ನೌಕಕರರಿಗೆ ದೀಪಾವಳಿ ಬಂಪರ್! ಡಿಎ ಶೇ. 17ಕ್ಕೆ ಏರಿಕೆ, ವೇತನದಲ್ಲಿ ಹೆಚ್ಚಳ
ದೀಪಾವಳಿಯ ಮುನ್ನವೇ ಸರ್ಕಾರಿ ನೌಕರರು ಬಂಪರ್ ಕೊಡುಗೆಯನ್ನು ಪಡೆದಿದ್ದಾರೆ! ಕೇಂದ್ರ ಸರ್ಕಾರವು ಬುಧವಾರ ನಡೆದ ಸಚಿವ ಸಂಪುಟ ಸಭೆಯಲ್ಲಿ ಡಿಎ ಯನ್ನು ಹೆಚ್ಚಿಸಲು ನಿರ್ಣಯ ಕೈಗೊಂಡಿದೆ.
ದೀಪಾವಳಿಯ ಮುನ್ನವೇ ಸರ್ಕಾರಿ ನೌಕರರು ಬಂಪರ್ ಕೊಡುಗೆಯನ್ನು ಪಡೆದಿದ್ದಾರೆ! ಕೇಂದ್ರ ಸರ್ಕಾರವು ಬುಧವಾರ ನಡೆದ ಸಚಿವ ಸಂಪುಟ ಸಭೆಯಲ್ಲಿ ಡಿಎ ಯನ್ನು ಹೆಚ್ಚಿಸಲು ನಿರ್ಣಯ ಕೈಗೊಂಡಿದೆ.
ಕೇಂದ್ರ ಸಚಿವ ಪ್ರಕಾಶ್ ಜಾವಡೇಕರ್ ಅವರು ಬುಧವಾರ ನಡೆದ ಕ್ಯಾಬಿನೆಟ್ ಸಭೆಯಲ್ಲಿ ಹೇಳಿದ್ದಾರೆ.
ಶೇಕಡಾ 5ರಷ್ಟು ಏರಿಕೆ
ಕೇಂದ್ರ ಸರ್ಕಾರ ಶೇಕಡಾ 5ರಷ್ಟು ಡಿಎ ಯನ್ನು ಹೆಚ್ಚಿಸಿದ್ದು, ಪ್ರಸ್ತುತ ಇರುವ ಶೇಕಡಾ 12 ರಿಂದ ಶೇಕಡಾ 17 ಕ್ಕೆ ಹೆಚ್ಚಿಸಿದಂತಾಗಿದೆ. ಪ್ರಧಾನಿ ನರೇಂದ್ರ ಮೋದಿಯವರ ನೇತೃತ್ವದಲ್ಲಿ, ಹಲವಾರು ನಿರ್ಧಾರಗಳನ್ನು ತೆಗೆದುಕೊಳ್ಳಲಾಗಿದೆ. ಸರ್ಕಾರಿ ನೌಕರರಿಗೆ ಒಳ್ಳೆಯ ಸುದ್ದಿ ಎಂದರೆ ಡಿಎ 5% ರಷ್ಟು ಹೆಚ್ಚಿಸಲಾಗಿದೆ ಎಂದು ಕೇಂದ್ರ ಸಚಿವ ಪ್ರಕಾಶ ಜಾವಡೇಕರ್ ಹೇಳಿದರು.
ರೂ. 16,000 ಕೋಟಿ ಹೊರೆ
ಸುಮಾರು 50 ಲಕ್ಷ ಸರ್ಕಾರಿ ನೌಕರರಿಗೆ ಡಿಎ ಸೌಲಭ್ಯ ದೊರೆಯಲಿದೆ. ಉಳಿದಂತೆ 62 ಲಕ್ಷ ಪಿಂಚಣಿದಾರರು ಕೂಡ ಡಿಎ ಏರಿಕೆಯ ಪ್ರಯೋಜನ ಪಡೆಯಲಿದ್ದಾರೆ. ಡಿಎ ಹೆಚ್ಚಳ ಮಾಡಿರುವುದರಿಮದ ಕೇಂದ್ರ ಸರ್ಕಾರಕ್ಕೆ ಹೆಚ್ಚುವರಿಯಾಗಿ ರೂ. 16,000 ಕೋಟಿ ಹೊರೆಯಾಗಲಿದೆ.
ಜುಲೈ 1ರಿಂದ ಅನ್ವಯ
ಕೇಂದ್ರ ಸರ್ಕಾರ ಪರಿಷ್ಕೃರಿಸಿರುವ ಡಿಎ ಸೌಲಭ್ಯ ಬರುವ ಜುಲೈ 1ರಿಂದ ಜಾರಿ ಬರಲಿದೆ. ಸರ್ಕಾರವು ಡಿಎ ಭತ್ಯೆಯನ್ನು ಅನ್ನು ಸರ್ಕಾರ ತನ್ನ ನೌಕರರ ಊಟ-ವಸತಿಗಾಗಿ ನೀಡುತ್ತದೆ.
ಬಹುದಿನಗಳ ಬೇಡಿಕೆ
ಇದು ಸರ್ಕಾರಿ ನೌಕರರ ಬಹುದಿನಗಳ ಬೇಡಿಕೆಯಾಗಿತ್ತು. 2016 ರಲ್ಲಿ 7 ನೇ ವೇತನ ಆಯೋಗದ ಶಿಫಾರಸುಗಳನ್ನು ಜಾರಿಗೆ ತಂದ ನಂತರದಲ್ಲಿ ಈ ಹೆಚ್ಚಳವು ಅತಿದೊಡ್ಡ ಹೆಚ್ಚಳವಾಗಿದೆ. ಡಿಎ ಎನ್ನುವುದು ಜೀವನ ವೆಚ್ಚ ಹೊಂದಾಣಿಕೆ ಭತ್ಯೆಯಾಗಿದೆ. ಬೆಲೆ ಏರಿಕೆಯನ್ನು ಸರಿದೂಗಿಸಲು ಹಣದುಬ್ಬರಕ್ಕೆ ಅನುಗುಣವಾಗಿ ಹೊಂದಿಸಲಾಗಿದೆ. ಅದನ್ನು ವ್ಯಕ್ತಿಯ ಮೂಲ ವೇತನ ಅಥವಾ ಪಿಂಚಣಿಯ ನಿಗದಿತ ಶೇಕಡಾವಾರು ಎಂದು ಲೆಕ್ಕಹಾಕಲಾಗುತ್ತದೆ.