ಐಐಟಿ, ಐಐಎಂನಲ್ಲಿ ಓದದಿದ್ದರೂ ರೇಕಾರ್ಡ್‌ ಬ್ರೇಕಿಂಗ್‌ ಸ್ಯಾಲರಿಯ ಉದ್ಯೋಗ ಪಡೆದ ಯುವತಿ!

ನವದೆಹಲಿ, ಜನವರಿ 24: ಐಐಟಿಗಳು ಮತ್ತು ಐಐಎಂಗಳಂತಹ ಪ್ರತಿಷ್ಠಿತ ಸಂಸ್ಥೆಗಳ ವಿದ್ಯಾರ್ಥಿಗಳು ಸಾಮಾನ್ಯವಾಗಿ ಹೆಚ್ಚಿನ ಉದ್ಯೋಗ ಪ್ಯಾಕೇಜ್‌ಗಳನ್ನು ಪಡೆಯುತ್ತಾರೆ. ಅನೇಕರು ಲಕ್ಷಗಳಲ್ಲಿ ಸಂಬಳವನ್ನು ಗಳಿಸುತ್ತಾರೆ. ಆದರೆ ಈ ಯಾವ ಸಂಸ್ಥೆಯಲ್ಲೂ ಓದದ ಸಾಧಾರಣ ಯುವತಿಯೊಬ್ಬರು ಅತ್ಯುತ್ತಮ ವೇತನದ ಉದ್ಯೋಗ ಗಿಟ್ಟಿಸಿಕೊಂಡಿದ್ದಾರೆ.

2022 ರಲ್ಲಿ ಪಂಜಾಬ್ ವಿಶ್ವವಿದ್ಯಾನಿಲಯದಿಂದ ಎಂಬಿಎ ಪದವಿ ಪಡೆದಿರುವ ಅಂಶು ಸೂದ್ ಅವರು ಇಲ್ಲಿಯವರೆಗಿನ ಅತಿ ಹೆಚ್ಚು ಕ್ಯಾಂಪಸ್ ಪ್ಲೇಸ್‌ಮೆಂಟ್ ಪ್ಯಾಕೇಜ್ ಅನ್ನು ಪಡೆದುಕೊಂಡಿದ್ದಾರೆ, ಇದು ವರ್ಷಕ್ಕೆ 58.48 ಲಕ್ಷ ರೂಪಾಯಿಯ ವೇತನವಾಗಿದೆ.

ಪಂಜಾಬ್‌ನ ಹೋಶಿಯಾರ್‌ಪುರ ಮೂಲದ ಅಂಶು ಸಿಂಗಾಪುರದ ತೊಲರಾಮ್ ಗ್ರೂಪ್‌ನಲ್ಲಿ ಸೇಲ್ಸ್ ಮ್ಯಾನೇಜರ್ ಆಗಿ ಉದ್ಯೋಗ ಪಡೆದಿದ್ದಾರೆ. ಈ ಗುಂಪು ಆಹಾರ ಮತ್ತು ಮೂಲಸೌಕರ್ಯ ಸೇರಿದಂತೆ ವಿವಿಧ ಕ್ಷೇತ್ರಗಳಲ್ಲಿ ಕಾರ್ಯನಿರ್ವಹಿಸುತ್ತದೆ.

ಯೂನಿವರ್ಸಿಟಿ ಇನ್‌ಸ್ಟಿಟ್ಯೂಟ್ ಆಫ್ ಇಂಜಿನಿಯರಿಂಗ್ ಟೆಕ್ನಾಲಜಿಯಿಂದ ಎಂಜಿನಿಯರಿಂಗ್‌ನಲ್ಲಿ ಪದವಿ ಪಡೆದ ನಂತರ ಅವರು ಪಂಜಾಬ್ ಯೂನಿವರ್ಸಿಟಿ ಬ್ಯುಸಿನೆಸ್ ಸ್ಕೂಲ್ (ಯುಬಿಎಸ್) ನಲ್ಲಿ ತಮ್ಮ ಎಂಬಿಎ ವ್ಯಾಸಂಗ ಮಾಡಿದರು. ತನ್ನ ಎಂಬಿಎ ಸಮಯದಲ್ಲಿ ಅವರು ಮಾರ್ಕೆಟಿಂಗ್ ಇಂಟರ್ನ್ ಆಗಿ ಏರ್‌ಟೆಲ್‌ನಲ್ಲಿ ತರಬೇತಿ ಪಡೆದರು.

ಈ ಬಗ್ಗೆ ಮಾತನಾಡಿದ ಅಂಶು ಅವರು 20 ಲಕ್ಷ ರೂಪಾಯಿಗಳ ಪ್ಯಾಕೇಜ್ ಅನ್ನು ನಿರೀಕ್ಷಿಸುತ್ತಿದ್ದೆ. ಆದರೆ ಅವರ ಯಶಸ್ಸು ಆ ನಿರೀಕ್ಷೆಗಳನ್ನು ಮೀರಿದೆ. ಅವರು ತಮ್ಮ ಶಿಕ್ಷಕರಿಗೆ ಮತ್ತು ಯುಬಿಎಸ್‌ ಪ್ಲೇಸ್‌ಮೆಂಟ್ ಸೆಲ್‌ಗೆ ಅವರ ಪೋಷಕ ಪಾತ್ರಗಳಿಗಾಗಿ ಮನ್ನಣೆ ನೀಡಿದರು.

ಅಂಶು ಅವರ ಈ ಹಂತದ ಪ್ರಯಾಣವು ಸವಾಲುಗಳಿಲ್ಲದೆ ಇರಲಿಲ್ಲ. 2020 ರಲ್ಲಿ ಕಂಪನಿಯೊಂದರಲ್ಲಿ ಕೆಲಸ ಮಾಡುತ್ತಿದ್ದ ಅವಧಿಯಲ್ಲಿ ಅವರು ಪಡೆದ ಕಡಿಮೆ ಸಂಬಳದ ಕಾರಣ ಎಂಬಿಎ ಮಾಡಲು ನಿರ್ಧರಿಸಿದರು. ಸಂದರ್ಶನದ ಸಮಯದಲ್ಲಿ ಅಂಶು ಇತರ ಅಭ್ಯರ್ಥಿಗಳಿಗೆ ಪತ್ರಿಕೆಗಳು ಮತ್ತು ನಿಯತಕಾಲಿಕೆಗಳನ್ನು ಓದಲು ಸಲಹೆ ನೀಡಿದರು. ಪ್ರಸ್ತುತ ವಿದ್ಯಮಾನಗಳ ಬಗ್ಗೆ ಅಪಡೇಟ್‌ ಆಗಿರಿ. ಒಬ್ಬರು ಪಠ್ಯಕ್ರಮದ ಮೇಲೆ ಮಾತ್ರ ಗಮನಹರಿಸಿದರೆ ಯಶಸ್ಸು ಸವಾಲಿನದು ಎಂದು ಹೇಳಿದರು.