ರಿಲಯನ್ಸ್ ಇಂಡಸ್ಟ್ರೀಸ್‌ನಲ್ಲಿ ಪಾಲು ಹೆಚ್ಚಿಸಿಕೊಂಡ ಅಂಬಾನಿ ಕುಟುಂಬ

ಮುಖೇಶ್ ಅಂಬಾನಿ, ಅವರ ಪತ್ನಿ ಮತ್ತು ಮೂವರು ಮಕ್ಕಳು ಮತ್ತೊಂದು ಪ್ರವರ್ತಕ ಗುಂಪು ಘಟಕದಿಂದ 3.20 ಪರ್ಸೆಂಟ್ ಷೇರುಗಳನ್ನು ಸ್ವಾಧೀನಪಡಿಸಿಕೊಳ್ಳುವ ಮೂಲಕ ರಿಲಯನ್ಸ್ ಇಂಡಸ್ಟ್ರೀಸ್‌ನಲ್ಲಿ ತಮ್ಮ ವೈಯಕ್ತಿಕ ಷೇರುಗಳನ್ನು ಹೆಚ್ಚಿಸಿಕೊಂಡಿದ್ದಾರೆ ಎಂದು ಕಂಪನಿಯು ನಿಯಂತ್ರಕ ಫೈಲಿಂಗ್‌ನಲ್ಲಿ ತಿಳಿಸಿದೆ.

"ನಾವು ರಿಲಯನ್ಸ್ ಇಂಡಸ್ಟ್ರೀಸ್ ಲಿಮಿಟೆಡ್‌ನ ಪ್ರವರ್ತಕ ಮತ್ತು ಪ್ರವರ್ತಕ ಗುಂಪಿನ ಭಾಗವಾಗಿ ರೂಪುಗೊಳ್ಳುವ ವ್ಯಕ್ತಿಗಳಾಗಿದ್ದೇವೆ, ಪ್ರವರ್ತಕ ಗುಂಪು ಘಟಕದಿಂದ ಇಂಟರ್-ಸೆ ವರ್ಗಾವಣೆಯ ಮೂಲಕ ಸ್ವಾಧೀನಪಡಿಸಿಕೊಳ್ಳಲು ಉದ್ದೇಶಿಸಿದ್ದೇವೆ" ಎಂದು ಕಂಪನಿಯು ನಿಯಂತ್ರಕ ಫೈಲಿಂಗ್‌ನಲ್ಲಿ ತಿಳಿಸಿದೆ.

ಪ್ರವರ್ತಕರು ಮತ್ತು ಎರಡು ಗುಂಪು ಕಂಪನಿಗಳಾದ ತತ್ವಾಮ್ ಎಂಟರ್‌ಪ್ರೈಸಸ್ ಎಲ್‌ಎಲ್‌ಪಿ ಮತ್ತು ಸಮರ್ಜಿತ್ ಎಂಟರ್‌ಪ್ರೈಸಸ್ ಎಲ್‌ಎಲ್‌ಪಿ - ರಿಲಯನ್ಸ್ ಇಂಡಸ್ಟ್ರೀಸ್‌ನ 3.20 ಪರ್ಸೆಂಟ್ ಷೇರುಗಳನ್ನು ಮತ್ತೊಂದು ಗುಂಪು ಘಟಕವಾದ ದೇವರ್ಶಿ ಕಮರ್ಷಿಯಲ್ಸ್ ಎಲ್‌ಎಲ್‌ಪಿ ಯಿಂದ ಪಡೆದುಕೊಳ್ಳಲಿದೆ ಎಂದು ಕಂಪನಿ ತಿಳಿಸಿದೆ.

ಆದಾಗ್ಯೂ, ವಹಿವಾಟಿನ ಹೊರತಾಗಿಯೂ ಒಟ್ಟಾರೆಯಾಗಿ ಕಂಪನಿಯ ಪ್ರವರ್ತಕ ಗುಂಪಿನ ಷೇರುಗಳು 47.45 ಪರ್ಸೆಟ್ನಷ್ಟು ಬದಲಾಗದೆ ಉಳಿದಿವೆ.