ಟಾಟಾ ಸ್ಕೈ ಕ್ಯಾಶ್‌ಬ್ಯಾಕ್ ಆಫರ್

ಟಾಟಾ ಸ್ಕೈ ತನ್ನ ಚಂದಾದಾರರಿಗೆ ಒಂದು ವಿಶಿಷ್ಟವಾದ ಕ್ಯಾಶ್‌ಬ್ಯಾಕ್ ಕೊಡುಗೆಯನ್ನು ಘೋಷಿಸಿದೆ. ಇದು ದೀರ್ಘಾವಧಿಯ ಕೊಡುಗೆಯಾಗಿದ್ದು, ಕ್ಯಾಶ್‌ಬ್ಯಾಕ್ ಕೊಡುಗೆಗೆ ಚಂದಾದಾರರು 12 ತಿಂಗಳ ಚಂದಾದಾರಿಕೆ ರೀಚಾರ್ಜ್ ಮಾಡಬೇಕಾಗುತ್ತದೆ. ನಂತರ ಚಂದಾದಾರರು ಒಂದು ತಿಂಗಳ ಉಚಿತ ಸೇವೆಯ ರೂಪದಲ್ಲಿ ಕ್ಯಾಶ್‌ಬ್ಯಾಕ್ ಅನ್ನು ಸ್ವೀಕರಿಸಲು ಸಾಧ್ಯವಾಗುತ್ತದೆ. ಆದ್ದರಿಂದ ಟಾಟಾ ಸ್ಕೈ ಚಂದಾದಾರರು 12 ತಿಂಗಳ ರೀಚಾರ್ಜ್ ಮಾಡಿದರೆ ಹೆಚ್ಚುವರಿ ತಿಂಗಳ ಸೇವೆಯನ್ನು ಆನಂದಿಸಲು ಸಾಧ್ಯವಾಗುತ್ತದೆ. ಕ್ಯಾಶ್‌ಬ್ಯಾಕ್ ಕೊಡುಗೆ ಅಡಿಯಲ್ಲಿ, ಚಂದಾದಾರರು ಹೆಚ್ಚುವರಿ ಕ್ಯಾಶ್‌ಬ್ಯಾಕ್ ಅನ್ನು ಕೇವಲ 48 ಗಂಟೆಗಳ ಒಳಗೆ ಸ್ವೀಕರಿಸುತ್ತಾರೆ.

ಡಿ2ಎಚ್ ದೀರ್ಘಾವಧಿ ಯೋಜನೆ

ಎಲ್ಲಾ ಡಿಟಿಎಚ್ ಆಪರೇಟರ್‌ಗಳಲ್ಲಿ, ಡಿ2ಎಚ್ ಅತ್ಯಂತ ವಿಸ್ತಾರವಾದ ಮತ್ತು ಆಕರ್ಷಕ ದೀರ್ಘಕಾಲೀನ ಯೋಜನೆಗಳನ್ನು ಒಳಗೊಂಡಿದೆ. 3 ತಿಂಗಳ ಚಂದಾದಾರಿಕೆಯನ್ನು ಹೊಂದಿರುವ ಚಂದಾದಾರರು 7 ದಿನಗಳ ಉಚಿತ ಚಂದಾದಾರಿಕೆಯನ್ನು ಆನಂದಿಸುತ್ತಾರೆ. 6 ತಿಂಗಳ ಚಂದಾದಾರಿಕೆಯೊಂದಿಗೆ ಅವರು ಹೆಚ್ಚುವರಿ 15 ದಿನಗಳ ಚಂದಾದಾರಿಕೆಯನ್ನು ಆನಂದಿಸುತ್ತಾರೆ. 11 ತಿಂಗಳ ಚಂದಾದಾರಿಕೆಗೆ 30 ದಿನಗಳ ಹೆಚ್ಚುವರಿ ಉಚಿತ ಸೇವೆ ಪಡೆಯುತ್ತಾರೆ. ಚಂದಾದಾರರು 22 ತಿಂಗಳ ಚಂದಾದಾರಿಕೆಗೆ 60 ದಿನಗಳ ಹೆಚ್ಚುವರಿ ಸೇವೆಯನ್ನು ಪಡೆಯುತ್ತಾರೆ. 33 ತಿಂಗಳ ಯೋಜನೆಗೆ 90 ದಿನಗಳ ಉಚಿತ ಸೇವೆಹಾಗು 44 ತಿಂಗಳ ಯೋಜನೆಗೆ 120 ದಿನಗಳ ಹೆಚ್ಚುವರಿ ಸೇವೆಯನ್ನುಯನ್ನು ಪಡೆಯುತ್ತಾರೆ.

