’ಬ್ಯಾಂಕ್ ಖಾತೆ ಬ್ಲಾಕ್ ’ ಎಂಬ ಆರ್‌ಬಿಐ ಕರೆ ಬಂದಿದೆಯೇ? ಎಚ್ಚರ ವಹಿಸಿ

ದಿನದಿಂದ ದಿನಕ್ಕೆ ಭಾರತದಲ್ಲಿ ಡಿಜಿಟಲೀಕರಣ ಪ್ರಕ್ರಿಯೆಯು ವೇಗದಿಂದ ಸಾಗುತ್ತಿದ್ದು, ಅಂತರ್ಜಾಲ ಬಳಸುವವರು ಸಂಖ್ಯೆಯಲ್ಳೂ ಹೆಚ್ಚಳವಾಗುತ್ತಿದೆ. ಒಂದೆಡೆ ಡಿಜಿಲೀಕರಣ ಹೆಚ್ಚುತ್ತಿದ್ದರೆ ಮತ್ತೊಂದೆಡೆ ಸೈಬರ್ ವಂಚಕರ ಸಂಖ್ಯೆಯಲ್ಲೂ ಹೆಚ್ಚುತ್ತಿದೆ. ಹಾಗಾಗಿ ಅಂತರ್ಜಾಲ ಅಥವಾ ಫೋನ್ ಬಳಕೆದಾರರು ಆದಷ್ಟು ಎಚ್ಚರಿಕೆಯಿಂದ ಇರುವುದು ಉತ್ತಮ. ಆದರೆ ಇನ್ನು ಕೆಲವು ದಿನಗಳಿಂದ

ನಿಮ್ಮ ಕ್ರೆಡಿಟ್ ಕಾರ್ಡ್ ಮೋಸದ ಚಟುವಟಿಕೆಯಲ್ಲಿ ತೊಡಗಿದೆ. ಮುಂದಿನ ಎರಡು ಗಂಟೆಗಳಲ್ಲಿ ನಿಮ್ಮ ಹೆಸರಿನಲ್ಲಿರುವ ಎಲ್ಲಾ ಬ್ಯಾಂಕ್ ಖಾತೆಗಳನ್ನು ನಿರ್ಬಂಧಿಸಲಾಗುವುದು' ಎಂದು ಆರ್‌ಬಿಐನಿಂದ ಹೇಳಿಕೊಳ್ಳುವ ಧ್ವನಿಮೇಲ್ ಒಂದು ಮೊಬೈಲ್ ಬಳಕೆದಾರರಿಗೆ ಸಿಗುತ್ತಿದ್ದು, ಹಲವರಲ್ಲಿ ಆತಂಕಕ್ಕೆ ಕಾರಣವಾಗಿದೆ. ಅಲ್ಲದೆ ಈ ಬಗ್ಗೆ ಹೆಚ್ಚಿನ ಮಾಹಿತಿ ಪಡೆಯಲು 9 ಸಂಖ್ಯೆಯನ್ನು ಒತ್ತುವಂತೆ ಗ್ರಾಹಕರನ್ನು ಕೇಳಿಕೊಳ್ಳಲಾಗುತ್ತಿದೆ. ಆದರೆ ಇದೊಂದು ಸೈಬರ್ ವಂಚಕರ ಮೋಸದ ಕರೆಯಾಗಿದ್ದು, ಗ್ರಾಹಕರು ಎಚ್ಚರಿಕೆಯಿಂದ ಇರುವಂತೆ ತಿಳಿಸಲಾಗಿದೆ. ಅಲ್ಲದೆ ಇಂತಹ ಮೋಸದ ಕರೆಗಳ ವಿರುದ್ಧ ಸರ್ಕಾರ ಸ್ಪಷ್ಟ ಎಚ್ಚರಿಕೆ ನೀಡಿದ್ದು, ಜನರು ಎಚ್ಚರದಿಂದ ಇರುವಂತೆ ಮನವಿ ಮಾಡಿದೆ.

ಮೋಸದ ಜಾಲ ಹೇಗಿರುತ್ತದೆ?

ವಂಚನೆಯ ಧ್ವನಿಮೇಲ್ ಸಾಮಾನ್ಯವಾಗಿ ಕ್ಲೈಮ್ ಮಾಡುವ ಮೂಲಕ ಪ್ರಾರಂಭವಾಗುತ್ತದೆ. 'ನಿಮ್ಮ ಕ್ರೆಡಿಟ್ ಕಾರ್ಡ್ ಮೋಸದ ಚಟುವಟಿಕೆಯಲ್ಲಿ ತೊಡಗಿದೆ. ಮುಂದಿನ ಎರಡು ಗಂಟೆಗಳಲ್ಲಿ ನಿಮ್ಮ ಹೆಸರಿನಲ್ಲಿರುವ ಎಲ್ಲಾ ಬ್ಯಾಂಕ್ ಖಾತೆಗಳನ್ನು ನಿರ್ಬಂಧಿಸಲಾಗುತ್ತದೆ. ಸಂದೇಶವು ಹೆಚ್ಚಿನ ಮಾಹಿತಿಗಾಗಿ ಒಂಬತ್ತರ ಸಂಖ್ಯೆಯನ್ನು ಒತ್ತುವಂತೆ ಗ್ರಾಹಕರಿಗೆ ತಿಳಿಸಲಾಗುತ್ತದೆ.

