಕ ಅಂಶಗಳ ಬಗ್ಗೆ ಗಮನಹರಿಸುತ್ತಾರೆ ಎಂದು ವರದಿ ಹೇಳಿದೆ.