ಮೊಬೈಲ್ ಬಳಕೆದಾರರೇ.. ಬೇರೆ ನೆಟ್ವರ್ಕ್ ಗೆ ಪೋರ್ಟ್ ಆಗದಿದ್ದರೆ ನವೆಂಬರ್ ನಿಂದ ಈ ಸಿಮ್ ಸೇವೆ ಇಲ್ಲ

ಏರ್‌ಸೆಲ್‌ನ ಚಂದಾದಾರರು ಏನು ಮಾಡಬೇಕು?

ಏರ್‌ಸೆಲ್‌ನ ನೆಟ್‌ವರ್ಕ್‌ನಲ್ಲಿರುವ ಚಂದಾದಾರರು ರಿಲಯನ್ಸ್ ಜಿಯೋ ಅಥವಾ ಭಾರ್ತಿ ಏರ್‌ಟೆಲ್ ಅಥವಾ ವೊಡಾಫೋನ್ ಐಡಿಯಾ ಅಥವಾ ಬಿಎಸ್‌ಎನ್‌ಎಲ್ ಅಥವಾ ಎಂಟಿಎನ್‌ಎಲ್ ಟೆಲಿಕಾಂ ಕಂಪನಿಗಳ ನೆಟ್ವರ್ಕ್ ಅನ್ನು ಅಕ್ಟೋಬರ್ 31 2019 ರ ಅಂತ್ಯದ ವೇಳೆಗೆ ಆಯ್ಕೆ ಮಾಡಬಹುದು. ಏರ್ಸೆಲ್ ಮತ್ತು ಡಿಶ್ ನೆಟ್ ವೈರ್ಲೆಸ್ ಚಂದಾದಾರರಿಗೆ ಅಂತಿಮ ಅವಕಾಶವನ್ನು ನೀಡಲಾಗುತ್ತದೆ ಎಂದು ಟ್ರಾಯ್ ಹೇಳಿದೆ.

ಏರ್‌ಸೆಲ್ ಮಾರುಕಟ್ಟೆ ಕುಸಿತ

2018 ರ ಆರಂಭದಲ್ಲಿ, ಮಾರುಕಟ್ಟೆಯಲ್ಲಿನ ತೀವ್ರ ಸ್ಪರ್ಧೆಯಿಂದಾಗಿ ಏರ್‌ಸೆಲ್ ತನ್ನ ಕಾರ್ಯಾಚರಣೆಯನ್ನು ಸ್ಥಗಿತಗೊಳಿಸಿತು. ತಡವಾದ ನಿಯಂತ್ರಕ ಅನುಮೋದನೆಗಳಿಂದಾಗಿ ಆರ್‌ಕಾಮ್‌ನೊಂದಿಗಿನ ವಿಲೀನವು ಕುಸಿಯಿತು. ಫೆಬ್ರವರಿ 2018 ರಲ್ಲಿ, ಏರ್‌ಸೆಲ್ ತನ್ನ ಗ್ರಾಹಕರಿಗೆ ಹೆಚ್ಚುವರಿ ವಿಶಿಷ್ಟ ಪೋರ್ಟಿಂಗ್ ಕೋಡ್‌ಗಳನ್ನು (ಯುಪಿಸಿ) ಒದಗಿಸುವಂತೆ ಟ್ರಾಯ್ ಅನ್ನು ಕೇಳಿತು. ಇದರಿಂದಾಗಿ ಮೊಬೈಲ್ ಸಂಖ್ಯೆಯನ್ನು ಬದಲಾಯಿಸದೆ ಮತ್ತೊಂದು ಆಪರೇಟರ್‌ನಿಂದ ಸೇವೆಗಳನ್ನು ಆನಂದಿಸಬಹುದು.

ಯಾವ ರಾಜ್ಯಗಳಲ್ಲಿ ಏರ್ಸೆಲ್ ಲಭ್ಯ

ಆಂಧ್ರಪ್ರದೇಶ, ಅಸ್ಸಾಂ, ಬಿಹಾರ, ದೆಹಲಿ, ಜಮ್ಮು ಮತ್ತು ಕಾಶ್ಮೀರ, ಕರ್ನಾಟಕ, ಕೇರಳ, ಕೋಲ್ಕತಾ, ಮುಂಬೈ, ಈಶಾನ್ಯ ರಾಜ್ಯ, ಒಡಿಶಾ, ಪಂಜಾಬ್, ರಾಜಸ್ಥಾನ, ತಮಿಳುನಾಡು, ಉತ್ತರ ಪ್ರದೇಶ (ಪೂರ್ವ) ಮತ್ತು ಪಶ್ಚಿಮ ಬಂಗಾಳ ಮುಂತಾದ ರಾಜ್ಯಗಳಲ್ಲಿ ಏರ್​ಸೆಲ್​ ಬಳಕೆದಾರರಿದ್ದಾರೆ.

