Namma Metro: ಬಂತು ಸಿಹಿಸುದ್ದಿ! ರೋಲಿಂಗ್ ಸ್ಟಾಕ್‌ಗೆ ಅನುಮೋದನೆ.. ಈ ತಿಂಗಳು ಮೆಟ್ರೋ ಹಳದಿ ಮಾರ್ಗ ಸೇವೆ ಆರಂಭ

ಸಿಹಿಸುದ್ದಿ... ಬಹುನಿರೀಕ್ಷಿತ ಚಾಲಕ ರಹಿತ ಹಳದಿ ಮಾರ್ಗದ ಮೆಟ್ರೋ ಪೂರ್ಣಗೊಳ್ಳುವ ಹಂತಕ್ಕೆ ಬಂದಿದೆ.ಇದೀಗ ಮೆಟ್ರೋ ರೈಲು ನಿಗಮ ಲಿಮಿಟೆಡ್ (ಬಿಎಂಆರ್‌ಸಿಎಲ್) ತನ್ನ ರೋಲಿಂಗ್ ಸ್ಟಾಕ್‌ಗೆ ರೈಲ್ವೆ ಮಂಡಳಿಯಿಂದ ಅನುಮೋದನೆಯನ್ನು ಪಡೆದುಕೊಂಡಿದೆ. ಆರ್‌ವಿ ರಸ್ತೆಯನ್ನು ಬೊಮ್ಮಸಂದ್ರಕ್ಕೆ ಸಂಪರ್ಕಿಸುವ 19.15-ಕಿಮೀ ಕಾರಿಡಾರ್‌ಗೆ ಇದು ಮಹತ್ವದ ಹೆಜ್ಜೆಯಾಗಿದೆ. ಈ ಮಾರ್ಗವು ಬೆಂಗಳೂರಿನ ಐಟಿ ಕೇಂದ್ರವಾದ ಎಲೆಕ್ಟ್ರಾನಿಕ್ ಸಿಟಿಗೆ ಸಂಪರ್ಕವನ್ನು ಹೆಚ್ಚಿಸುವ ನಿರೀಕ್ಷೆಯಿದೆ, ಜೂನ್‌ ತಿಂಗಳಲ್ಲಿ ಮೆಟ್ರೋ ರೈಲುಗಳು ಓಡಾಟ ನಡೆಸುತ್ತಿವೆ.

ಹಳದಿ ಮಾರ್ಗದಲ್ಲಿ ಮಾರ್ಚ್ 7, 2024 ರಂದು ಪ್ರಾಯೋಗಿಕ ಸಂಚಾರ ಪ್ರಾರಂಭವಾಯಿತು, ಲಭ್ಯವಿರುವ ಎರಡು ರೈಲು ಸೆಟ್‌ಗಳನ್ನು ಬಳಸಲಾಗಿದೆ. ಬಿಎಂಆರ್‌ಸಿಎಲ್ ಈಗ ಅಂತಿಮ ಹಂತದಲ್ಲಿದೆ, ನಿಯಂತ್ರಕ ಪರಿಶೀಲನೆಗಳಿಗಾಗಿ ಕಾಯುತ್ತಿದೆ ಮತ್ತು ಹಂತ ಹಂತದ ಕಾರ್ಯಾಚರಣೆಗಳಿಗೆ ಸಿದ್ಧತೆ ನಡೆಸುತ್ತಿದೆ. ಒಮ್ಮೆ ಕಾರ್ಯರೂಪಕ್ಕೆ ಬಂದರೆ, ಈ ಮಾರ್ಗವು ದಕ್ಷಿಣ ಬೆಂಗಳೂರಿನಲ್ಲಿ ಸಂಪರ್ಕವನ್ನು ಕಲ್ಪಿಸುತ್ತದೆ ಇದರಿಂದ ಇಲ್ಲಿನ ಸಂಚಾಋ ದಟ್ಟಣೆ ಕಡಿಮೆಯಾಗುತ್ತದೆ. ಇದು ಎಲೆಕ್ಟ್ರಾನಿಕ್ ಸಿಟಿ, ಬೊಮ್ಮಸಂದ್ರ ಮತ್ತು ಎಚ್‌ಎಸ್‌ಆರ್ ಲೇಔಟ್‌ನ ಪ್ರಯಾಣಿಕರಿಗೆ ಈ ಸೇವೆ ಆರಂಭವಾದ್ದರೆ ಹೆಚ್ಚಿನ ಅನುಕೂಲವಾಗುತ್ತದೆ.