ನೀವು ಏನು ಮಾಡಬೇಕು?

ಒಂದು ವೇಳೆ ನೀವು ಅಂಥ ಕರೆಗಳನ್ನು ಸ್ವೀಕರಿಸಿದರೆ ಕೂಡಲೇ ಕರೆಯನ್ನು ನಿರ್ಲಕ್ಷಿಸಿಬಿಡುವುದು ಒಳಿತು. ಒಂದು ವೇಳೆ ಕರೆ ಸ್ವೀಕರಿಸಿದರೂ ಯಾವುದೇ ಸಂಖ್ಯೆಯನ್ನು ಒತ್ತಬೇಡಿ. ಅಲ್ಲದೆ ಕರೆಯಲ್ಲಿ ಮುಂದುವರೆಯದೆ ಕೂಡಲೇ ಕರೆಯನ್ನು ಕಟ್ ಮಾಡಿ. ಎಲ್ಲರಿಗೂ ತಿಳಿದಿರುವಂತೆ ಸಾಮಾನ್ಯವಾಗಿ ಆರ್‌ಬಿಐ ಅಥವಾ ಯಾವುದೇ ಕಾನೂನುಬದ್ಧ ಬ್ಯಾಂಕ್ ಎಂದಿಗೂ ಅಪೇಕ್ಷಿಸದ ಕರೆಗಳು ಅಥವಾ ಇಮೇಲ್‌ಗಳ ಮೂಲಕ ವೈಯಕ್ತಿಕ ವಿವರಗಳನ್ನು ಕೇಳಲಾಗುವುದಿಲ್ಲ. ಆದರೂ ಕರೆಯ ಬಗ್ಗೆ ನಿಮ್ಮಲ್ಲಿ ಯಾವುದಾದರೂ ಸಂದೇಹಗಳಿದ್ದರೆ ಕೂಡಲೇ ಅಧಿಕೃತ ಸಹಾಯವಾಣಿ ಮೂಲಕ ನೇರವಾಗಿ ನಿಮ್ಮ ಬ್ಯಾಂಕ್ ಅನ್ನು ಸಂಪರ್ಕಿಸಿ, ಮಾಹಿತಿ ಪಡೆಯಬಹುದು. ಅಲ್ಲದೆ ಎಲ್ಲಕ್ಕಿಂತ ಮುಖ್ಯವಾಗಿ ನೀವು ಅಂತಹ ಘಟನೆಗಳನ್ನು ಸೈಬರ್ ಕ್ರೈಮ್ ಪೋರ್ಟಲ್ ಅಥವಾ ನಿಮ್ಮ ಸ್ಥಳೀಯ ಅಧಿಕಾರಿಗಳಿಗೆ ಮಾಹಿತಿ ನೀಡಿ, ದೂರು ನೀಡಬಹುದು.

ಸ್ಕ್ಯಾಮ್ ಗಳಿಂದ ಸುರಕ್ಷಿತವಾಗಿರಿ

ಇತ್ತೀಚಿಗಿನ ದಿನಗಳಲ್ಲಿ ಗ್ರಾಹಕರನ್ನು ವಂಚಿಸಲು ಹೊಸ ಹೊಸ ಐಡಿಯಾಗಳನ್ನು ಪ್ರಯೋಗಿಸಿ, ಜಾಲಕ್ಕೆ ಬೀಳಿಸಲು ಪ್ರಯತ್ನಿಸುತ್ತಿದ್ದಾರೆ. ಹಾಗಾಗಿ ಈ ವಿಚಾರದಲ್ಲಿ ನಾವು ಆದಷ್ಟು ಜಾಗರೂಕತೆಯಿಂದ ಇರುವುದು ಒಳಿತು. ಆರ್‌ಬಿಐ ಅಥವಾ ನಿಮ್ಮ ಬ್ಯಾಂಕ್‌ನಂತಹ ನಿಜವಾದ ಸಂಸ್ಥೆಗಳು ನಿಮ್ಮ ಖಾತೆಯನ್ನು ನಿರ್ಬಂಧಿಸಲು ಅಥವಾ ಫೋನ್‌ನಲ್ಲಿ ಸೂಕ್ಷ್ಮ ಮಾಹಿತಿಯನ್ನು ಕೇಳಲು ಎಂದಿಗೂ ಬೆದರಿಕೆ ಹಾಕುವುದಿಲ್ಲ ಎಂಬುದನ್ನು ಯಾವಾಗಲೂ ನೆನಪಿಡಿ.

