Adani-H'burg Case: ಅದಾನಿ ಪ್ರಕರಣದಲ್ಲಿ ಸೆಬಿಯ ತೀರ್ಪು ಎತ್ತಿಹಿಡಿದ ಸುಪ್ರೀಂ

ಅದಾನಿ-ಹಿಂಡೆನ್‌ಬರ್ಗ್ ಪ್ರಕರಣದ ಕುರಿತಾದ ಸೆಕ್ಯುರಿಟೀಸ್ ಆಂಡ್ ಎಕ್ಸ್‌ಚೇಂಜ್ ಬೋರ್ಡ್ ಆಫ್ ಇಂಡಿಯಾದ (ಸೆಬಿ) ತೀರ್ಪನ್ನು ಭಾರತದ ಸರ್ವೋಚ್ಚ ನ್ಯಾಯಾಲಯವಾದ ಸುಪ್ರೀಂ ಕೋರ್ಟ್ ಎತ್ತಿಹಿಡಿದಿದೆ. ತನಿಖೆಯನ್ನು ಕೇಂದ್ರೀಯ ತನಿಖಾ ದಳಕ್ಕೆ (ಸಿಬಿಐ) ವರ್ಗಾಯಿಸುವ ಮನವಿಯನ್ನು ವಜಾಗೊಳಿಸಿತು.

ಮುಖ್ಯ ನ್ಯಾಯಮೂರ್ತಿ ಡಿ ವೈ ಚಂದ್ರಚೂಡ್ ಮತ್ತು ನ್ಯಾಯಮೂರ್ತಿಗಳಾದ ಜೆ ಬಿ ಪರ್ದಿವಾಲಾ ಮತ್ತು ಮನೋಜ್ ಮಿಶ್ರಾ ಅವರನ್ನೊಳಗೊಂಡ ಪೀಠವು ನೀಡಿದ ತೀರ್ಪು, ನಡೆಯುತ್ತಿರುವ ತನಿಖೆಯ ಮೇಲೆ ಪರಿಣಾಮ ಬೀರುವ ಪ್ರಮುಖ ಅಂಶಗಳು ಮತ್ತು ನಿರ್ದೇಶನಗಳನ್ನು ಸ್ಪಷ್ಟಪಡಿಸಿದೆ.

ತೀರ್ಪಿನ ಪ್ರಮುಖ ಅಂಶಗಳು ಇಲ್ಲಿದೆ ನೋಡಿ:

ಸೆಬಿ ತನಿಖಾ ಪ್ರಾಧಿಕಾರ: ಅದಾನಿ ಹಿಂಡೆನ್‌ಬರ್ಗ್ ಪ್ರಕರಣದ ತನಿಖೆಯನ್ನು ಸೆಬಿಯಿಂದ ವಿಶೇಷ ತನಿಖಾ ತಂಡಕ್ಕೆ (ಎಸ್‌ಐಟಿ) ವರ್ಗಾಯಿಸಲು ಸಾಕಷ್ಟು ಆಧಾರಗಳಿಲ್ಲ ಎಂದು ಮುಖ್ಯ ನ್ಯಾಯಮೂರ್ತಿ ಡಿವೈ ಚಂದ್ರಚೂಡ್ ಒತ್ತಿ ಹೇಳಿದರು. ಈ ನಿರ್ಧಾರವು ಪ್ರಾಥಮಿಕ ತನಿಖಾ ಸಂಸ್ಥೆಯಾಗಿ ಸೆಬಿ ಪಾತ್ರವನ್ನು ಗಟ್ಟಿಗೊಳಿಸಿದೆ.

Adani Wilmar Share Price: ಅದಾನಿ ವಿಲ್ಮಾರ್ ಎಲ್ಲ ಷೇರುಗಳ ಮಾರಾಟಕ್ಕೆ ಮುಂದಾದ್ರ ಗೌತಮ್ ಅದಾನಿ, ಕಾರಣವೇನು?
ಒಸಿಸಿಪಿಆರ್ ವರದಿ ವಜಾ: ನ್ಯಾಯಾಲಯವು ಒಸಿಸಿಪಿಆರ್ (ಹಿಂಡೆನ್‌ಬರ್ಗ್ ವರದಿಯ ಹಿಂದಿನ ಮೂರನೇ ವ್ಯಕ್ತಿಯ ಸಂಸ್ಥೆ) ಯ ವಿಶ್ವಾಸಾರ್ಹತೆಯನ್ನು ಕಡೆಗಣಿಸಿದೆ. ಪರಿಶೀಲಿಸದ ಮೂರನೇ ವ್ಯಕ್ತಿಯ ವರದಿಗಳ ಮೇಲಿನ ಅವಲಂಬನೆಯನ್ನು ನಿರ್ಣಾಯಕ ಪುರಾವೆಯಾಗಿ ಪರಿಗಣಿಸಲಾಗುವುದಿಲ್ಲ ಎಂದು ಹೇಳಿದೆ. ತನಿಖೆಯಲ್ಲಿ ಪರಿಶೀಲಿಸಿದ ಸಾಕ್ಷ್ಯದ ಅಗತ್ಯವನ್ನು ತೀರ್ಪು ಒತ್ತಿಹೇಳಿದೆ.