ಏರ್‌ಸೆಲ್ ಗ್ರಾಹಕರು ಅಕ್ಟೋಬರ್ 31 ರೊಳಗೆ ಪೋರ್ಟ್ ಆಗಬೇಕು

ಸೇವೆಗಳನ್ನು ಸ್ಥಗಿತಗೊಳಿಸುವ ಸಮಯದಲ್ಲಿ ಏರ್ಸೆಲ್ ಸುಮಾರು 90 ಮಿಲಿಯನ್ ಗ್ರಾಹಕರನ್ನು ಹೊಂದಿತ್ತು. ಕಳೆದ ಕೆಲವು ವರ್ಷಗಳಿಂದ, ಉದ್ಯಮದಲ್ಲಿನ ಸ್ಪರ್ಧೆಯನ್ನು ನಿಭಾಯಿಸಲು ಏರ್‌ಸೆಲ್ ಹೆಣಗಾಡುತ್ತಿತ್ತು, ಆದರೆ 2016 ರಲ್ಲಿ ರಿಲಯನ್ಸ್ ಜಿಯೋ ಪ್ರವೇಶಾತಿಯ ನಂತರ, ಕಂಪನಿ ನಷ್ಟಕ್ಕೆ ಒಳಗಾಯಿತು. ವೊಡಾಫೋನ್ ಮತ್ತು ಐಡಿಯಾ ಸೆಲ್ಯುಲಾರ್ ವಿಲೀನದಂತೆಯೇ, ಏರ್‌ಸೆಲ್ ಮತ್ತು ರಿಲಯನ್ಸ್ ಕಮ್ಯುನಿಕೇಷನ್ಸ್ (ಆರ್‌ಕಾಮ್) ಈ ವಲಯಕ್ಕೆ ಸ್ವಲ್ಪ ಸ್ಥಿರತೆಯನ್ನು ತರಲು ವಿಲೀನವನ್ನು ಘೋಷಿಸಿತು. ಆದಾಗ್ಯೂ, ವಿಲೀನ ಅನುಮೋದನೆಯನ್ನು ಟ್ರಾಯ್ ವಿಳಂಬಗೊಳಿಸಿದ್ದು ವಿಲೀನ ವಿಳಂಬಕ್ಕೆ ಕಾರಣವಾಯಿತು.

ಮೊಬೈಲ್ ಸಂಖ್ಯೆ ಪೋರ್ಟಿಂಗ್ ಮಾಡಲು ಯುಪಿಸಿ ಹೇಗೆ ರಚಿಸುವುದು?

ಏರ್ಸೆಲ್ ಸೇವೆಗಳನ್ನು ಮುಚ್ಚುವುದಾಗಿ ಘೋಷಿಸಿದಾಗ, ಚಂದಾದಾರರಿಗೆ ತನ್ನ ವೆಬ್ಸೈಟ್ ಮೂಲಕ ವಿಶಿಷ್ಟ ಪೋರ್ಟಿಂಗ್ ಕೋಡ್ (ಯುಪಿಸಿ) ಅನ್ನು ರಚಿಸಲು ಅವಕಾಶ ಮಾಡಿಕೊಟ್ಟಿತು. ಅದರೊಂದಿಗೆ ಗ್ರಾಹಕರು ಎಂಎನ್‌ಪಿಯನ್ನು ಆರಿಸಿಕೊಳ್ಳಬಹುದು. ಆದಾಗ್ಯೂ, ವೆಬ್‌ಸೈಟ್ ಇನ್ನು ಮುಂದೆ ಕಾರ್ಯನಿರ್ವಹಿಸುತ್ತಿಲ್ಲ ಮತ್ತು ಗ್ರಾಹಕರು ಯುಪಿಸಿಯನ್ನು ಹಸ್ತಚಾಲಿತವಾಗಿ ಉತ್ಪಾದಿಸಬೇಕಾಗುತ್ತದೆ.
ನೀವು ಏರ್‌ಸೆಲ್ ಸಿಮ್ ಕಾರ್ಡ್ ಹೊಂದಿರುವ ಗ್ರಾಹಕರಲ್ಲಿ ಒಬ್ಬರಾಗಿದ್ದರೆ, ನಂತರ ನೆಟ್‌ವರ್ಕ್ ಸೇವೆಯನ್ನು ಹಸ್ತಚಾಲಿತವಾಗಿ ಆಯ್ಕೆ ಮಾಡುವ ಮೂಲಕ ಏರ್‌ಟೆಲ್ 2 ಜಿ ಅಥವಾ 3 ಜಿ ನೆಟ್‌ವರ್ಕ್‌ಗೆ ಜೋಡಿಸಲು ಪ್ರಯತ್ನಿಸಿ

