ಬೀದಿ ನಾಯಿಗಳಿಗೆ 'ಚಿಕನ್ ರೈಸ್' ಬಿರಿಯಾನಿ ಇಲ್ಲ .! ಬಿಬಿಎಂಪಿ ಕೊಟ್ಟ ಸ್ಪಷ್ಟನೆ ಏನು?

ಬೃಹತ್ ಬೆಂಗಳೂರು ಮಹಾನಗರ ಪಾಲಿಕೆ (ಬಿಬಿಎಂಪಿ) ಮೊದಲ ಬಾರಿಗೆ ನಾಯಿಗಳಿಗೆ ಆಹಾರ ನೀಡುವ ಮಹತ್ವದ ಯೋಜನೆಯನ್ನು ಜಾರಿಗೆ ತಂದಿದೆ.ಈ ಯೋಜನೆಯು ಬೆಂಗಳೂರು ನಗರದಾದ್ಯಂತ ಸುಮಾರು 5,000 ಬೀದಿ ನಾಯಿಗಳಿಗೆ ಪ್ರತಿದಿನ 'ಚಿಕನ್ ರೈಸ್' ವಿತರಿಸಲಾಗುತ್ತದೆ ಎಂದು ಹೇಳಿಕೊಂಡಿತ್ತು. ಆದರೆ ಚಿಕನ್‌ ರೈಸ್‌ ನೀಡುವ ಬಿಬಿಎಂಪಿ ನಿರ್ಧಾರ ಟೀಕೆ ಸಹ ಗುರಿಯಾಗಿದ್ದು, ಸಾಮಾಜಿಕ ಜಾಲತಾಣದಲ್ಲಿ ಟ್ರೋಲ್‌ ಆಗಿ ಚರ್ಚೆಗಳು ಸಹ ನೆಎಯುತ್ತಿದೆ. ಇದರಿಂದ ಬೆಂಗಳೂರು ಮಹಾನಗರ ಪಾಲಿಕೆ ತನ್ನ ನಿರ್ಧಾರದ ಬಗ್ಗೆ ಸ್ಪಷ್ಟೀಕರಣ ನೀಡಿದೆ.

ಹೌದು, ಬೀದಿ ನಾಯಿಗಳಿಗೆ ನೀಡುವ ಕೋಳಿ ಊಟ ಯೋಜನೆಯಲ್ಲಿ ಬಿರಿಯಾನಿ ಸೇರಿಲ್ಲ ಎಂದು ಮಾಹಿತಿಯನ್ನು ಸ್ಪಷ್ಟಪಡಿಸಿದೆ.

ಬೆಂಗಳೂರು ನಗರದ ವ್ಯಾಪ್ತಿಯಲ್ಲಿ ಸುಮಾರು ಅಂದಾಜು 2.7 ಲಕ್ಷ ಬೀದಿ ಪ್ರಾಣಿಗಳಲ್ಲಿ 4,000 ನಾಯಿಗಳಿಗೆ ಕೋಳಿ ಅನ್ನವನ್ನು ಆಹಾರಕ್ಕಾಗಿ ನೀಡಲು ವಾರ್ಷಿಕವಾಗಿ 2.88 ಕೋಟಿ ರೂ.ಗಳನ್ನು ಖರ್ಚು ಮಾಡಲು ಬಿಬಿಎಂಪಿ ಯೋಜಿಸಿದೆ. ನಾಯಿಗಳನ್ನು ಹಿಡಿಯುವಲ್ಲಿ ಅಥವಾ ಅವುಗಳ ಸಂತತಿಯನ್ನು ಕಡಿಮೆ ಮಾಡುವಲ್ಲಿ ಸವಾಲುಗಳನ್ನು ಎದುರಿಸುತ್ತಿರುವ ವಾರ್ಡ್‌ಗಳಲ್ಲಿ ಗೊತ್ತುಪಡಿಸಿದ ಸ್ಥಳಗಳಲ್ಲಿ ಆಹಾರವನ್ನು ಒದಗಿಸಲಾಗುವುದು ಎಂದು ಬಿಬಿಎಂಪಿ ಈ ಹಿಂದೆ ಮಾಹಿತಿಯನ್ನು ತಿಳಿಸಿತ್ತು.