ನಿಯಂತ್ರಕ ಪರಿಶೀಲನೆಗಳು

ಶೀಘ್ರದಲ್ಲೇ ಸಿಗ್ನಲಿಂಗ್ ಪರಿಶೀಲನೆಗಾಗಿ ಕಳುಹಿಸಲಾಗುವುದು ಎಂದು ಹಿರಿಯ ಅಧಿಕಾರಿಯೊಬ್ಬರು ಮಾಹಿತಿಯನ್ನು ತಿಳಿಸಿದ್ದಾರೆ. ಯಾವುದೇ ಮೆಟ್ರೋ ಕಾರಿಡಾರ್ ಸಾರ್ವಜನಿಕರಿಗೆ ತೆರೆಯುವ ಮೊದಲು ಈ ಪರಿಶೀಲನೆ ಅತ್ಯಗತ್ಯ ಮತ್ತು ಹಳಿಗಳು, ನಿಲ್ದಾಣಗಳು, ಅಗ್ನಿ ಸುರಕ್ಷತಾ ಕ್ರಮಗಳು, ರೈಲು ಸೆಟ್‌ಗಳು ಮತ್ತು ಪ್ರವೇಶ/ನಿರ್ಗಮನ ಬಿಂದುಗಳಂತಹ ನಿರ್ಣಾಯಕ ವ್ಯವಸ್ಥೆಗಳನ್ನು ನಿರ್ಣಯಿಸುತ್ತದೆ.

CMRS ಪರಿಶೀಲನೆಯ ನಂತರ,ಬಿಎಂಆರ್ ಸಿಎಲ್ ಎರಡು ವಾರಗಳಲ್ಲಿ ಯಾವುದೇ ಅಗತ್ಯ ಮಾರ್ಪಾಡುಗಳನ್ನು ಜಾರಿಗೆ ತರಲು ಯೋಜಿಸಿದೆ.ಇದು ಆರಂಭದಲ್ಲಿ ಐದು ಪ್ರಮುಖ ನಿಲ್ದಾಣಗಳ ನಡುವೆ ಜೂನ್ ಮಧ್ಯದಿಂದ ಕೊನೆಯವರೆಗೆ ಸೇವೆಗಳನ್ನು ಪ್ರಾರಂಭಿಸಲಾಗಿದೆ.ಎಲ್ಲಾ ಅಂತಿಮ ಅನುಮೋದನೆಗಳು ಸಿಕ್ಕ ನಂತರ ಪೂರ್ಣ ಪ್ರಮಾಣದ ಕಾರ್ಯಾಚರಣೆಗಳು ಪ್ರಾರಂಭವಾಗುತ್ತವೆ.

ರೈಲು ಸೆಟ್ ವಿತರಣೆಗಳಲ್ಲಿನ ಸವಾಲುಗಳು

ಹಳದಿ ಮಾರ್ಗದ ಭೌತಿಕ ಮೂಲಸೌಕರ್ಯವು ತಿಂಗಳುಗಳ ಹಿಂದೆ ಪೂರ್ಣಗೊಂಡಿತು ಆದರೆ ರೈಲು ಸೆಟ್ ವಿತರಣೆಯಲ್ಲಿನ ವಿಳಂಬವು ಪ್ರಗತಿಗೆ ಅಡ್ಡಿಯಾಗುತ್ತದೆ.ಪ್ರಸ್ತುತ, ಎರಡು ರೈಲು ಸೆಟ್‌ಗಳು ಸಿದ್ಧವಾಗಿವಾಗಿದೆ. ಮೂರನೇ ಒಂದು ರೈಲು ಶೀಘ್ರದಲ್ಲೇ ಬರಲಿದೆ ಎಂದು ನಿರೀಕ್ಷಿಸಲಾಗಿದೆ.ಈ ವಿಳಂಬಗಳು ಚಾಲಕರಹಿತ ಕೋಚ್‌ಗಳ ಸಮಸ್ಯೆಗಳಿಂದಾಗಿ ಸಂಭವಿಸಿದೆ.