ನವೆಂಬರ್ ನಿಂದ ಸೇವೆ ಇಲ್ಲ

2018 ರಲ್ಲಿ ಏರ್​ಸೆಲ್​ ತನ್ನ ಸಿಮ್ ಸೇವೆಯನ್ನು ಸ್ಥಗಿತಗೊಳಿಸಿದಾಗ, ದೇಶದಲ್ಲಿ ಗ್ರಾಹಕರ ಸಂಖ್ಯೆ 9 ಕೋಟಿಯಷ್ಟಿತ್ತು. ಅದಾಗ್ಯೂ, ಆಗಸ್ಟ್ 31, 2019 ರ ಹೊತ್ತಿಗೆ ಕೇವಲ 1.9 ಕೋಟಿ ಗ್ರಾಹಕರು ಮಾತ್ರ ತಮ್ಮ ಸಂಖ್ಯೆಯನ್ನು ಪೋರ್ಟ್ ಮಾಡಿದ್ದಾರೆ. ಹೀಗಾಗಿ ಸುಮಾರು 7 ಕೋಟಿ ಗ್ರಾಹಕರ ಬಳಿ ಏರ್ಸೆಲ್ ಸಿಮ್​ಗಳಿದ್ದು, ಇದನ್ನು ಪೋರ್ಟ್​ ಮಾಡಿಕೊಳ್ಳದಿದ್ದರೆ ಮುಂದಿನ ತಿಂಗಳಿಂದ ಸೇವೆ ಇರುವುದಿಲ್ಲ ಎಂದು ಟ್ರಾಯ್ ತಿಳಿಸಿದೆ.

ಡಿಶ್ ಟಿವಿ ಮಸ್ತ್ ಸಸ್ತಾ ಆಫರ್! 250ಕ್ಕೂ ಹೆಚ್ಚು ಚಾನೆಲ್ ಗಳು ಲಭ್ಯ

ಹಬ್ಬದ ಋತುವಿನ ಭರಾಟೆಯಲ್ಲಿ ಪ್ರಮುಖ ಕಂಪನಿಗಳು ತಮ್ಮ ಗ್ರಾಹಕರನ್ನು ಸೆಳೆಯಲು ಮುಂದಾಗಿ, ಅನೇಕ ಫರ್ ಗಳನ್ನು ಘೋಷಿಸುತ್ತವೆ. ರಿಯಾಯಿತಿ ದರದ ವಿಶೇಷ ಕೊಡುಗೆಗಳನ್ನು ನೀಡುತ್ತವೆ. ಇದಕ್ಕೆ ಡಿಶ್ ಟಿವಿ ಹೊಸ ಸೇರ್ಪಡೆ. ದೀಪಾವಳಿ ಸಂದರ್ಭದಲ್ಲಿ ಡಿಶ್ ಟಿವಿ ತನ್ನ ಗ್ರಾಹಕರಿಗೆ ಕಡಿಮೆ ಬೆಲೆಯಲ್ಲಿ ಹೆಚ್ಚಿನ ಚಾನೆಲ್ ನೀಡಲು ಮುಂದಾಗಿದೆ.

250ಕ್ಕೂ ಹೆಚ್ಚು ಚಾನೆಲ್
ಡಿಶ್ ಕಂಪನಿಯ ಆಫರ್ ಪ್ರಕಾರ ತಿಂಗಳಿಗೆ ರೂ. 219 ರಿಚಾರ್ಜ್ ಮಾಡಿದರೆ 250ಕ್ಕೂ ಹೆಚ್ಚು ಚಾನೆಲ್ ವೀಕ್ಷಣೆ ಮಾಡುವ ಅವಕಾಶ ಸಿಗಲಿದೆ. ಈ ಕೊಡುಗೆಯ ಲಾಭಕ್ಕಾಗಿ ಗ್ರಾಹಕರು 2 ವರ್ಷಗಳವರೆಗಿನ ಚಂದಾದಾರಿಕೆ ಪಡೆಯಬೇಕು.