ಬಿಬಿಎಂಪಿ ವಿಶೇಷ ಆಯುಕ್ತ (ಪಶುಸಂಗೋಪನೆ) ಸುರಲ್ಕರ್ ವಿಕಾಸ್ ಕಿಶೋರ್ ಅವರ ಮಾಹಿತಿಯ ಪ್ರಕಾರ ಪ್ರತಿ ವಲಯದಲ್ಲಿ 100 ಆಹಾರ ಕೇಂದ್ರಗಳು 500 ನಾಯಿಗಳಿಗೆ 365 ದಿನಗಳವರೆಗೆ ಪ್ರತಿದಿನ ಆಹಾರವನ್ನು ಒದಗಿಸಲಾಗುತ್ತದೆ. ಪ್ರತಿ ನಿತ್ಯ ಒಂದು ಬೀದಿ ನಾಯಿಗೆ 19 ರೂ ಖರ್ಚು ಆಗುತ್ತದೆ. ಹಾಗೇ ಇದರಲ್ಲಿ ದಿನ ನಿತ್ಯದ ಸಾರಿಗೆ, ಆಹಾರ ಪೂರೈಕೆ ಮತ್ತು ಸ್ಥಳ ನೈರ್ಮಲ್ಯಕ್ಕಾಗಿ 8 ರೂಪಾಯಿಗಳು ಮತ್ತು ಆಹಾರಕ್ಕಾಗಿ 11 ರೂಪಾಯಿ ಆಗಿರುತ್ತದೆ.ಈ ಕಾರ್ಯಕ್ರಮವು ಭಯಭೀತ ಅಥವಾ ಆಕ್ರಮಣಕಾರಿ ನಾಯಿಗಳನ್ನು ಸೆರೆಹಿಡಿಯಲು ಹೇಗೆ ಸಹಾಯ ಮಾಡುತ್ತದೆ ಕಿಶೋರ್ ಹೇಳಿದ್ದಾರೆ.

ಆಹಾರದ ಕೊರತೆಯು ನಾಯಿಗಳನ್ನು ಹಿಂಡುಗಳಾಗಿ ರೂಪಿಸಲು ಪ್ರೇರೇಪಿಸುತ್ತದೆ, ಇದರಿಂದಾಗಿ ನಾಯಿ ಕಚ್ಚುವಿಕೆಯ ಘಟನೆಗಳು ಹೆಚ್ಚಾಗುತ್ತವೆ ಎಂದು ಹೇಳಿದ್ದಾರೆ. ನಾಯಿಗಳ ಸಂಖ್ಯೆಯನ್ನು ನಿಯಂತ್ರಿಸಲು ಈ ಉಪಕ್ರಮವನ್ನು ಜಾರಿಗೆ ತರಲಾಗುತ್ತಿದ್ದು, 2023 ರ ಪ್ರಾಣಿ ಜನನ ನಿಯಂತ್ರಣ ನಿಯಮಗಳ ಅಡಿಯಲ್ಲಿ ಇದು ಕಾನೂನುಬದ್ಧ ಅವಶ್ಯಕತೆ ಇದೆ ಎಂದು ಹೇಳಿದ್ದಾರೆ.
ಬಿಬಿಎಂಪಿ ಹೊರಡಿಸಿರುವ ಟೆಂಡರ್ ಪ್ರಕಾರ, ಪಶುಸಂಗೋಪನಾ ಇಲಾಖೆಯು ಬಿಬಿಎಂಪಿಯ ಎಂಟು ವಲಯಗಳಾದ ಪೂರ್ವ, ಪಶ್ಚಿಮ, ದಕ್ಷಿಣ, ಆರ್‌.ಆರ್ ನಗರ, ದಾಸರಹಳ್ಳಿ, ಬೊಮ್ಮನಹಳ್ಳಿ, ಯಲಹಂಕ ಮತ್ತು ಮಹದೇವಪುರಗಳಲ್ಲಿ ಪ್ರತಿ ವಲಯಕ್ಕೆ 500 ನಾಯಿಗಳಿಗೆ ಪ್ರತಿದಿನ ಆಹಾರ ಸೇವೆಗಳನ್ನು ಒದಗಿಸಲು ನೋಂದಾಯಿತ ಸೇವಾ ಪೂರೈಕೆದಾರರಿಂದ ಪ್ರಸ್ತಾವನೆಗಳನ್ನು ಆಹ್ವಾನಿಸಿದೆ.

