ಎಸ್ಬಿಐ ಗ್ರಾಹಕರಿಗೆ ಹಬ್ಬದ ಕೊಡುಗೆ! ಗೃಹ ಸಾಲ ಅಗ್ಗ
ನೀವು ಮನೆ ಖರೀದಿಸಲು ಯೋಜಿಸುತ್ತಿದ್ದಿರಾ? ಹಾಗಿದ್ದರೆ ನಿಮಗೊಂದು ಖುಷಿಯ ಸುದ್ದಿ ಇದೆ. ಸರ್ಕಾರಿ ಸ್ವಾಮ್ಯದ ಅತಿ ದೊಡ್ಡ ಬ್ಯಾಂಕ್ ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾದ ಗೃಹ ಸಾಲದ ಮೇಲಿನ ಬಡ್ಡಿದರವನ್ನು ಅಕ್ಟೋಬರ್ 1ರಿಂದ ಕಡಿತಗೊಳಿಸಲಿದೆ.
ನೀವು ಮನೆ ಖರೀದಿಸಲು ಯೋಜಿಸುತ್ತಿದ್ದಿರಾ? ಹಾಗಿದ್ದರೆ ನಿಮಗೊಂದು ಖುಷಿಯ ಸುದ್ದಿ ಇದೆ. ಸರ್ಕಾರಿ ಸ್ವಾಮ್ಯದ ಅತಿ ದೊಡ್ಡ ಬ್ಯಾಂಕ್ ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾದ ಗೃಹ ಸಾಲದ ಮೇಲಿನ ಬಡ್ಡಿದರವನ್ನು ಅಕ್ಟೋಬರ್ 1ರಿಂದ ಕಡಿತಗೊಳಿಸಲಿದೆ.
ಎಸ್ಬಿಐ ಬ್ಯಾಂಕ್ 2019 ಅಕ್ಟೋಬರ್ ಒಂದರಿಂದ ಬಾಹ್ಯ ಬೆಂಚ್ಮಾರ್ಕ್ ಸಾಲ ದರ ವ್ಯವಸ್ಥೆಯಡಿಯಲ್ಲಿ ಶೇ. 8.15 ರಷ್ಟು ಬಡ್ಡಿದರದಲ್ಲಿ ಗೃಹ ಸಾಲವನ್ನು ನೀಡಲಿದೆ. ಎಂಎಸ್ಎಂಇ, ವಸತಿ ಮತ್ತು ಚಿಲ್ಲರೆ ಸಾಲ ಸೇರಿದಂತೆ ಎಲ್ಲ ಬದಲಾಗುವ ದರ ಸಾಲವನ್ನು ಬಾಹ್ಯ ಬೆಂಚ್ಮಾರ್ಕ್ ರೆಪೊ ದರದೊಂದಿಗೆ ಜೋಡಿಸಲು ನಿರ್ಧರಿಸಿದೆ ಎಂದು ಹೇಳಿದೆ.
ಹಬ್ಬದಲ್ಲಿ ವಿಶೇಷ ಕೊಡುಗೆ
ಹಬ್ಬದ ಋತುವಿನ ಸಂದರ್ಭದಲ್ಲಿ ಎಸ್ಬಿಐ ತನ್ನ ಗ್ರಾಹಕರಿಗೆ ಸಾಕಷ್ಟು ಕೊಡುಗೆಗಳನ್ನು ನೀಡುತ್ತಿದೆ. ಗೃಹ ಸಾಲಗಳ ಹೊರತಾಗಿ ಕಾರು ಸಾಲ ಮತ್ತು ವೈಯಕ್ತಿಕ ಸಾಲಗಳ ಆಫರ್ ಕೂಡ ನೀಡುತ್ತಿದೆ. ಒಂದೇಡೆ ಗ್ರಾಹಕರಿಗೆ ಕಡಿಮೆ ಬಡ್ಡಿಗೆ ಗೃಹ ಸಾಲವನ್ನು ನೀಡುತ್ತಿದ್ದರೆ, ಮತ್ತೊಂದೆಡೆ ಮೊಬೈಲ್ ಆಪ್ ಯೊನೊ ಮೂಲಕ ಕಡಿಮೆ ಬಡ್ಡಿ ದರ, ಶೂನ್ಯ ಸಂಸ್ಕರಣಾ ಶುಲ್ಕ ಸೇರಿದಂತೆ ಅನೇಕ ರಿಯಾಯಿತಿಗಳನ್ನು ನೀಡಲಿದೆ.