ಫ್ಯಾಮಿಲಿ ಎಂಟರ್‌ಟೈನ್‌ಮೆಂಟ್ ಎಸ್‌ಡಿ ಪ್ಯಾಕ್‌

ಡಿಶ್ ಟಿವಿ ಹೇಳಿರುವಂತೆ, ಫ್ಯಾಮಿಲಿ ಎಂಟರ್‌ಟೈನ್ಮೆಂಟ್ ಎಸ್‌ಡಿ ಪ್ಯಾಕ್‌ನ 24 ತಿಂಗಳ ಶುಲ್ಕ ರೂ. 5,256 ಆಗಿರಲಿದೆ. ಅಂದರೆ ಒಂದು ವರ್ಷಕ್ಕೆ ರೂ. 2,628 ಆಗಲಿದೆ. ಒಂದು ತಿಂಗಳಿಗೆ ರೂ. 219 ಆಗಲಿದೆ.

ಫ್ಯಾಮಿಲಿ ಎಂಟರ್‌ಟೈನ್ಮೆಂಟ್ ಎಚ್‌ಡಿ ಪ್ಕಾಕ್

ಡಿಶ್ ಟಿವಿ ಪ್ರಸ್ತುತ ಪಡಿಸುವ 24 ತಿಂಗಳ ಫ್ಯಾಮಿಲಿ ಎಂಟರ್‌ಟೈನ್ಮೆಂಟ್ ಎಚ್‌ಡಿ ಬೆಲೆ ರೂ. 7,176. ಪ್ರತಿ ತಿಂಗಳಿಗೆ ರೂ. 299 ಲಭ್ಯವಾಗಲಿದೆ. ಫ್ಯಾಮಿಲಿ ಇಂಗ್ಲಿಷ್ ಎಸ್‌ಡಿ ಪ್ಯಾಕ್‌ನ ಬೆಲೆ 24 ತಿಂಗಳ ಅವಧಿಗೆ ರೂ. 7,800 ಆಗಲಿದೆ. ತಿಂಗಳಿಗೆ ರೂ. 325 ಪಾವತಿ ಮಾಡಬೇಕಾಗುತ್ತದೆ.

ಡಿಶ್ ಟಿವಿ ದೀರ್ಘಾವಧಿ ಯೋಜನೆ

ಇನ್ನೊಂದೆಡೆ ದೀರ್ಘಕಾಲೀನ ಪ್ಯಾಕ್ ಅಡಿಯಲ್ಲಿ, ಟಾಟಾ ಸ್ಕೈ, ಡಿಶ್ ಟಿವಿ ಮತ್ತು ಡಿ 2 ಹೆಚ್ ತಮ್ಮ ಚಂದಾದಾರರಿಗೆ ಉಚಿತ ಸೇವೆಯನ್ನು ಒದಗಿಸುತ್ತಿದ್ದು, ದೀರ್ಘಾವಧಿಯ 120 ದಿನಗಳ ಉಚಿತ ಚಂದಾದಾರಿಕೆ ಒಳಗೊಂಡಿದೆ.

ಡಿಶ್ ಟಿವಿ ದೀರ್ಘಾವಧಿ ಯೋಜನೆ
ಡಿಶ್ ಟಿವಿಯ ದೀರ್ಘಾವಧಿಯ ಯೋಜನೆಯು ಡಿ2ಎಚ್‌ನಂತೆಯೇ ಇರುತ್ತದೆ. ಇದು ಕೂಡ ಹೆಚ್ಚುವರಿ ಉಚಿತ ಸೇವೆಗಳನ್ನು ನೀಡುತ್ತಿದೆ. 3 ತಿಂಗಳ ಚಂದಾದಾರಿಕೆಯನ್ನು ಹೊಂದಿರುವ ಡಿಶ್ ಟಿವಿ ಚಂದಾದಾರರು 7 ದಿನಗಳ ಉಚಿತ ಸೇವೆ ಪಡೆಯುತ್ತಾರೆ. 6 ತಿಂಗಳ ಚಂದಾದಾರಿಕೆಗೆ 15 ಹೆಚ್ಚುವರಿ ದಿನಗಳ ಸೇವೆ, 11 ತಿಂಗಳುಗಳ ಚಂದಾದರಿಕೆಗೆ 30 ದಿನಗಳ ಹೆಚ್ಚುವರಿ ಸೇವೆಯನ್ನು ಪಡೆಯುತ್ತಾರೆ.

