8th Pay Commission: ಕೇಂದ್ರ ನೌಕರರ ಸಂಬಳದಲ್ಲಿ ದೊಡ್ಡ ಬದಲಾವಣೆ..ಎಷ್ಟು ಹೆಚ್ಚಳ, ಯಾವಾಗಿಂದ ಜಾರಿ?

ಕೇಂದ್ರ ಸರ್ಕಾರದ ನೌಕರರಿಗೆ ದೊಡ್ಡ ಗುಡ್‌ನ್ಯೂಸ್ ಸಿಕ್ಕಿದೆ. ಕೇಂದ್ರ ಸರ್ಕಾರವು ಜನವರಿಯಲ್ಲಿ ಕೇಂದ್ರ ಸಚಿವ ಸಂಪುಟದಿಂದ ಅನುಮೋದಿತ 8ನೇ ವೇತನ ಆಯೋಗವನ್ನು 2026 ಅಥವಾ 2027 ರಲ್ಲಿ ಜಾರಿಗೆ ತರುವ ಸಾಧ್ಯತೆ ಇದೆ. ಈಗಾಗಲೇ ಈ ಆಯೋಗ ಘೋಷಿತವಾಗಿದ್ದರೂ, ಅದರ ಸದಸ್ಯರ ನೇಮಕ ಮತ್ತು ಕಾರ್ಯಚಟುವಟಿಕೆ ವಿವರಗಳು ಇನ್ನೂ ಅಧಿಕೃತವಾಗಿ ಪ್ರಕಟವಾಗಿಲ್ಲ. ಆದರೆ 8ನೇ ವೇತನ ಆಯೋಗ ಜಾರಿಗೆ ಬಂದಾಗ ಕೇಂದ್ರ ಸರ್ಕಾರಿ ನೌಕರರ ಸಂಬಳದಲ್ಲಿ ಪ್ರಮುಖ ಮತ್ತು ಗಣನೀಯ ಹೆಚ್ಚಳ ಸಾಧ್ಯವಾಗಿದೆ.

ಇನ್ನು 8ನೇ ವೇತನ ಆಯೋಗದ ಪ್ರಮುಖ ಗುರಿಯೇ ಪೇ ಮ್ಯಾಟ್ರಿಕ್ಸ್ ಅನ್ನು ಪುನರುಜ್ಜೀವನಗೊಳಿಸುವುದು. ಇದರಲ್ಲಿ ಫಿಟ್‌ಮೆಂಟ್ ಅಂಶ ಎಂಬ ಒಂದು ಪ್ರಮುಖ ಗುಣಕದ ಪ್ರಕಾರ ನೌಕರರ ಮೂಲ ಸಂಬಳಕ್ಕೆ ಗುಣಿಸಲಾಗುತ್ತದೆ ಮತ್ತು ಹೊಸ ವೇತನ ಲೆಕ್ಕಿಸಲಾಗುತ್ತದೆ. 7ನೇ ವೇತನ ಆಯೋಗದಲ್ಲಿ ಈ ಅಂಶ 2.57 ಇದ್ದರೆ, 8ನೇ ಆಯೋಗದಲ್ಲಿ ಇದು 2.86ಕ್ಕೆ ಏರಿಕೆಯಾಗಲಿದೆ ಎಂದು ನಿರೀಕ್ಷಿಸಲಾಗಿದೆ.

ಉದಾಹರಣೆಗೆ-1: 7,000 ರೂ. ವೇತನ ಹೊಂದಿದ ನೌಕರರ ವೇತನವನ್ನು 18,000 ರೂ.ಗೆ ಹೆಚ್ಚಿಸಿತ್ತು. ಆದರೆ 8ನೇ ಆಯೋಗದಲ್ಲಿ ಸರ್ಕಾರವು ಈ ಗುಣಕವನ್ನು 2.86ಕ್ಕೆ ಹೆಚ್ಚಿಸುವ ನಿರೀಕ್ಷೆ ಇದೆ.

ಉದಾಹರಣೆ-2: 18,000 ರೂ. ಮೂಲ ವೇತನ ಇರುವ ನೌಕರರು 8ನೇ ಆಯೋಗದಡಿ ಸುಮಾರು 51,480 ರೂ. ಸಂಬಳ ಪಡೆಯಬಹುದು. ಆದರೂ, ಕೆಲವು ಕಡಿತಗಳು ಹಾಗೂ ನಿಯಮಾವಳಿಗಳ ಪರಿಣಾಮವಾಗಿ ನಿವ್ವಳ ವೇತನ ಹೆಚ್ಚಳ ಸ್ವಲ್ಪ ಕಡಿಮೆ ಆಗಬಹುದು.