ಇದಲ್ಲದೆ, ವೈಯಕ್ತಿಕ ಸಾಲಗಳಿಗೆ ಕಡಿಮೆ ಬಡ್ಡಿದರ ಮತ್ತು ಸಂಸ್ಕರಣಾ ಶುಲ್ಕದ ಮೇಲೆ ಶೇ. 50ರಷ್ಟು ರಿಯಾಯಿತಿ ಕೂಡ ಇರಲಿದೆ.
ಅಕ್ಟೋಬರ್ 1ರಿಂದ ಜಾರಿ
ಎಸ್ಬಿಐನ ಹೊಸ ಸೇವಾ ಶುಲ್ಕಗಳು 1 ಅಕ್ಟೋಬರ್ 2019 ರಿಂದ ಅನ್ವಯವಾಗಲಿದೆ. ಪ್ರಸ್ತುತ, ಮೆಟ್ರೋ ನಗರಗಳು, ನಗರ ಪ್ರದೇಶಗಳಲ್ಲಿನ ಎಸ್ಬಿಐ ಶಾಖೆಯಲ್ಲಿ ಬ್ಯಾಂಕ್ ಖಾತೆಗಳನ್ನು ತೆರೆಯುವ ಜನರು ಕನಿಷ್ಠ ಮಾಸಿಕ ಸರಾಸರಿ ಬಾಕಿ ರೂ. 5000 ಮತ್ತು ರೂ. 3000ವರೆಗೆ ಇಟ್ಟುಕೊಳ್ಳಬೇಕು. ಅಕ್ಟೋಬರ್ 1 ರಿಂದ ಈ ಬಾಕಿ ಎರಡೂ ಪ್ರದೇಶಗಳಿಗೆ ರೂ. 3000ಕ್ಕೆ ಇಳಿಸಬಹುದು. ಒಬ್ಬರ ಖಾತೆಯಲ್ಲಿ ಕನಿಷ್ಠ ಬಾಕಿ ರೂ. 3000 ದಿಂದ ಶೇಕಡಾ 75ಕ್ಕಿಂತ ಕಡಿಮೆಯಾದರೆ, ದಂಡವು 15 + ಜಿಎಸ್ಟಿ ವಿಧಿಸಬಹುದು. ಅದು ಪ್ರಸ್ತುತ ರೂ. 80 + ಜಿಎಸ್ಟಿ.
ಆರ್ಟಿಜಿಎಸ್, ನೆಫ್ಟ್
ಎಸ್ಬಿಐ ಡಿಜಿಟಲ್ ಮೋಡ್ನಲ್ಲಿ ಆರ್ಟಿಜಿಎಸ್ ಮತ್ತು ನೆಫ್ಟ್ ವಹಿವಾಟುಗಳನ್ನು ಉಚಿತವಾಗಿ ಮಾಡಿದೆ. ಇದು ಜುಲೈ 1 ರಿಂದ ಜಾರಿಗೆ ಬಂದಿದೆ. ಅದೇ ಸಮಯದಲ್ಲಿ, ಎಸ್ಬಿಐ ಶಾಖೆಯಲ್ಲಿ ನೆಫ್ಟ್/ಆರ್ಟಿಜಿಎಸ್ ಮೂಲಕ ವಹಿವಾಟಿನ ವೆಚ್ಚವೂ ಕಡಿಮೆಯಾಗಿದೆ. ಅಕ್ಟೋಬರ್ 1 ರಿಂದ, ಎಸ್ಬಿಐ NEFT / RTGS ವಹಿವಾಟಿನ ಶುಲ್ಕಗಳು ಹೀಗಿರುತ್ತವೆ.
- ರೂ. 10 ಸಾವಿರ ರೂಪಾಯಿಗಳ ವಹಿವಾಟಿಗೆ ಯಾವುದೇ ಶುಲ್ಕ ವಿಧಿಸಲಾಗುವುದಿಲ್ಲ.
- ಅಕ್ಟೋಬರ್ 1 ರಿಂದ ಎಸ್ಬಿಐ ಎಟಿಎಂ ಶುಲ್ಕವನ್ನು ಸಹ ಬದಲಾಯಿಸಬಹುದು. ಮೆಟ್ರೊ ನಗರಗಳಲ್ಲಿನ ಎಸ್ಬಿಐ ಎಟಿಎಂಗಳಲ್ಲಿ ಗ್ರಾಹಕರಿಗೆ ಗರಿಷ್ಠ 10 ಉಚಿತ ಡೆಬಿಟ್ ವಹಿವಾಟು ನಡೆಸಲು ಅವಕಾಶವಿದೆ.