ಏರ್ ಟೆಲ್ ನಿಂದ 179 ರುಪಾಯಿಯ ಪ್ರೀಪೇಯ್ಡ್ ಪ್ಲಾನ್, ಜತೆಗೆ ಇನ್ಷೂರೆನ್ಸ್

ಟೆಲಿಕಾಂ ಕಂಪೆನಿ ಭಾರ್ತಿ ಏರ್ ಟೆಲ್ 179 ರುಪಾಯಿಯ ಪ್ರೀಪೇಯ್ಡ್ ಪ್ಲಾನ್ ಅನ್ನು ಭಾನುವಾರ ಘೋಷಣೆ ಮಾಡಿದೆ. ಈ ಪ್ರೀಪೇಯ್ಡ್ ಪ್ಲಾನ್ ಜತೆಗೆ ಭಾರ್ತಿ ಆಕ್ಸಾ ಲೈಫ್ ಇನ್ಷೂರೆನ್ಸ್ ನಿಂದ 2 ಲಕ್ಷ ರುಪಾಯಿಯ ಟರ್ಮ್ ಲೈಫ್ ಕವರ್ ಆಗುತ್ತದೆ.

"179 ರುಪಾಯಿಯ ಏರ್ ಟೆಲ್ ನ ಪ್ರೀಪೇಯ್ಡ್ ಪ್ಲಾನ್ ನಲ್ಲಿ ಯಾವುದೇ ನೆಟ್ ವರ್ಕ್ ಗೆ ಅನಿಯಮಿತ ಕರೆ ಮಾಡಬಹುದು. 2 ಜಿ.ಬಿ. ಡೇಟಾ, 300 ಎಸ್ಸೆಮ್ಮೆಸ್ ಮತ್ತು ಭಾರ್ತಿ ಆಕ್ಸಾ ಲೈಫ್ ಇನ್ಷೂರೆನ್ಸ್ ನಿಂದ 2 ಲಕ್ಷ ರುಪಾಯಿಯ ಟರ್ಮ್ ಲೈಫ್ ಕವರ್ ಆಗಲಿದೆ" ಎಂದು ಕಂಪೆನಿಯು ತನ್ನ ಹೇಳಿಕೆಯಲ್ಲಿ ತಿಳಿಸಿದೆ.

ಈ ಪ್ಯಾಕ್ ನಲ್ಲಿ 28 ದಿನಗಳ ವ್ಯಾಲಿಡಿಟಿ ಇದೆ. ಸ್ಮಾರ್ಟ್ ಫೋನ್ ಬಳಸುವ ಆರಂಭಿಕ ಹಂತದವರಿಗಾಗಿ ಹಾಗೂ ಅರೆ ನಗರ ಮತ್ತು ಗ್ರಾಮೀಣ ಪ್ರದೇಶದ ಮಾರುಕಟ್ಟೆಯನ್ನು ಗಮನದಲ್ಲಿ ಇಟ್ಟುಕೊಂಡು ಈ ಯೋಜನೆ ರೂಪಿಸಲಾಗಿದೆ.

18ರಿಂದ 54 ವರ್ಷದೊಳಗಿನವರಿಗೆ ಇನ್ಷೂರೆನ್ಸ್ ಕವರ್ ಆಗುತ್ತದೆ. ವೈದ್ಯಕೀಯ ಪರೀಕ್ಷೆ ಅಥವಾ ಯಾವುದೇ ಕಾಗದ- ಪತ್ರಗಳ ಅಗತ್ಯ ಕೂಡ ಇರುವುದಿಲ್ಲ ಎನ್ನಲಾಗಿದೆ. ಇನ್ಷೂರೆನ್ಸ್ ಪಾಲಿಸಿ ಅಥವಾ ಪ್ರಮಾಣಪತ್ರವನ್ನು ತಕ್ಷಣವೇ ಡಿಜಿಟಲ್ ಫಾರ್ಮಾಟ್ ನಲ್ಲಿ ವಿತರಿಸಲಾಗುತ್ತದೆ. ಫಿಸಿಕಲ್ ಕಾಪಿ ಬೇಕೆಂದರೆ ಪ್ರತ್ಯೇಕವಾಗಿ ಮನವಿ ಸಲ್ಲಿಸಲಾಗುತ್ತದೆ.