ಬ್ಯಾಂಕ್ ಉದ್ಯೋಗಿಗಳ ಕುಟುಂಬ ಪಿಂಚಣಿ 30% ಏರಿಕೆ: 30,000 ರಿಂದ 35,000 ರೂ.ಗೆ ಹೆಚ್ಚಳ

ಬ್ಯಾಂಕ್ ಉದ್ಯೋಗಿಗಳ ಕುಟುಂಬಗಳಿಗೆ ಪರಿಹಾರ ನೀಡುವ ನಿಟ್ಟಿನಲ್ಲಿ, ಕೇಂದ್ರ ಸರ್ಕಾರವು ಬುಧವಾರ ಪಿಂಚಣಿ ಸ್ಲ್ಯಾಬ್ ಅನ್ನು ಹೆಚ್ಚಿಸಿದೆ. ಈ ಮೂಲಕ ಮುಂದಿನ ದಿನಗಳಲ್ಲಿ ಬ್ಯಾಂಕ್ ನೌಕರರ ಕುಟುಂಬ ಪಡೆಯುವ ಪಿಂಚಣಿ ಮಟ್ಟದಲ್ಲಿ ಏರಿಕೆಯಾಗಲಿದೆ.

ಬ್ಯಾಂಕ್ ನೌಕರನ ಕುಟುಂಬವು ಕೊನೆಯದಾಗಿ ಪಡೆದ ಸಂಬಳದ ಶೇಕಡಾ 30ರಷ್ಟು ಏಕರೂಪದ ಸ್ಲಾಬ್‌ನಲ್ಲಿ ಪಿಂಚಣಿ ಪಡೆಯುತ್ತದೆ. ಈ ಕ್ರಮವು ಕುಟುಂಬಗಳ ಪಿಂಚಣಿ ಪ್ರಯೋಜನಗಳನ್ನು ರೂ. 30,000 ರಿಂದ ರೂ. 35,000 ಕ್ಕೆ ಹೆಚ್ಚಿಸಲಿದೆ ಎಂದು ಹಣಕಾಸು ಸಚಿವಾಲಯದ ಕಾರ್ಯದರ್ಶಿ ದೇಬಾಸಿಶ್ ಪಾಂಡ ಹೇಳಿದ್ದಾರೆ.

ಗೃಹ ಸಾಲ: ಮನೆ ಖರೀದಿಸಿದ ಬಳಿಕ, ಈ ರೀತಿ ಸಾಲದ ಬಡ್ಡಿಯನ್ನ ಮರಳಿ ಪಡೆಯಿರಿ

ಭಾರತೀಯ ಬ್ಯಾಂಕಿಂಗ್ ಅಸೋಸಿಯೇಷನ್ ​​(ಐಬಿಎ) ಈ ಹಿಂದೆ ಕುಟುಂಬ ಪಿಂಚಣಿಯನ್ನು ವಿವಿಧ ವರ್ಗದ ಪಿಂಚಣಿದಾರರಿಗೆ ಶೇಕಡ 15, 20 ಮತ್ತು ಶೇಕಡಾ 30ರ ಸ್ಲಾಬ್ ದರದಲ್ಲಿ ಪಾವತಿಸಬೇಕಿದ್ದು, ಯಾವುದೇ ನಿಗದಿತ ಮಿತಿ ಇಲ್ಲದೆ ಸುಧಾರಿಸಬೇಕು ಎಂದು ಶಿಫಾರಸು ಮಾಡಿತ್ತು. ಸಾವಿರಾರು ಬ್ಯಾಂಕ್ ಉದ್ಯೋಗಿಗಳು ಮತ್ತು ಅವರ ಕುಟುಂಬಗಳಿಗೆ ಅನುಕೂಲವಾಗುವಂತೆ ಈ ಶಿಫಾರಸನ್ನು ಅನುಮೋದಿಸಲು ಹಣಕಾಸು ಸಚಿವಾಲಯ ನಿರ್ಧರಿಸಿದೆ.

ಇದಲ್ಲದೆ, ಪಿಂಚಣಿ ಕಾರ್ಪಸ್‌ನಲ್ಲಿ ಉದ್ಯೋಗದಾತರ ಕೊಡುಗೆಯನ್ನು ಈಗಿರುವ 10 ಪ್ರತಿಶತದಿಂದ 14 ಪ್ರತಿಶತಕ್ಕೆ ಹೆಚ್ಚಿಸಲು ಸರ್ಕಾರವು ಬ್ಯಾಂಕುಗಳನ್ನು ಕೇಳಿದೆ.

