Click it and Unblock the Notifications
ಏರ್ ಇಂಡಿಯಾ ಏರ್ಲೈನ್ ತನ್ನ ಸಂಸ್ಥೆಯಲ್ಲಿ ಬದಲಾವಣೆ ತರುವ ಯೋಜನೆಯನ್ನು ಮುಂದುವರೆಸಿದ್ದು, ಗುರುವಾರ ತನ್ನ ಹೊಸ ಬ್ರಾಂಡ್ ಗುರುತನ್ನು ಹೊಸ ಲೋಗೋದೊಂದಿಗೆ ಅನಾವರಣಗೊಳಿಸಿದೆ. ನಷ್ಟದಲ್ಲಿದ್ದ ಏರ್ ಇಂಡಿಯಾವನ್ನು ಜನವರಿ 2022 ರಲ್ಲಿ ಟಾಟಾ ಗ್ರೂಪ್ ನಿಯಂತ್ರಣಕ್ಕೆ ತೆಗೆದುಕೊಂಡಿತು. ದೀರ್ಘಕಾಲದವರೆಗೆ, ಟಾಟಾ ಒಡೆತನದ ಏರ್ಲೈನ್ ಹೊಸ ಲೋಗೋ ತಯಾರಿಯಲ್ಲಿ ತೊಡಗಿತ್ತು. ಈಗ ಹೊಸ ಲೋಗೋ ಬಿಡುಗಡೆ ಮಾಡಲಾಗಿದೆ.
ಟಾಟಾ ಸನ್ಸ್ ಅಧ್ಯಕ್ಷ ಎನ್ ಚಂದ್ರಶೇಖರನ್ ಅವರು ಹೊಸ ಏರ್ ಇಂಡಿಯಾ ಲೋಗೋವನ್ನು ಅನಾವರಣಗೊಳಿಸಿದರು. ಈ ಹೊಸ ಲೋಗೋ ಕೆಂಪು, ಚಿನ್ನದ ಬಣ್ಣ ಮತ್ತು ನೇರಳೆ ಬಣ್ಣಗಳನ್ನು ಒಳಗೊಂಡಿದೆ ಮತ್ತು ಭವಿಷ್ಯಕ್ಕಾಗಿ ಏರ್ಲೈನ್ನ ಆಕ್ರಮಣಕಾರಿ ದೃಷ್ಟಿಯನ್ನು ಚಿತ್ರಿಸುತ್ತದೆ.
"ಈ ಲೋಗೋ ವಿನ್ಯಾಸವು ಚಿನ್ನದ ಕಿಟಕಿಯ ಚೌಕಟ್ಟಿನ ಪ್ರೇರಿತವಾಗಿದ್ದು ಇದು ಮಿತಿಯಿಲ್ಲದ ಸಾಧ್ಯತೆಗಳು, ಪ್ರಗತಿಶೀಲತೆ ಮತ್ತು ಭವಿಷ್ಯಕ್ಕಾಗಿ ಏರ್ಲೈನ್ನ ದಿಟ್ಟ, ಆತ್ಮವಿಶ್ವಾಸದ ದೃಷ್ಟಿಕೋನವನ್ನು ಸೂಚಿಸುತ್ತದೆ," ಎಂದು ಕಂಪನಿಯು ಪತ್ರಿಕಾ ಪ್ರಕಟಣೆಯಲ್ಲಿ ತಿಳಿಸಿದೆ. ಹಾಗೆಯೇ "ಸುರಕ್ಷತೆ, ತಂತ್ರಜ್ಞಾನ ಮತ್ತು ಗ್ರಾಹಕರ ಅನುಭವದ ವಿಷಯದಲ್ಲಿ ಕಂಪನಿಯು ವಿಶ್ವದರ್ಜೆಗೆ ಏರುವ ಗುರಿಯನ್ನು ಹೊಂದಿದೆ," ಎಂದು ಎನ್ ಚಂದ್ರಶೇಖರನ್ ಹೇಳಿದ್ದಾರೆ.
