ಭೂ ಮಾಲೀಕತ್ವದಲ್ಲಿ ಪಾರದರ್ಶಕತೆ

ಯಾರದ್ದೋ ಸೈಟ್, ಯಾರದ್ದೋ ಮನೆ, ಇನ್ಯಾರಿಗೋ ಮಾರಾಟದಂತಹ ಪ್ರಕರಣಗಳು ದಿನೇದಿನೇ ಕೇಳಿಬರುತ್ತಿರುವ ಬೆನ್ನಲ್ಲೇ ಭೂ ಮಾಲೀಕತ್ವದಲ್ಲಿ ಪಾರದರ್ಶಕತೆ ತರುವ ಉದ್ದೇಶದಿಂದ ಈ ತೀರ್ಮಾನ ಕೈಗೊಳ್ಳಲಾಗಿದೆ. ಪ್ರತಿ ಸೈಟ್ ಗೆ ಆಧಾರ್ ಜೋಡಣೆಯಿಂದಾಗಿ ರಿಯಲ್ ಎಸ್ಟೇಟ್ ಉದ್ಯಮಕ್ಕೆ ಅನುಕೂಲಕರವಾಗಲಿದೆ. ಅಲ್ಲದೇ ಆಸ್ತಿ ತೆರಿಗೆ ಸಮಸ್ಯೆ ಪರಿಹರಿಸಲು, ವಿಪತ್ತು ಸಂದರ್ಭದಲ್ಲಿ ಪರಿಹಾರ ನೀಡಲು ಇದು ಸಹಾಯವಾಗಲಿದೆ.

ವ್ಯಾಜ್ಯ ಪರಿಹಾರ

ಭೂ ಮಾಲೀಕತ್ವಕ್ಕೆ ಆಧಾರ್ ಜೋಡಣೆಯಾದರೆ ಕಂದಾಯ ಇಲಾಖೆಯ ಸಮಸ್ಯೆಗಳು ಹಾಗು ಭೂ ಸಂಬಂಧಿ ವ್ಯಾಜ್ಯಗಳು ಕೂಡ ಸುಲಭವಾಗಿ ಇತ್ಯರ್ಥಗೊಳ್ಳಲಿದೆ. ಈಗಾಗಲೇ ಭೂ ದಾಖಲೆಗಳ ಡಿಜಿಟಲೀಕರಣ ಪ್ರಕ್ರಿಯೆ ನಡೆಯುತ್ತಿದೆ. ಹೀಗಾಗಿ ಭೂ ಮಾರಾಟ, ಖರೀದಿ, ತೆರಿಗೆ ಸಂಗ್ರಹದಂತಹ ಕಾರ್ಯಗಳನ್ನು ಸುವ್ಯವಸ್ಥಿತವಾಗಿ ನಡೆಸಲು ಸಾಧ್ಯವಾಗಲಿದೆ.

ದಾಖಲೆಗಳ ಗೊಂದಲ ಪರಿಹಾರ

ನಮ್ಮ ದೇಶದ ನ್ಯಾಯಾಲಯಗಳಲ್ಲಿ ಇರುವ ಹೆಚ್ಚಿನ ವ್ಯಾಜ್ಯಗಳಲ್ಲಿ ಭೂ ಮಾಲೀಕತ್ವಕ್ಕೆ ಸಂಬಂಧಿಸಿದ್ದು ಹೆಚ್ಚಿವೆ. ಎಷ್ಟೇ ವರ್ಷ ಕಳೆದರೂ ವ್ಯಾಜ್ಯಗಳು ಮಾತ್ರ ಬಗೆಹರಿಯುವುದೇ ಇಲ್ಲ. ದಾಖಲೆಗಳಲ್ಲಿನ ಗೊಂದಲವೇ ಇದಕ್ಕೆ ಪ್ರಮುಖ ಕಾರಣ. ಹೀಗಾಗಿ ಆಧಾರ್ ಜೋಡಣೆ ಮಾಡಿದರೆ ಇದಕ್ಕೆ ಪರಿಹಾರ ಸಿಗಬಹುದು ಎನ್ನಲಾಗಿದೆ.