ಟಾಟಾ ಸ್ಕೈ ಕ್ಯಾಶ್‌ಬ್ಯಾಕ್ ಆಫರ್ ಟಾಟಾ ಸ್ಕೈ

ತನ್ನ ಚಂದಾದಾರರಿಗೆ ಒಂದು ವಿಶಿಷ್ಟವಾದ ಕ್ಯಾಶ್‌ಬ್ಯಾಕ್ ಕೊಡುಗೆಯನ್ನು ಘೋಷಿಸಿದೆ. ಇದು ದೀರ್ಘಾವಧಿಯ ಕೊಡುಗೆಯಾಗಿದ್ದು, ಕ್ಯಾಶ್‌ಬ್ಯಾಕ್ ಕೊಡುಗೆಗೆ ಚಂದಾದಾರರು 12 ತಿಂಗಳ ಚಂದಾದಾರಿಕೆ ರೀಚಾರ್ಜ್ ಮಾಡಬೇಕಾಗುತ್ತದೆ. ನಂತರ ಚಂದಾದಾರರು ಒಂದು ತಿಂಗಳ ಉಚಿತ ಸೇವೆಯ ರೂಪದಲ್ಲಿ ಕ್ಯಾಶ್‌ಬ್ಯಾಕ್ ಅನ್ನು ಸ್ವೀಕರಿಸಲು ಸಾಧ್ಯವಾಗುತ್ತದೆ. ಆದ್ದರಿಂದ ಟಾಟಾ ಸ್ಕೈ ಚಂದಾದಾರರು 12 ತಿಂಗಳ ರೀಚಾರ್ಜ್ ಮಾಡಿದರೆ ಹೆಚ್ಚುವರಿ ತಿಂಗಳ ಸೇವೆಯನ್ನು ಆನಂದಿಸಲು ಸಾಧ್ಯವಾಗುತ್ತದೆ. ಕ್ಯಾಶ್‌ಬ್ಯಾಕ್ ಕೊಡುಗೆ ಅಡಿಯಲ್ಲಿ, ಚಂದಾದಾರರು ಹೆಚ್ಚುವರಿ ಕ್ಯಾಶ್‌ಬ್ಯಾಕ್ ಅನ್ನು ಕೇವಲ 48 ಗಂಟೆಗಳ ಒಳಗೆ ಸ್ವೀಕರಿಸುತ್ತಾರೆ.

ಡಿ2ಎಚ್ ದೀರ್ಘಾವಧಿ ಯೋಜನೆ

ಎಲ್ಲಾ ಡಿಟಿಎಚ್ ಆಪರೇಟರ್‌ಗಳಲ್ಲಿ, ಡಿ2ಎಚ್ ಅತ್ಯಂತ ವಿಸ್ತಾರವಾದ ಮತ್ತು ಆಕರ್ಷಕ ದೀರ್ಘಕಾಲೀನ ಯೋಜನೆಗಳನ್ನು ಒಳಗೊಂಡಿದೆ. 3 ತಿಂಗಳ ಚಂದಾದಾರಿಕೆಯನ್ನು ಹೊಂದಿರುವ ಚಂದಾದಾರರು 7 ದಿನಗಳ ಉಚಿತ ಚಂದಾದಾರಿಕೆಯನ್ನು ಆನಂದಿಸುತ್ತಾರೆ. 6 ತಿಂಗಳ ಚಂದಾದಾರಿಕೆಯೊಂದಿಗೆ ಅವರು ಹೆಚ್ಚುವರಿ 15 ದಿನಗಳ ಚಂದಾದಾರಿಕೆಯನ್ನು ಆನಂದಿಸುತ್ತಾರೆ. 11 ತಿಂಗಳ ಚಂದಾದಾರಿಕೆಗೆ 30 ದಿನಗಳ ಹೆಚ್ಚುವರಿ ಉಚಿತ ಸೇವೆ ಪಡೆಯುತ್ತಾರೆ. ಚಂದಾದಾರರು 22 ತಿಂಗಳ ಚಂದಾದಾರಿಕೆಗೆ 60 ದಿನಗಳ ಹೆಚ್ಚುವರಿ ಸೇವೆಯನ್ನು ಪಡೆಯುತ್ತಾರೆ. 33 ತಿಂಗಳ ಯೋಜನೆಗೆ 90 ದಿನಗಳ ಉಚಿತ ಸೇವೆಹಾಗು 44 ತಿಂಗಳ ಯೋಜನೆಗೆ 120 ದಿನಗಳ ಹೆಚ್ಚುವರಿ ಸೇವೆಯನ್ನುಯನ್ನು ಪಡೆಯುತ್ತಾರೆ.