ಏರ್ಟೆಲ್ ಐತಿಹಾಸಿಕ ಆಫರ್! ಪ್ರಿಪೇಡ್ ಪ್ಲಾನ್ ಜೊತೆಗೆ 4 ಲಕ್ಷ ವಿಮೆ ಸೌಲಭ್ಯ ಪಡೆಯಿರಿ
ದೇಶದ ಟೆಲಿಕಾಂ ರಂಗದಲ್ಲಿ ಭಾರೀ ಪೈಪೋಟಿ ಬೆಳೆದಿರುವ ಹಿನ್ನೆಲೆಯಲ್ಲಿ ಎಲ್ಲಾ ಪ್ರಮುಖ ಟೆಲಿಕಾಂ ಕಂಪನಿಗಳನ್ನು ಗ್ರಾಹಕರನ್ನು ಆಕರ್ಷಿಸಲು ಹೊಸ ಹೊಸ ಯೋಜನೆಗಳನ್ನು ಪರಿಚಯಿಸುತ್ತಿವೆ.
ದೇಶದ ಟೆಲಿಕಾಂ ರಂಗದಲ್ಲಿ ಭಾರೀ ಪೈಪೋಟಿ ಬೆಳೆದಿರುವ ಹಿನ್ನೆಲೆಯಲ್ಲಿ ಎಲ್ಲಾ ಪ್ರಮುಖ ಟೆಲಿಕಾಂ ಕಂಪನಿಗಳನ್ನು ಗ್ರಾಹಕರನ್ನು ಆಕರ್ಷಿಸಲು ಹೊಸ ಹೊಸ ಯೋಜನೆಗಳನ್ನು ಪರಿಚಯಿಸುತ್ತಿವೆ. ಈ ನಿಟ್ಟಿನಲ್ಲಿ ಏರ್ಟೆಲ್ ಕೂಡ ಹಿಂದೆ ಬಿದ್ದಿಲ್ಲ.
ಆರ್ಥಿಕವಾಗಿ ಸುರಕ್ಷಿತವಾದ ಭಾರತವನ್ನು ನಿರ್ಮಿಸಲು ಮೊಬೈಲ್ ಸೇವೆಗಳ ಕಾರ್ಯತಂತ್ರದ ಭಾಗವಾಗಿ ಭಾರ್ತಿ ಏರ್ಟೆಲ್ ತನ್ನ ಗ್ರಾಹಕರಿಗೆ ವಿಮಾ ರಕ್ಷಣೆಯ ರಕ್ಷಣೆಯೊಂದಿಗೆ ಪ್ರಿಪೇಡ್ ಯೋಜನೆಯನ್ನು ನೀಡಲು ಭಾರ್ತಿ ಆಕ್ಸಾ ಲೈಫ್ ಇನ್ಶುರೆನ್ಸ್ನೊಂದಿಗೆ ಒಪ್ಪಂದ ಮಾಡಿಕೊಂಡಿದೆ.
ಏರ್ಟೆಲ್ ರೂ. 599 ಯೋಜನೆ
ಭಾರ್ತಿ ಏರ್ಟೆಲ್ ಭಾರ್ತಿ ಆಕ್ಸಾ ಲೈಫ್ ಇನ್ಸೂರೆನ್ಸ್ ಒಪ್ಪಂದದ ನಂತರ ಏರ್ಟೆಲ್ ತನ್ನ ಗ್ರಾಹಕರಿಗೆ ಪ್ರಿಪೇಡ್ ಪ್ಲಾನ್ ನಲ್ಲಿ ಇನ್ಶೂರೆನ್ಸ್ ಪ್ರೊಟೆಕ್ಷನ್ ಕವರ್ ನೀಡಲಿದೆ. ದೇಶದ ಎಲ್ಲ ಏರ್ಟೆಲ್ ಪ್ರಿಪೇಡ್ ಗ್ರಾಹಕರಿಗೂ ಈ ಯೋಜನೆಯ ಸೌಲಭ್ಯ ಸಿಗಲಿದೆ.
ಪ್ರಯೋಜನಗಳು
ಏರ್ಟೆಲ್ ರೂ. 599 ಯೋಜನೆಯಡಿಯಲ್ಲಿ ಪ್ರತಿದಿನ ಗ್ರಾಹಕರಿಗೆ 2ಜಿಬಿ ಡೇಟಾ, ಅನಿಯಮಿತ ಕರೆ, ಪ್ರತಿ ದಿನ 100 ಎಸ್ಎಂಎಸ್ ಹಾಗೂ 4 ಲಕ್ಷ ರೂಪಾಯಿ ಜೀವ ವಿಮೆ ನೀಡಲಿದೆ. ಈ ರಿಚಾರ್ಜ್ ಯೋಜನೆ 84 ದಿನಗಳ ವ್ಯಾಲಿಡಿಟಿ ಹೊಂದಿರುತ್ತದೆ. ಮುಂದಿನ ಮೂರು ತಿಂಗಳವರೆಗೆ ಈ ವಿಮಾ ಸೌಲಭ್ಯ ಸಿಗಲಿದೆ.
