ಆಂಟೋನಿ ವೇಸ್ಟ್ ಹ್ಯಾಂಡ್ಲಿಂಗ್ ಸೆಲ್ ಐಪಿಒ ಇಂದಿನಿಂದ ಶುರು

ಆಂಟೋನಿ ವೇಸ್ಟ್ ಹ್ಯಾಂಡ್ಲಿಂಗ್ ಸೆಲ್ ಮತ್ತೊಮ್ಮೆ ಇನಿಷಿಯಲ್ ಪಬ್ಲಿಕ್ ಆಫರ್ ಗಾಗಿ (ಐಪಿಒ) ಇಂದಿನಿಂದ (ಡಿಸೆಂಬರ್ 21, 2020) ಲಭ್ಯವಾಗಿದೆ. ಡಿಸೆಂಬರ್ 23ನೇ ತಾರೀಕಿಗೆ ಕೊನೆ ಆಗಲಿದೆ.

ಪ್ರತಿ ಷೇರಿಗೆ ರು. 313ರಿಂದ 315 ನಿಗದಿ ಆಗಿದೆ. 300 ಕೋಟಿ ರುಪಾಯಿ ಸಂಗ್ರಹ ಮಾಡಲು ಆಂಟೋನಿ ವೇಸ್ಟ್ ಹ್ಯಾಂಡ್ಲಿಂಗ್ ಮುಂದಾಗಿದೆ. ಇದರಲ್ಲಿ ಹೊಸದಾಗಿ 85 ಕೋಟಿ ರುಪಾಯಿ ಹಾಗೂ ಈಗಾಗಲೇ ಇರುವ ಷೇರುದಾರರಿಂದ 215 ಕೋಟಿ ರುಪಾಯಿಯ ಆಫರ್ ಫಾರ್ ಸೇಲ್ (ಒಎಫ್ ಎಸ್) ಒಳಗೊಂಡಿದೆ.

ಈ ಹಿಂದೆ ಮಾರ್ಚ್ ನಲ್ಲಿ ಐಪಿಒಗೆ ಮುಂದಾಗಿತ್ತು. ಆದರೆ ಆ ಸಂದರ್ಭದಲ್ಲಿ ಜಾಗತಿಕವಾಗಿಯೇ ಸನ್ನಿವೇಶ ಆತಂಕದಿಂದ ಕೂಡಿದ್ದರಿಂದ ಹೂಡಿಕೆದಾರರು ಹಣ ವಾಪಸ್ ಪಡೆಯುತ್ತಿದ್ದರು. ಉತ್ತಮ ಸ್ಪಂದನೆ ದೊರೆಯಲಿಲ್ಲ. ಆಂಟೋನಿ ವೇಸ್ಟ್ ಹ್ಯಾಂಡ್ಲಿಂಗ್ ನಿಂದ ಹತ್ತು ಆಂಕರ್ ಹೂಡಿಕೆದಾರರ ಮೂಲಕ 90 ಕೋಟಿ ರು. ಸಂಗ್ರಹಿಸಲಾಗಿದೆ. ಆ ಹತ್ತರಲ್ಲೊ ಮಸಾಚ್ಯುಸೆಟ್ಸ್ ಇನ್ ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿ ಅತಿ ದೊಡ್ಡ ಹೂಡಿಕೆದಾರ. 44.44% ಷೇರು ಖರೀದಿಸಿದೆ.

ಇತರ ಆಂಕರ್ ಹೂಡಿಕೆದಾರರಲ್ಲಿ ಟಾಟಾ ಎಐಜಿ ಜನರಲ್ ಇನ್ಷೂರೆನ್ಸ್, ಎಸ್ ಬಿಐ ಮ್ಯೂಚುವಲ್ ಫಂಡ್, ಮತ್ತು 238 ಪ್ಲಾನ್ ಅಸೋಸಿಯೇಟ್ ಗಳಿವೆ. ಇನ್ನು ಹೂಡಿಕೆದಾರರು ಕನಿಷ್ಠ 47 ಷೇರುಗಳಿಗೆ ಅರ್ಜಿ ಹಾಕಲೇಬೇಕು. ಅದಕ್ಕೆ ರು. 14,805 ಆಗುತ್ತದೆ. ಷೇರು ಹಂಚಿಕೆ ಡಿಸೆಂಬರ್ 29ರಂದು ಹಾಗೂ ಲಿಸ್ಟಿಂಗ್ ಜನವರಿ 1ರಂದು ಆಗುವ ನಿರೀಕ್ಷೆ ಇದೆ.