RBI ಹೆಸರಲ್ಲಿ ವಂಚನೆ

RBI ಹೆಸರು ಹೇಳಿದರೆ ಸಾಮಾನ್ಯವಾಗಿ ಹೆಚ್ಚಿನವರು ಭೀತಿಗೊಳಗಾಗುತ್ತಾರೆ ಅಥವಾ ಬೇಗನೇ ನಂಬುತ್ತಾರೆ ಎಂದು ವಂಚಕರು ಚೆನ್ನಾಗಿಯೇ ಅರಿತುಕೊಂಡಿದ್ದಾರೆ. ಈ ಹಿನ್ನೆಲೆಯಲ್ಲಿ RBI ಹೆಸರಲ್ಲಿ ಸದ್ಯ ಫೋನ್ ಗ್ರಾಹಕರನ್ನು ವಂಚಿಸಲಾಗುತ್ತಿದೆ. ಹಾಗಾಗಿ ಒಂದು ವೇಳೆ ಮುಂದೆ RBI ಹೆಸರಲ್ಲಿ ಯಾವುದೇ ಕರೆಗಳು ಬಂದರೂ ಅವರು ಹೇಳುವ ಹಾಗೆ ಮಾಡದೆ ಕರೆಯನ್ನು ಕಟ್ ಮಾಡುವುದೇ ಒಳಿತಾಗಿದೆ. ಈ ನಿಟ್ಟಿನಲ್ಲಿ ಗ್ರಾಹಕರು ಹೆಚ್ಚಿನ ಎಚ್ಚರಿಕೆ ವಹಿಸಬೇಕಿದೆ.

ನಕಲಿ ಕರೆಗಳಿಂದ ನಿಮ್ಮನ್ನು ರಕ್ಷಿಸಿಕೊಳ್ಳಲು ಸಲಹೆಗಳು

1. ಅನಿರೀಕ್ಷಿತ ಕರೆಗಳ ಬಗ್ಗೆ ಎಚ್ಚರದಿಂದಿರಿ: ಅಪರಿಚಿತ ಸಂಖ್ಯೆಗಳು ಅಥವಾ ಅನಿರೀಕ್ಷಿತ ಮೂಲಗಳಿಂದ ಬರುವ ಕರೆಗಳ ಬಗ್ಗೆ ಜಾಗರೂಕರಾಗಿರಿ. ಕಾನೂನುಬದ್ಧ ಸಂಸ್ಥೆಗಳು ಅಪೇಕ್ಷಿಸದ ಕರೆಗಳ ಮೂಲಕ ಗ್ರಾಹಕರ ವೈಯಕ್ತಿಕ ಸೂಕ್ಷ್ಮ ಮಾಹಿತಿಯನ್ನು ಕೇಳುವುದು ಕಡಿಮೆ.

2. ಕರೆ ಮಾಡುವವರ ಗುರುತನ್ನು ಪರಿಶೀಲಿಸಿ: ಕರೆ ಮಾಡುವವರು ಬ್ಯಾಂಕ್, ಸರ್ಕಾರಿ ಸಂಸ್ಥೆ ಅಥವಾ ವ್ಯಾಪಾರವನ್ನು ಪ್ರತಿನಿಧಿಸುವುದಾಗಿ ಹೇಳಿಕೊಂಡರೆ, ಅವರ ಗುರುತನ್ನು ಸ್ವತಂತ್ರವಾಗಿ ಪರಿಶೀಲಿಸಿ.

ಕರೆಯ ದೃಢೀಕರಣವನ್ನು ಖಚಿತಪಡಿಸಲು ಅಧಿಕೃತ ವೆಬ್‌ಸೈಟ್‌ನಿಂದ ಸಂಪರ್ಕ ವಿವರಗಳನ್ನು ಬಳಸಿ.

3. ವೈಯಕ್ತಿಕ ಮಾಹಿತಿಯನ್ನು ಎಂದಿಗೂ ಹಂಚಿಕೊಳ್ಳಬೇಡಿ: ನಿಮ್ಮ ಸಾಮಾಜಿಕ ಭದ್ರತೆ ಸಂಖ್ಯೆ, ಬ್ಯಾಂಕ್ ಖಾತೆ ಮಾಹಿತಿ, ಕ್ರೆಡಿಟ್ ಕಾರ್ಡ್ ವಿವರಗಳು ಅಥವಾ ಪಾಸ್‌ವರ್ಡ್‌ಗಳಂತಹ ಸೂಕ್ಷ್ಮ ವಿವರಗಳನ್ನು ಅಪರಿಚಿತ ಕರೆ ಮಾಡುವವರಿಗೆ ಬಹಿರಂಗಪಡಿಸಬೇಡಿ.

4. ತುರ್ತು ತಂತ್ರಗಳಿಂದ ಒತ್ತಡಕ್ಕೆ ಒಳಗಾಗಬೇಡಿ: ಯಾವುದೇ ಸಮಯದಲ್ಲೂ ಒತ್ತಡಕ್ಕೆ ಒಳಗಾದದೆ ಶಾಂತ ಹಾಗೂ ವಿವೇಚನೆಯಿಂದ ಕ್ರಮ ತೆಗೆದುಕೊಳ್ಳಿ.