ಕೇಂದ್ರ ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ ಬುಧವಾರ ಸಾರ್ವಜನಿಕ ವಲಯದ ಬ್ಯಾಂಕುಗಳ ಕಾರ್ಯಕ್ಷಮತೆಯನ್ನು ಪರಿಶೀಲಿಸಿದರು. ಹಲವಾರು ಸಾರ್ವಜನಿಕ ವಲಯದ ಬ್ಯಾಂಕುಗಳ ವ್ಯವಸ್ಥಾಪಕ ನಿರ್ದೇಶಕರು ಮತ್ತು ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿಗಳನ್ನು ಭೇಟಿಯಾಗಿ ಉದ್ಯಮವು ಬೇಡಿಕೆ ಸೃಷ್ಟಿಸಲು ಮತ್ತು ಬಳಕೆಯನ್ನು ಹೆಚ್ಚಿಸಲು ಮಾಡಿದ ಪ್ರಗತಿಯನ್ನು ಚರ್ಚಿಸಿದ್ದಾರೆ.

''ಸಾಲದ ಬೇಡಿಕೆಯನ್ನು ಹೆಚ್ಚಿಸುವ ನಿಟ್ಟಿನಲ್ಲಿ, ಬ್ಯಾಂಕುಗಳು ದೇಶದ ಪ್ರತಿಯೊಂದು ಜಿಲ್ಲೆಯಲ್ಲೂ ಸಾಲದ ಕೊಡುಗೆಗಳನ್ನು ಪ್ರದರ್ಶಿಸಲಿವೆ ಎಂದು ಸೀತಾರಾಮನ್ ಹೇಳಿದರು. ಬ್ಯಾಂಕುಗಳು ಸ್ವತಃ ವಿವಿಧ ಮಾರ್ಗಗಳ ಮೂಲಕ ಹಣವನ್ನು ಸಂಗ್ರಹಿಸುತ್ತಿವೆ. ಅಗತ್ಯವಿರುವಲ್ಲಿ ಕ್ರೆಡಿಟ್ ಅನ್ನು ಗುರಿಯಾಗಿಸಲು ಈ ಹೊಸ ಅಂಶಗಳನ್ನು ಅಧ್ಯಯನ ಮಾಡಬೇಕಾಗಿದೆ "ಎಂದು ಅವರು ಹೇಳಿದರು.

ಈ ತಿಂಗಳ ಆರಂಭದಲ್ಲಿ, ಬ್ಯಾಂಕ್ ಉದ್ಯೋಗಿಗಳು ಮತ್ತು ಪಿಂಚಣಿದಾರರಿಗೆ ಭತ್ಯೆ (ಡಿಎ) ಹೆಚ್ಚಾಗಿದೆ. ಹೊಸ ಡಿಎ ದರವು ಆಗಸ್ಟ್‌ನಿಂದ ಅನ್ವಯವಾಗುತ್ತದೆ ಮತ್ತು ಇದು ಆಗಸ್ಟ್‌ನಿಂದ ಅಕ್ಟೋಬರ್‌ವರೆಗೆ ಅನ್ವಯವಾಗುತ್ತದೆ. ಕಳೆದ ತ್ರೈಮಾಸಿಕದಲ್ಲಿ ಶೇ. 2.1 ರಷ್ಟು ಏರಿಕೆಯೊಂದಿಗೆ ಬ್ಯಾಂಕ್ ಉದ್ಯೋಗಿಗಳ ಡಿಯರ್ನೆಸ್ ಭತ್ಯೆಯನ್ನು (ಡಿಎ) ಶೇ. 27.79 ಕ್ಕೆ ಹೆಚ್ಚಿಸಲಾಗಿದೆ. ಕಳೆದ ತ್ರೈಮಾಸಿಕಕ್ಕೆ ಹೋಲಿಸಿದರೆ 10 ನೇ ಬಿಪಿಎಸ್‌ಗಾಗಿ ಬ್ಯಾಂಕ್ ಉದ್ಯೋಗಿಗಳು ಮತ್ತು ಕೆಲಸಗಾರರಿಗೆ ಡಿಎಯನ್ನು ಶೇಕಡಾ 3 ರಷ್ಟು ಹೆಚ್ಚಿಸಲಾಗಿದೆ.

ಆಗಸ್ಟ್‌ನಿಂದ ಆರಂಭವಾಗುವ ಮುಂದಿನ ಮೂರು ತಿಂಗಳಲ್ಲಿ ಡಿಎ ಹೆಚ್ಚಳವಾಗಲಿದೆ. ಈ ನಿರ್ಧಾರದಿಂದ 8 ಲಕ್ಷಕ್ಕೂ ಅಧಿಕ ಉದ್ಯೋಗಿಗಳಿಗೆ ಲಾಭವಾಗಲಿದೆ. ಡಿಎ ಹೆಚ್ಚಳವು ಪ್ರತಿ ತಿಂಗಳು ಬ್ಯಾಂಕ್ ಉದ್ಯೋಗಿಗಳಿಂದ ಪಡೆಯಲಾಗುವ ನಿವ್ವಳ ವೇತನವನ್ನು ಹೆಚ್ಚಿಸುತ್ತದೆ ಏಕೆಂದರೆ ಇದು ನೇರವಾಗಿ ಮೂಲ ವೇತನಕ್ಕೆ ಸಂಬಂಧಿಸಿದೆ.