ಡಿಶ್ ಟಿವಿ ದೀರ್ಘಾವಧಿ ಯೋಜನೆ

ಡಿಶ್ ಟಿವಿಯ ದೀರ್ಘಾವಧಿಯ ಯೋಜನೆಯು ಡಿ2ಎಚ್‌ನಂತೆಯೇ ಇರುತ್ತದೆ. ಇದು ಕೂಡ ಹೆಚ್ಚುವರಿ ಉಚಿತ ಸೇವೆಗಳನ್ನು ನೀಡುತ್ತಿದೆ. 3 ತಿಂಗಳ ಚಂದಾದಾರಿಕೆಯನ್ನು ಹೊಂದಿರುವ ಡಿಶ್ ಟಿವಿ ಚಂದಾದಾರರು 7 ದಿನಗಳ ಉಚಿತ ಸೇವೆ ಪಡೆಯುತ್ತಾರೆ. 6 ತಿಂಗಳ ಚಂದಾದಾರಿಕೆಗೆ 15 ಹೆಚ್ಚುವರಿ ದಿನಗಳ ಸೇವೆ, 11 ತಿಂಗಳುಗಳ ಚಂದಾದರಿಕೆಗೆ 30 ದಿನಗಳ ಹೆಚ್ಚುವರಿ ಸೇವೆಯನ್ನು ಪಡೆಯುತ್ತಾರೆ.

ಟಾಟಾ ಸ್ಕೈ ಒಂದು ತಿಂಗಳ ಉಚಿತ ಸೇವೆ

ಒಂದೇ ಬಾರಿ 12 ತಿಂಗಳ ಚಂದಾದಾರಿಕೆಯನ್ನು ಪಾವತಿಸಿದರೆ ಟಾಟಾ ಸ್ಕೈ ತನ್ನ ಗ್ರಾಹಕರಿಗೆ ಒಂದು ತಿಂಗಳ ಉಚಿತ ಟಿವಿ ವೀಕ್ಷಣೆ ಸೇವೆಯನ್ನು ನೀಡುತ್ತಿದೆ. ಅಂದರೆ ಒಂದು ತಿಂಗಳ ಉಚಿತ ಸೇವೆಯನ್ನು ಕ್ಯಾಶ್‌ಬ್ಯಾಕ್ ರೂಪದಲ್ಲಿ ಒದಗಿಸುತ್ತದೆ. ರೀಚಾರ್ಜ್ ಮಾಡಿದ 48 ಗಂಟೆಗಳ ಒಳಗೆ ಒಂದು ತಿಂಗಳ ಉಚಿತ ರೀಚಾರ್ಜ್ ಬೋನಸ್ ಅನ್ನು ಚಂದಾದಾರರ ಟಾಟಾ ಸ್ಕೈ ಖಾತೆಗೆ ಜಮಾ ಮಾಡಲಾಗುತ್ತದೆ ಎಂದು ಡಿಟಿಎಚ್ ಕಂಪನಿ ಹೇಳಿದೆ.

ಟ್ರಾಯ್ ಎಫೆಕ್ಟ್ ಆಫರ್‌ ಆಕರ್ಷಣೆ

ಟ್ರಾಯ್ ಹೊಸ ನಿಯಮ ಜಾರಿಯಾದ ನಂತರ ದೀರ್ಘಾವಧಿಯ ಯೋಜನೆಗಳು ಯಶಸ್ವಿಯಾಗುವುದಿಲ್ಲ ಎನ್ನಲಾಗುತ್ತಿತ್ತು. ಆದರೆ ಡಿ2ಎಚ್ ಸಂಸ್ಥೆಗಳು ದೀರ್ಘಾವಧಿಯ ಯೋಜನೆಗಳನ್ನು ತನ್ನ ಗ್ರಾಹಕರಿಗೆ ಘೋಷಿಸುತ್ತಲೇ ಇವೆ. ಒಂದೇಡೆ ಜಿಯೋ ಪೈಬರ್ ಪೈಪೋಟಿ ನೀಡುತ್ತಿದ್ದರೆ, ಇನ್ನೊಂದೆಡೆ ಇನ್ನಿತರ ಡಿ2ಎಚ್ ಸಂಸ್ಥೆಗಳು ಹೆಚ್ಚುವರಿ ವ್ಯಾಲಿಡಿಟಿಯ ಆಫರ್‌ ನೀಡಿ ಗ್ರಾಹಕರನ್ನು ಉಳಿಸಿಕೊಳ್ಳುವ ಪ್ಲಾನ್ ಗಳನ್ನು ಘೋಷಿಸುತ್ತಿವೆ. ಟಾಟಾಸ್ಕೈ, ಡಿಶ್‌ಟಿವಿ ಮತ್ತು ಡಿ2ಎಚ್‌ ಅಪರೇಟರ್ ಗಳು ಗ್ರಾಹಕರನ್ನು ಆಕರ್ಷಿಸಲು ಮುಂದಾಗಿವೆ.