ಶೇ 60 ರಿಂದ 70 ರಷ್ಟು ತನ್ನ ನೌಕರರನ್ನು ವಜಾಗೊಳಿಸುತ್ತಿದೆ ಹುವಾಯಿ

ನವದೆಹಲಿ: ಭಾರತದಲ್ಲಿರುವ ಶೇ 60 ರಿಂದ 70 ರಷ್ಟು ತನ್ನ ನೌಕರರನ್ನು ವಜಾಗೊಳಿಸುವುದಾಗಿ ಟೆಲಿಕಾಂ ಉಪಕರಣಗಳ ತಯಾರಿಕಾ ಕಂಪನಿ ಹುವಾಯಿ ಹೇಳಿದೆ.

ಭಾರತ ಚೀನಾ ಗಡಿ ಸಂಘರ್ಷದ ಬಳಿಕ ಚೀನಾದ ವಿರುದ್ಧ ಭಾರತ ಆರಂಭಿಸಿರುವ ಆರ್ಥಿಕ ಸಮರದಿಂದಾಗಿ ಚೀನಾ ಮೂಲದ ಹುವಾಯಿ ಕಂಪನಿಗೆ ಭಾರತದಲ್ಲಿ ಭಾರೀ ನಷ್ಟವುಂಟಾಗುತ್ತಿದೆ.

ಇದಲ್ಲದೇ ಹುವಾಯಿ 2020 ರಲ್ಲಿ ಭಾರತದಿಂದ ತನಗೆ ಬರಲಿರುವ ಆದಾಯದ ಗುರಿಯನ್ನು ಶೇ 50 ರಷ್ಟನ್ನು ತಗ್ಗಿಸಿಕೊಂಡಿದೆ.

ಹುವಾಯಿ ಕಂಪನಿ ಚೀನಾ ಸೇನೆಯೊಂದಿಗೆ ನಂಟು ಹೊಂದಿರುವುದರಿಂದ ಭದ್ರತಾ ಹಿತ ದೃಷ್ಟಿಯಿಂದ ಭಾರತ, ಅಮೆರಿಕ, ಬ್ರಿಟನ್ ಸೇರಿ ಅನೇಕ ದೇಶಗಳು ಹುವಾಯಿಯನ್ನು ಬಹಿಷ್ಕರಿಸುತ್ತಿವೆ.