ಆಯ್ಕೆಯಾದ ಮೊದಲ ಹಂತದ ಮಾರಾಟಗಾರು ದಿನಕ್ಕೆ ಸುಮಾರು 4,000 ನಾಯಿಗಳಿಗೆ ಮಾತ್ರ ಆಹಾರ ನೀಡಲಾಗುತ್ತದೆ.ಆದರೆ, ವಲಯಗಳಲ್ಲಿ ಒಟ್ಟು ಅಂದಾಜು ಸಂಖ್ಯೆ 5,000 ಆಗಿದೆ. ಭಾರತೀಯ ಆಹಾರ ಸುರಕ್ಷತೆ ಮತ್ತು ಮಾನದಂಡಗಳ ಪ್ರಾಧಿಕಾರ (FSSAI) ದಿಂದ ನೋಂದಾಯಿಸಲ್ಪಟ್ಟ ಆಹಾರ ಸೇವಾ ಪೂರೈಕೆದಾರರು ಮಾತ್ರ ಬೀದಿ ನಾಯಿ ಆಹಾರ ಕಾರ್ಯಕ್ರಮದಲ್ಲಿ ಭಾಗವಹಿಸಲು ಅರ್ಹತೆಯನ್ನು ಪಡೆದುಕೊಳ್ಳತ್ತಾರೆ. ಇವರು ಆಹಾರ ಪೂರೈಕೆಗೆ ಒಪ್ಪಿಕೊಂಡ ಒಪ್ಪಂದ ಒಂದು ವರ್ಷದವರೆಗೆ ಮಾತ್ರ ಚಾಲ್ತಿಯಲ್ಲಿ ಇರುತ್ತದೆ.

ಮಾರಾಟಗಾರು ಇನ್ನೂ ಮುಂದವರೆಸಬೇಕೆದುಕೊಂಡರೆ ಬಿಬಿಎಂಪಿ ಮುಖ್ಯ ಆಯುಕ್ತರ ಅನುಮೋದನೆಗೆ ಅನುಗುಣವಾಗಿ ಒಂದು ವರ್ಷದವರೆಗೆ ವಿಸ್ತರಿಸುವ ಸಾಧ್ಯತೆಯಿದೆ. ಬೀದಿ ನಾಯಿ ಆಹಾರ ಪೂರೈಕೆ ಕಾರ್ಯಕ್ರಮದಲ್ಲಿ ಆಯ್ಕೆ ಪ್ರಕ್ರಿಯೆಯು ಕಡಿಮೆ ವೆಚ್ಚದ ಆಯ್ಕೆ (LCS) ವಿಧಾನವನ್ನು ಆಯ್ಕೆ ಮಾಡಿಕೊಡಲಾಗುತ್ತದೆ.ಈ ಪ್ರಕ್ರಿಯೆಯು ಸಂಪೂರ್ಣವಾಗಿ ಕರ್ನಾಟಕ ಸಾರ್ವಜನಿಕ ಸಂಗ್ರಹಣೆ ಪೋರ್ಟಲ್ (https://kppp.karnataka.gov.in) ಮೂಲಕ ನಡೆಯುತ್ತದೆ.