ಈಗಾಗಲೇ 8ನೇ ವೇತನ ಆಯೋಗ ಘೋಷಿತವಾಗಿದ್ದರೂ, ಇದರ ಕಾರ್ಯವಿಧಾನ, ಸದಸ್ಯರ ನೇಮಕಾತಿ ಮತ್ತು ಅಧ್ಯಕ್ಷರ ಆಯ್ಕೆಯನ್ನು ಇನ್ನೂ ಅಧಿಕೃತವಾಗಿ ಪ್ರಕಟಿಸಲಾಗಿಲ್ಲ. ಆದರೆ, ಈ ಆಯೋಗ ಜಾರಿಗೆ ಬಂದ ನಂತರ ಕೇಂದ್ರ ಸರ್ಕಾರದ ಎಲ್ಲಾ ನೌಕರರಿಗೆ ಸಂಬಳದ ಗಣನೀಯ ಹೆಚ್ಚಳವು ಸಾಧ್ಯವಾಗುತ್ತದೆ ಎಂದು ಹೇಳಲಾಗುತ್ತಿದೆ.

ವೇತನ ಹೆಚ್ಚಳದ ಉದಾಹರಣೆಗಳು:

ಹಂತ 1: 18,000 ರೂ. ಇರುವ ನೌಕರರಿಗೆ ಈಗ 51,480 ರೂ. ವೇತನ ಸಾಧ್ಯ.
ಹಂತ 2: 19,900 ರೂ.ದಿಂದ 56,914 ರೂ.ಗೆ ಏರಿಕೆ.
ಹಂತ 3: 21,700 ರೂ.ದಿಂದ 62,062 ರೂ.ಗೆ ಹೆಚ್ಚಳ.
ಹಂತ 6: 35,400 ರೂ. ಇದ್ದವರು 1,01,244 ರೂ. ಪಡೆಯಬಹುದು.
ಹಂತ 10: 56,100 ರೂ. ವೇತನ ಹೊಂದಿದ್ದವರು 1,60,446 ರೂ. ಪಡೆಯುವ ಸಾಧ್ಯತೆ.

ಯಾರು ಯಾವ ಹಂತದಲ್ಲಿ?

ಹಂತ 1: ಪ್ಯೂನ್, ಅಟೆಂಡೆಂಟ್, MTS
ಹಂತ 2: ಕೆಳ ಗುಮಾಸ್ತರು, LDCs
ಹಂತ 3: ಪೊಲೀಸ್ ಕಾನ್‌ಸ್ಟೆಬಲ್, ಕೌಶಲ್ಯ ಸಿಬ್ಬಂದಿ
ಹಂತ 4: ಸ್ಟೆನೋಗ್ರಾಫರ್, ಜೂನಿಯರ್ ಕ್ಲರ್ಕ್
ಹಂತ 5: ಹಿರಿಯ ಗುಮಾಸ್ತರು, ತಾಂತ್ರಿಕ ಸಿಬ್ಬಂದಿ
ಹಂತ 6: ಇನ್ಸ್‌ಪೆಕ್ಟರ್, ಜೂನಿಯರ್ ಎಂಜಿನಿಯರ್
ಹಂತ 7: ಸೂಪರಿಂಟೆಂಡ್, ಸಹಾಯಕ ಎಂಜಿನಿಯರ್
ಹಂತ 8: ಹಿರಿಯ ವಿಭಾಗಾಧಿಕಾರಿ, ಲೆಕ್ಕಪರಿಶೋಧಕ
ಹಂತ 9: ಉಪ ಪೊಲೀಸ್ ವರಿಷ್ಠಾಧಿಕಾರಿ, ಲೆಕ್ಕಪತ್ರ ಅಧಿಕಾರಿಗಳು
ಹಂತ 10: ಸಹಾಯಕ ಆಯುಕ್ತ, ಐಎಎಸ್/ಐಪಿಎಸ್/ಐಎಫ್‌ಎಸ್

ನೌಕರರ ಸಂಬಳದಲ್ಲಿ ಇಷ್ಟು ದೊಡ್ಡ ಬದಲಾವಣೆ ಎಂದರೆ ಅವರ ಆರ್ಥಿಕ ಸ್ಥಿತಿ ಚಿಗುರುವ ಸಾಧ್ಯತೆ ಹೆಚ್ಚಾಗಿದೆ. ಸರ್ಕಾರದ ಅಂತಿಮ ಆದೇಶ ಹಾಗೂ ನಿಯಮಗಳಿಗೆ ಅನುಗುಣವಾಗಿ ಈ ವೇತನ ಪರಿಷ್ಕರಣೆ ಜಾರಿಗೆ ಬರುವುದು. ಹೀಗಾಗಿ, ಎಲ್ಲಾ ಕೇಂದ್ರ ನೌಕರರು ತಮ್ಮ ಸೇವೆಗೆ ತಕ್ಕಂತೆ ಈ ಸಿಗುವ ಹೊಸ ಸಂಬಳಕ್ಕೆ ನಿರೀಕ್ಷೆಯಿಡಬಹುದು.