ಬೆಂಗಳೂರು ವಿಮಾನ ನಿಲ್ದಾಣದಲ್ಲಿ 9 ಕೆಜಿ ಚಿನ್ನಾಭರಣ ವಶ!

ಬೆಂಗಳೂರು, ಜೂನ್‌ 7: ಕಂದಾಯ ಗುಪ್ತಚರ ಇಲಾಖೆ (ಡಿಆರ್‌ಐ) 6.29 ಕೋಟಿ ಮೌಲ್ಯದ 9 ಕೆಜಿಗೂ ಹೆಚ್ಚು ಚಿನ್ನವನ್ನು ವಶಪಡಿಸಿಕೊಂಡಿದೆ ಎಂದು ಅಧಿಕಾರಿಯೊಬ್ಬರು ಗುರುವಾರ ತಿಳಿಸಿದ್ದಾರೆ.

ಡಿಆರ್‌ಐ ಅಧಿಕಾರಿಯ ಪ್ರಕಾರ, ಮಂಗಳವಾರ ಬೆಳಗ್ಗೆ ಚಿನ್ನವನ್ನು ವಶಪಡಿಸಿಕೊಳ್ಳಲಾಗಿದೆ ಎಂದು ತಿಳಿದು ಬಂದಿದೆ. ಮೊದಲ ಪ್ರಕರಣದಲ್ಲಿ, ಡಿಆರ್‌ಐ ಅಧಿಕಾರಿಗಳು ಸಿಂಡಿಕೇಟ್ ವಿಮಾನದೊಳಗೆ ಚಿನ್ನವನ್ನು ಬಚ್ಚಿಟ್ಟಿದ್ದಾರೆ ಎಂದು ನಿರ್ದಿಷ್ಟ ಮಾಹಿತಿ ಪಡೆದಿದ್ದರು.

'ಡಿಆರ್‌ಐ ಬೆಂಗಳೂರಿನ ಅಧಿಕಾರಿಗಳು ಬ್ಯಾಂಕಾಕ್‌ನಿಂದ ಬೆಂಗಳೂರು ಅಂತರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಬಂದಿಳಿದ ಥಾಯ್ ಏರ್‌ವೇಸ್ ವಿಮಾನವನ್ನು ತನಿಖೆ ಮಾಡಿದರು. ಬಳಿಕ 6.834 ಕೆಜಿ ಚಿನ್ನವನ್ನು ಬಾರ್ ರೂಪದಲ್ಲಿ ಮತ್ತು ಕಚ್ಚಾ ರೂಪದಲ್ಲಿ ವಿಮಾನದಲ್ಲಿ ಕೈಬಿಡಲಾದ ಕೈ ಚೀಲಗಳಲ್ಲಿ ಮರೆಮಾಡಲಾಗಿತ್ತು. ಅದನ್ನು ವಶಪಡಿಸಿಕೊಳ್ಳಲಾಯಿತು ಎಂದು ಅಧಿಕಾರಿ ಹೇಳಿಕೆಯಲ್ಲಿ ತಿಳಿಸಿದ್ದಾರೆ.

ಕೈಚೀಲಗಳ ಒಳಗೆ ದೊರೆತ ದಾಖಲೆಗಳು ಮತ್ತು ಸಿಬ್ಬಂದಿಯ ಇನ್‌ಪುಟ್‌ಗಳ ಆಧಾರದ ಮೇಲೆ, ಅಧಿಕಾರಿಗಳು ವಿಮಾನದಲ್ಲಿ ಬ್ಯಾಗ್‌ಗಳನ್ನು ಬಿಟ್ಟು ಇಬ್ಬರು ಪ್ರಯಾಣಿಕರನ್ನು ಗುರುತಿಸಿದರು. ವಿವರವಾದ ವಿಚಾರಣೆಯ ನಂತರ, ಪ್ರಯಾಣಿಕರು ಚಿನ್ನವನ್ನು ವಿಮಾನದೊಳಗೆ ಬಚ್ಚಿಟ್ಟಿರುವುದನ್ನು ಒಪ್ಪಿಕೊಂಡರು ಎಂದು ಅಧಿಕಾರಿ ಹೇಳಿದರು.

ಸರ್ಕಾರದಿಂದ ಪ್ರಮಾಣೀಕರಿಸಲ್ಪಟ್ಟ ಮೌಲ್ಯಮಾಪಕರು ಚಿನ್ನದ ಮೌಲ್ಯ 4.77 ಕೋಟಿ ರೂ. ಪ್ರಯಾಣಿಕರನ್ನು ಬಂಧಿಸಲಾಗಿದ್ದು, ಹೆಚ್ಚಿನ ತನಿಖೆ ಪ್ರಗತಿಯಲ್ಲಿದೆ. ಮಂಗಳವಾರ ಕೆಲವು ಗಂಟೆಗಳ ನಂತರ, ದುಬೈನಿಂದ ಬೆಂಗಳೂರಿನ ಕೆಂಪೇಗೌಡ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣಕ್ಕೆ ಆಗಮಿಸಿದ ಎಮಿರೇಟ್ಸ್ ವಿಮಾನವನ್ನು ಶೋಧ ಮಾಡುವಾಗ ಬಾರ್ ರೂಪದಲ್ಲಿ 2.18 ಕೆಜಿ ಚಿನ್ನವನ್ನು ಡಿಆರ್‌ಐ ಅಧಿಕಾರಿಗಳು ವಶಪಡಿಸಿಕೊಂಡರು.

ವಿಮಾನದ ಮುಂಭಾಗದ ಶೌಚಾಲಯದಲ್ಲಿ ನಿಷಿದ್ಧ ವಸ್ತುವನ್ನು ಮರೆಮಾಡಲಾಗಿತ್ತು. ಚಿನ್ನದ ಮೌಲ್ಯವನ್ನು 1.52 ಕೋಟಿ ರೂ. ಎಂದು ಸರಕಾರದಿಂದ ಪ್ರಮಾಣೀಕರಿಸಿದ ಅಸೇಯರ್ ಗುರುತಿಸಿದ್ದಾರೆ.