ಗುಡ್‌ನ್ಯೂಸ್‌: ಈ ಐಟಿ ಕಂಪನಿಯ ಉದ್ಯೋಗಿಗಳಿಗೆ ಬೋನಸ್‌

ಪ್ರಪಂಚದ ಅತಿದೊಡ್ಡ ಐಟಿ ಸೇವಾ ಸಂಸ್ಥೆಯಾದ ಅಕ್ಸೆಂಚರ್ ತನ್ನ ಲಕ್ಷಾಂತರ ಉದ್ಯೋಗಿಗಳಿಗೆ ಒಂದು ಬಾರಿಯ ಬೋನಸ್ ಅನ್ನು ಘೋಷಣೆ ಮಾಡಿದೆ. ಇದು ಜಾಗತಿಕವಾಗಿ ವ್ಯವಸ್ಥಾಪಕ ನಿರ್ದೇಶಕ (MD) ಮಟ್ಟಕ್ಕಿಂತ ಕೆಳಗಿರುವ ಎಲ್ಲಾ ಉದ್ಯೋಗಿಗಳಿಗೆ ಅನ್ವಯವಾಗಲಿದ್ದು, ಬೋನಸ್ ಒಂದು ವಾರದ ಮೂಲ ವೇತನಕ್ಕೆ ಸಮನಾಗಿರುತ್ತದೆ.

ಅಕ್ಸೆಂಚರ್‌ನ ಈ ಘೋಷಣೆಯು ಎರಡನೇ ತ್ರೈಮಾಸಿಕದಲ್ಲಿ ಕಂಪನಿಯು ಗಳಿಸದ ಲಾಭದ ಫಲಿತಾಂಶದ ಮೇಲೆ ಪ್ರಕಟಣೆಯ ಮೇಲೆ ಬಂದಿದೆ. ದ್ವಿತೀಯ ತ್ರೈಮಾಸಿಕದಲ್ಲಿ ಕಂಪನಿಯ ಆದಾಯವು 12.1 ಬಿಲಿಯನ್ ಡಾಲರ್ ಆಗಿದ್ದು, ಇದು ಅಮೆರಿಕಾ ಡಾಲರ್‌ಗಳಲ್ಲಿ ಶೇಕಡಾ 8ರಷ್ಟು ಹೆಚ್ಚಾಗಿದೆ.

ಕಂಪನಿಯ ಹೊಸ ಬುಕಿಂಗ್ 16 ಬಿಲಿಯನ್ ಡಾಲರ್ ಆಗಿದ್ದು, ಕಳೆದ ವರ್ಷ ಇದೇ ಅವಧಿಗೆ ಹೋಲಿಸಿದರೆ 13 ಪ್ರತಿಶತದಷ್ಟು ಹೆಚ್ಚಳವಾಗಿದೆ. ಅಕ್ಸೆಂಚರ್ ಈಗ ತನ್ನ ಪೂರ್ಣ ವರ್ಷದ ಆದಾಯವು ಸ್ಥಳೀಯ ಕರೆನ್ಸಿಯಲ್ಲಿ 6.5 ರಿಂದ 8.5 ಪ್ರತಿಶತದವರೆಗೆ ಬೆಳೆಯುತ್ತದೆ ಎಂದು ನಿರೀಕ್ಷಿಸುತ್ತದೆ, ಇದು ಕಂಪನಿಯ ಹಿಂದಿನ 4 ಪ್ರತಿಶತದಿಂದ 6 ಪ್ರತಿಶತದವರೆಗೆ ಹೆಚ್ಚಾಗಿದೆ.

ಅಕ್ಸೆಂಚರ್‌ನ ಈ ನಿರ್ಧಾರವು ಕಂಪನಿಯಲ್ಲಿ ಕೆಲಸ ಮಾಡುವ 5 ಲಕ್ಷಕ್ಕೂ ಹೆಚ್ಚು ಉದ್ಯೋಗಿಗಳಿಗೆ ಪ್ರಯೋಜನವನ್ನು ನೀಡುತ್ತದೆ. ಒಂದು ಬಾರಿಯ ಬೋನಸ್ ಆಗಿ, ಕಂಪನಿಯು ತನ್ನ ಉದ್ಯೋಗಿಗಳಿಗೆ ಒಂದು ವಾರದ ಮೂಲ ವೇತನಕ್ಕೆ ಸಮಾನವಾದ ಬೋನಸ್ ನೀಡುತ್ತದೆ. ಫೆಬ್ರವರಿ ತ್ರೈಮಾಸಿಕದಲ್ಲಿ ಕಂಪನಿಯು 22,365 ಹೊಸ ಜನರನ್ನು ನೇಮಿಸಿಕೊಂಡಿದೆ, ಇದು ತನ್ನ ಉದ್ಯೋಗಿಗಳನ್ನು ವಿಶ್ವದಾದ್ಯಂತ 5,36,653 ಕ್ಕೆ ಹೆಚ್ಚಿಸಿದೆ.