ಸೆಬಿಯ ಪ್ರಗತಿಗೆ ಅಂಗೀಕಾರ: ಸಿಜೆಐ ಚಂದ್ರಚೂಡ್ ಅವರು ಪ್ರಕರಣಕ್ಕೆ ಸಂಬಂಧಿಸಿದ 22 ವಿಷಯಗಳ ಪೈಕಿ 20 ಪ್ರಕರಣಗಳಲ್ಲಿ ತನಿಖೆಯನ್ನು ಮುಕ್ತಾಯಗೊಳಿಸುವಲ್ಲಿ ಸೆಬಿಯ ಪ್ರಗತಿಯನ್ನು ಎತ್ತಿ ಹಿಡಿದರು. ಉಳಿದ ಎರಡು ತನಿಖೆಗಳನ್ನು ಮೂರು ತಿಂಗಳೊಳಗೆ ಅಂತಿಮಗೊಳಿಸುವಂತೆ ಸೆಬಿಗೆ ನ್ಯಾಯಾಲಯ ಸೂಚಿಸಿದೆ.

ಬಾಹ್ಯ ವರದಿಗಳ ವಿರುದ್ಧ ಎಚ್ಚರಿಕೆ: ಸೆಬಿಯಂತಹ ಶಾಸನಬದ್ಧ ಸಂಸ್ಥೆಯನ್ನು ಪ್ರಶ್ನಿಸುವ ವೃತ್ತಪತ್ರಿಕೆ ವರದಿಗಳು ಅಥವಾ ಮೂರನೇ ವ್ಯಕ್ತಿಯ ಸಂಸ್ಥೆಗಳ ಮೇಲೆ ಅವಲಂಬಿತವಾಗದಂತೆ ಸುಪ್ರೀಂ ಕೋರ್ಟ್ ಎಚ್ಚರಿಕೆ ನೀಡಿದೆ. ಅಂತಹ ವರದಿಯನ್ನು ಮಾಹಿತಿಯಾಗಿ ತಿಳಿಯಬೇಕೇ ಹೊರತು ನಿರ್ಣಾಯಕ ಪುರಾವೆಯಲ್ಲ ಎಂದಿದೆ.

ಹೆಚ್ಚುವರಿ ತನಿಖೆ: ಶಾರ್ಟ್ ಸೆಲ್ಲಿಂಗ್‌ನ ಹಿಂಡೆನ್‌ಬರ್ಗ್ ವರದಿಯು ಯಾವುದೇ ಕಾನೂನುಗಳನ್ನು ಉಲ್ಲಂಘಿಸಿದೆಯೇ ಎಂದು ತನಿಖೆ ಮಾಡಲು ನ್ಯಾಯಾಲಯವು ಕೇಂದ್ರ ಮತ್ತು ಸೆಬಿ ಎರಡಕ್ಕೂ ಸೂಚಿಸಿದೆ. ಯಾವುದೇ ಉಲ್ಲಂಘನೆ ಕಂಡುಬಂದಲ್ಲಿ ಅಗತ್ಯ ಕಾನೂನು ಕ್ರಮಗಳನ್ನು ತೆಗೆದುಕೊಳ್ಳುವಂತೆ ಅವರಿಗೆ ಸೂಚಿಸಲಾಯಿತು. ಹೆಚ್ಚುವರಿಯಾಗಿ, ಹಿಂಡೆನ್‌ಬರ್ಗ್‌ನಿಂದ ಯಾವುದೇ ಸಂಭಾವ್ಯ ಉಲ್ಲಂಘನೆಗಳನ್ನು ತನಿಖೆ ಮಾಡಲು ಸೆಬಿಗೆ ವಹಿಸಲಾಯಿತು.

ತೀರ್ಪಿನ ನಂತರ, ಅದಾನಿ ಗ್ರೂಪ್ ಜನವರಿ 3 ರಂದು ಇಂಟ್ರಾಡೇ ಟ್ರೇಡ್‌ನಲ್ಲಿ ಶೇಕಡ 3 ರಿಂದ ಶೇಕಡ 18 ರವರೆಗೆ ಸ್ಟಾಕ್ ಬೆಲೆಗಳಲ್ಲಿ ಏರಿಕೆ ಕಂಡಿತು. ಹಿಂಡೆನ್‌ಬರ್ಗ್ ಸಂಶೋಧನಾ ವರದಿಯಲ್ಲಿ ವಿವರಿಸಿರುವ ಆಪಾದಿತ ವಂಚನೆಯ ತನಿಖೆಯ ಕುರಿತು ಸುಪ್ರೀಂ ಕೋರ್ಟ್‌ನ ನಿರ್ಧಾರಕ್ಕೆ ಮಾರುಕಟ್ಟೆಯು ಸಕಾರಾತ್ಮಕವಾಗಿ ಪ್ರತಿಕ್ರಿಯಿಸಿದೆ.