For Quick Alerts
For Daily Alerts
ವಾಹನ ಕಂಪನಿಗಳಿಗೆ ಬಿಗ್ ಶಾಕ್, ಜಿಎಸ್ಟಿ ದರ ಇಳಿಕೆ ಅಸಂಭವ
ವಾಹನ ವಲಯವು ಕಳೆದ ಹಣಕಾಸು ವರ್ಷದ ದ್ವಿತೀಯಾರ್ಧದ ನಂತರ ಒತ್ತಡಕ್ಕೆ ಒಳಗಾಗಲು ಪ್ರಾರಂಭಿಸಿ, ಪ್ರಸ್ತುತ ವಾಹನ ಮಾರಾಟ ಭಾರೀ ಕುಸಿತ ಕಂಡಿದ್ದರೂ ಸರ್ಕಾರವು ವಾಹನ ವಲಯಕ್ಕೆ ಜಿಎಸ್ಟಿ ರಿಯಾಯಿತಿಗಳನ್ನು ನೀಡಲು ಅಸಂಭವವಾಗಿದೆ.
|
ವಾಹನ ವಲಯವು ಕಳೆದ ಹಣಕಾಸು ವರ್ಷದ ದ್ವಿತೀಯಾರ್ಧದ ನಂತರ ಒತ್ತಡಕ್ಕೆ ಒಳಗಾಗಲು ಪ್ರಾರಂಭಿಸಿ, ಪ್ರಸ್ತುತ ವಾಹನ ಮಾರಾಟ ಭಾರೀ ಕುಸಿತ ಕಂಡಿದ್ದರೂ ಸರ್ಕಾರವು ವಾಹನ ವಲಯಕ್ಕೆ ಜಿಎಸ್ಟಿ ರಿಯಾಯಿತಿಗಳನ್ನು ನೀಡಲು ಅಸಂಭವವಾಗಿದೆ.
ಇದು ಆಟೋಮೊಬೈಲ್ ಕಂಪನಿಗಳಿಗೆ ನಿರಾಶದಾಯಕವಾಗಿದ್ದು, ನಿರಂತರವಾಗಿ ವಾಹನಗಳ ಮಾರಾಟ ಕುಸಿಯುತ್ತಲೇ ಸಾಗಿದೆ. ಈ ಮಧ್ಯೆ ಸರಕು ಮತ್ತು ಸೇವಾ ತೆರಿಗೆ (ಜಿಎಸ್ಟಿ) ದರ ಕಡಿತಗೊಳ್ಳುವ ಭರವಸೆಯಲ್ಲಿದ್ದ ಕಂಪನಿಗಳಿಗೆ ಮತ್ತೆ ನಿರಾಶೆ ಎದುರಾಗಿದೆ. ಪ್ರಸಕ್ತ ಹಣಕಾಸು ವರ್ಷದ ಮೊದಲ ತ್ರೈಮಾಸಿಕದಲ್ಲಿ ವಾಹನ ಮಾರಾಟವು 17% ಕ್ಕಿಂತಲೂ ಕಡಿಮೆಯಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
ಜಿಎಸ್ಟಿ ಸಮಿತಿಯಲ್ಲಿ ಒಮ್ಮತವಿಲ್ಲದ ಕಾರಣ, ಜಿಎಸ್ಟಿ ಮಂಡಳಿ ಸಭೆಯಲ್ಲಿ ಆಟೋಮೋಬೈಲ್ ವಲಯದ ಜಿಎಸ್ಟಿ ದರ ಇಳಿಕೆ ಸಾಧ್ಯವಿಲ್ಲ ಎನ್ನಲಾಗುತ್ತಿದೆ. ಕಳೆದ ಒಂದು ವರ್ಷದಿಂದ ಸತತವಾಗಿ ವಾಹನ ಮಾರಾಟದಲ್ಲಿ ಕುಸಿತಕ್ಕೆ ಒಳಗಾಗಿದ್ದು, ಕಾರುಗಳ ಮಾರಾಟವು ಎರಡು ದಶಕಗಳಲ್ಲಿ ಇದೇ ಮೊದಲ ಬಾರಿ ಭಾರೀ ಕುಸಿತ ಕಂಡಿದೆ. ಇದಕ್ಕೆ ಜಿಎಸ್ಟಿ ಕಾರಣವೆಂದು ಹೇಳಲಾಗಿದೆ.
ಜಿಎಸ್ಟಿ ದರ ಕಡಿತಗೊಳಿಸದಿದ್ದರೆ ಸುಮಾರು 30 ಸಾವಿರ ಕೋಟಿ ಆದಾಯ ನಷ್ಟವಾಗಲಿದೆ. ರಾಜ್ಯಗಳು ಆಟೊಮೊಬೈಲ್ ವಲಯದಲ್ಲಿ ಕುಸಿತ ಕಾಣುವ ಆದಾಯದ ಹೊಣೆಯನ್ನು ಭರಿಸಲು ಸಿದ್ಧವಿಲ್ಲ ಎನ್ನಲಾಗಿದೆ.
English summary
Government unlikely to offer GST concessions to auto companies
Story first published: Friday, September 13, 2019, 13:37 [IST]