ಟ್ವೀಟ್ನಲ್ಲಿ ಏರ್ ಇಂಡಿಯಾ ಏನು ಹೇಳುತ್ತದೆ?
"ಏರ್ ಇಂಡಿಯಾದ ಬೋಲ್ಡ್ ಆದ ಹೊಸ ನೋಟವನ್ನು ಬಹಿರಂಗಪಡಿಸುತ್ತಿದೆ. ನಮ್ಮ ಹೊಸ ಲೈವರಿ ಮತ್ತು ವಿನ್ಯಾಸವು ಗಾಢ ಕೆಂಪು, ಕಡು ನೇರಳೆ (ಬದನೆಕಾಯಿ ಬಣ್ಣ), ಚಿನ್ನದ ಬಣ್ಣವನ್ನು ಹೊಂದಿದೆ. ಅಶೋಕ ಚಕ್ರ ಪ್ರೇರಿತ ಮಾದರಿಯ ಅನ್ನು ಒಳಗೊಂಡಿದೆ. ಡಿಸೆಂಬರ್ 2023 ರಿಂದ ಪ್ರಯಾಣಿಕರು ಹೊಸ ಲೋಗೋ ಮತ್ತು ವಿನ್ಯಾಸವನ್ನು ನೋಡಲು ಸಾಧ್ಯವಾಗುತ್ತದೆ," ಎಂದು ಏರ್ ಇಂಡಿಯಾ ಈ ಬಗ್ಗೆ ಟ್ವೀಟ್ ಮೂಲಕ ಮಾಹಿತಿ ನೀಡಿದೆ.
ಈ ವರ್ಷ, ಏರ್ ಇಂಡಿಯಾದ ಪುನರ್ ರಚನೆಯ ಯೋಜನೆಯ ಭಾಗವಾಗಿ, ವಿಮಾನಯಾನವು 20 ಬಿಳಿ ಬಣ್ಣವನ್ನು ಹೊಂದಿರುವ ವಿಮಾನಗಳನ್ನು ಗುತ್ತಿಗೆ ಮತ್ತು ಖರೀದಿ ಮಾಡಿದೆ. ಹೆಚ್ಚುವರಿಯಾಗಿ, ವರ್ಷದ ಮಧ್ಯದಲ್ಲಿ, 43 ಬಿಳಿ ಬಣ್ಣದ ವಿಮಾನದಲ್ಲಿ ಎಲ್ಲ ಸೌಕರ್ಯ ಸವಲತ್ತುಗಳ ಪುನರ್ ರಚನೆಗಾಗಿ ಸುಮಾರು 400 ಮಿಲಿಯನ್ ಡಾಲರ್ ಮೊತ್ತದ ಯೋಜನೆಯನ್ನು ರೂಪಿಸಿಕೊಂಡಿದೆ.
ಏರ್ ಇಂಡಿಯಾವು ಅಂತರರಾಷ್ಟ್ರೀಯ ಮತ್ತು ದೇಶೀಯ ಮಾರ್ಗಗಳಲ್ಲಿ ದರ ಮೊದಲಾದವುಗಳನ್ನು ಪರಿಷ್ಕರಣೆ ಮಾಡಿದೆ. ಆಯ್ದ ದೀರ್ಘ-ಪ್ರಯಾಣದ ವಿಮಾನಗಳಲ್ಲಿ ಮೊದಲ ಬಾರಿಗೆ ಪ್ರೀಮಿಯಂ ಎಕಾನಮಿ ಸೀಟ್ಗಳನ್ನು ಪ್ರಾರಂಭಿಸಿತು. ಕೆಲವು ನಿರ್ಣಾಯಕ ಗ್ರಾಹಕ ಸೇವೆಗಳನ್ನು ಒದಗಿಸಲು ಸಂಸ್ಥೆಯು ಆರಂಭ ಮಾಡಿತು.
Sign in with Google