ಎಲ್ಲೆಲ್ಲಿ ಲಭ್ಯ
ಭಾರ್ತಿ ಆಕ್ಸಾ ಲೈಫ್ ಇನ್ಸೂರೆನ್ಸ್ ರಕ್ಷಣೆಯನ್ನು ಒದಗಿಸುವ ಏರ್ಟೆಲ್ನ ಈ ಪ್ರಿಪೇಡ್ ಯೋಜನೆ ತಮಿಳುನಾಡು ಮತ್ತು ಪಾಂಡಿಚೆರಿ ಗ್ರಾಹಕರಿಗೆ ಲಭ್ಯವಿದೆ. ಈ ಯೋಜನೆಯನ್ನು ಮುಂದಿನ ಕಲವೆ ತಿಂಗಳಲ್ಲಿ ದೇಶಾದ್ಯಂತ ಜಾರಿಗೆ ತರುವುದಾಗಿ ಏರ್ಟೆಲ್ ಹೇಳಿದೆ.
ನವೀನ ಯೋಜನೆ
ಏರ್ಟೆಲ್ ನ ಈ ನವೀನ ಯೋಜನೆಯು ಗ್ರಾಮೀಣ ಭಾಗಗಳು ಸೇರಿದಂತೆ ಏರ್ಟೆಲ್ನ ಆಳವಾದ ವಿತರಣಾ ವ್ಯಾಪ್ತಿಯನ್ನು ಸಂಯೋಜಿಸುತ್ತದೆ. ಭಾರ್ತಿ ಆಕ್ಸಾ ಲೈಫ್ನ ವಿಮೆಯಲ್ಲಿ ಲಕ್ಷಾಂತರ ವಿಮೆ ಮಾಡದ ಮತ್ತು ವಿಮೆ ಮಾಡುವ ಜನರು ತಮ್ಮ ಫೋನ್ಗಳನ್ನು ರೀಚಾರ್ಜ್ ಮಾಡುವಾಗಲೆಲ್ಲಾ ಅವರಿಗೆ ಸಾಕಷ್ಟು ಲೈಫ್ ಕವರ್ ಸಿಗುತ್ತದೆ.
ವಿಮೆ ವ್ಯಾಪ್ತಿ
ಐಆರ್ಡಿಎಐ ಪ್ರಕಾರ, ಭಾರತದಲ್ಲಿ ವಿಮಾ ತಲುಪಿರುವ ವ್ಯಾಪ್ತಿಯು ಶೇಕಡಾ 4 ಕ್ಕಿಂತ ಕಡಿಮೆ (ಜನಸಂಖ್ಯೆಗನುಗುಣವಾಗಿ) ಮತ್ತು ಮೊಬೈಲ್ ವ್ಯಾಪ್ತಿಯು ಶೇಕಡಾ 90ರ ಹತ್ತಿರದಲ್ಲಿದೆ. 2022 ರ ವೇಳೆಗೆ ಭಾರತವು ಸುಮಾರು 830 ದಶಲಕ್ಷ ಸ್ಮಾರ್ಟ್ಫೋನ್ ಬಳಕೆದಾರರನ್ನು ಹೊಂದಿರುತ್ತದೆ ಎಂದು ಅಂದಾಜಿಸಲಾಗಿದೆ. "ಉದ್ಯಮದಲ್ಲಿ ಗ್ರಾಹಕ-ಕೇಂದ್ರಿತ ಸಂರಕ್ಷಣಾ ಉತ್ಪನ್ನಗಳನ್ನು ರಚಿಸುವಲ್ಲಿ ಏರ್ಟೆಲ್ ಮುಂಚೂಣಿಯಲ್ಲಿದೆ. ಪ್ರತಿ ಪ್ರಿಪೇಡ್ ರೀಚಾರ್ಜ್ನೊಂದಿಗೆ ಟರ್ಮ್ ಇನ್ಶೂರೆನ್ಸ್ ಪರಿಚಯವು ಗ್ರಾಹಕರಿಗೆ ರಕ್ಷಣೆ ಪ್ರಯೋಜನಗಳನ್ನು ನೀಡುತ್ತದೆ ಎಂದು ಭಾರತಿ ಆಕ್ಸಾ ಲೈಫ್ ಇನ್ಶುರೆನ್ಸ್ನ ವ್ಯವಸ್ಥಾಪಕ ನಿರ್ದೇಶಕ ಮತ್ತು ಸಿಇಒ ವಿಕಾಸ್ ಸೇಠ್ ಹೇಳಿದರು.
ವಿಮಾ ನಿಯಮ
18-54 ವರ್ಷ ವಯಸ್ಸಿನ ಎಲ್ಲ ಗ್ರಾಹಕರಿಗೆ ಲಭ್ಯವಿರುವ ಜೀವ ವಿಮಾ ರಕ್ಷಣೆಗೆ ಯಾವುದೇ ದಾಖಲೆ ಅಥವಾ ವೈದ್ಯಕೀಯ ಪರೀಕ್ಷೆಯ ಅಗತ್ಯವಿಲ್ಲ ಮತ್ತು ವಿಮೆಯ ಪ್ರಮಾಣಪತ್ರವನ್ನು ತ್ವರಿತವಾಗಿ ಡಿಜಿಟಲ್ ರೂಪದಲ್ಲಿ ತಲುಪಿಸಲಾಗುತ್ತದೆ. ವಿಮೆಯ ಭೌತಿಕ ನಕಲನ್ನು ವಿನಂತಿಯ ಮೇರೆಗೆ ಗ್ರಾಹಕರ ಮನೆ ಬಾಗಿಲಿಗೆ ತಲುಪಿಸಲಾಗುತ್ತದೆ.