ಆನ್ಲೈನ್ ಬ್ಯಾಂಕ್ ವಂಚನೆ ಪ್ರಕರಣಗಳ ಸಂಖ್ಯೆ ಹೆಚ್ಚುತ್ತಿರುವ ಹಿನ್ನೆಲೆಯಲ್ಲಿ ಹಣಕಾಸು ಸಂಸ್ಥೆಗಳು ಮತ್ತು ಬ್ಯಾಂಕುಗಳು ವಂಚಕರಿಂದ ರಕ್ಷಣೆ ನೀಡಲು ವಿವಿಧ ಕ್ರಮಗಳನ್ನು ಕೈಗೊಳ್ಳುತ್ತಿವೆ.

ಸರ್ಕಾರಿ ಸ್ವಾಮ್ಯದ ಅತಿದೊಡ್ಡ ಬ್ಯಾಂಕ್ ಆಗಿರುವ ಎಸ್ಬಿಐ ತನ್ನ ಗ್ರಾಹಕರಿಗೆ ಅಗತ್ಯವಿಲ್ಲದಿದ್ದಾಗ ಇಂಟರ್ನೆಟ್ ಬ್ಯಾಂಕಿಂಗ್ ಸೌಲಭ್ಯವನ್ನು ಲಾಕ್ ಮಾಡಲು ಅವಕಾಶ ಕಲ್ಪಿಸುವ ವ್ಯವಸ್ಥೆಯನ್ನು ಪರಿಚಯಿಸಿದೆ.
ಎಸ್ಬಿಐನ ಬ್ಯಾಂಕಿಂಗ್ ವೆಬ್ಸೈಟ್ ನಿಮ್ಮ ಖಾತೆಯ ನಿಯಂತ್ರಣ ಮತ್ತು ಸುರಕ್ಷತೆಗಾಗಿ ಹೋಂ/ಲಾಗಿನ್ ಪೇಜ್ ನಲ್ಲಿ ಲಾಕ್ & ಅನ್ ಲಾಕ್ ಯೂಸರ್' ಆಯ್ಕೆಯನ್ನು ಸೇರಿಸಿದೆ. ಈ ವೈಶಿಷ್ಟತೆ ಮೂಲಕ ಗ್ರಾಹಕರು ಅಗತ್ಯವಿದ್ದಾಗ ಮಾತ್ರ ಅನ್ ಲಾಕ್ ಮಾಡಿಕೊಂಡು ವ್ಯವಹಾರ ಮುಗಿದ ನಂತರ ಮತ್ತೆ ಲಾಕ್ ಮಾಡಬಹುದಾಗಿದೆ.
ಗ್ರಾಹಕರು ಲಾಕಿಂಗ್ ವ್ಯವಸ್ಥೆಗಾಗಿ ಪಾಸ್ವರ್ಡ್ ಸೃಷ್ಟಿಸಿ ವ್ಯವಹರಿಸಬೇಕಾಗುತ್ತದೆ. ನಿ ಇಂಟರ್ನೆಟ್ ಬ್ಯಾಂಕಿಂಗ್ ಅನ್ನು ಲಾಕ್ ಮಾಡುವ ಮೊದಲು ನಿಮ್ಮ ಪ್ರೊಫೈಲ್ ಪಾಸ್ವರ್ಡ್ ಅನ್ನು ನೆನಪಿಟ್ಟುಕೊಳ್ಳುವುದು ಬಹಳ ಮುಖ್ಯ. ಇದು ಆನ್ಲೈನ್ ವಂಚನೆ ಪ್ರಕರಣಗಳಿಗೆ ಕಡಿವಾಣ ಹಾಕಲು ಸಾಧ್ಯವಾಗುತ್ತದೆ. https://www.onlinesbi.com/