Take a Poll

2019 ರಲ್ಲಿ, ಚೀನಾದ ಸಿಆರ್‌ಆರ್‌ಸಿ ಕಾರ್ಪೊರೇಷನ್ 216 ಮೆಟ್ರೋ ಬೋಗಿಗಳನ್ನು ಪೂರೈಸಲು 1,578 ಕೋಟಿ ರೂ.ಗಳ ಒಪ್ಪಂದವನ್ನು ಮಾಡಿಕೊಮಡಿತ್ತು. ಆದರೆ ಅಗತ್ಯವಿರುವಂತೆ ಭಾರತದಲ್ಲಿ ಉತ್ಪಾದನೆಯನ್ನು ಸ್ಥಾಪಿಸುವಲ್ಲಿ ವಿಫಲವಾಯಿತು. ಇದು ಗಮನಾರ್ಹ ವಿತರಣಾ ವಿಳಂಬಕ್ಕೆ ಕಾರಣವಾಯಿತು ಮತ್ತು ಬಿಎಂಆರ್‌ಸಿಎಲ್ 372 ಕೋಟಿ ರೂ.ಗಳ ಬ್ಯಾಂಕ್ ಗ್ಯಾರಂಟಿಯನ್ನು ಆಹ್ವಾನಿಸುವುದನ್ನು ಪರಿಗಣಿಸಲು ಒತ್ತಾಯಿಸಲಾಗಿತ್ತು.

ಈ ಸವಾಲುಗಳನ್ನು ಎದುರಿಸಲು, CRRC ಕೋಲ್ಕತ್ತಾದ ತಿತಾಘರ್ ರೈಲು ವ್ಯವಸ್ಥೆಗಳೊಂದಿಗೆ ಪಾಲುದಾರಿಕೆ ಮಾಡಿಕೊಂಡಿತು. ಈ ಸಹಯೋಗವು ಸ್ಥಗಿತಗೊಂಡ ವಿತರಣೆಗಳನ್ನು ಪುನರಾರಂಭಿಸಿದರೂ, ಪ್ರಗತಿ ನಿಧಾನವಾಗಿತ್ತು. ಈ ಹಿನ್ನಡೆಗಳ ಹೊರತಾಗಿಯೂ, ಬಿಎಂಆರ್ ಸಿಎಲ್ ಶೀಘ್ರದಲ್ಲೇ ಭಾಗಶಃ ಕಾರ್ಯಾಚರಣೆಗಳನ್ನು ಪ್ರಾರಂಭಿಸುವ ಬಗ್ಗೆ ಈಗಾಗಲೇ ಹೇಳಿದೆ.

ಹಳದಿ ಮಾರ್ಗಗಳು

ಹಳದಿ ಮಾರ್ಗವು ಆರ್‌ವಿ ರಸ್ತೆಯಿಂದ, ಬೊಮ್ಮಸಂದ್ರದವರೆಗೆ 19.15 ಕಿ.ಮೀ. ಉದ್ದವಿದ್ದು, ಎಲೆಕ್ಟ್ರಾನಿಕ್ಸ್ ಸಿಟಿಯಂತಹ ಪ್ರಮುಖ ಪ್ರದೇಶಗಳನ್ನು ಒಳಗೊಂಡಿದೆ. ಇದು 16 ನಿಲ್ದಾಣಗಳನ್ನು ಹೊಂದಿದ್ದು, ಆರ್‌ವಿ ರಸ್ತೆ ನಿಲ್ದಾಣದಲ್ಲಿ ಹಸಿರು ಮಾರ್ಗ ಮತ್ತು ಜಯದೇವ ಆಸ್ಪತ್ರೆ ನಿಲ್ದಾಣದಲ್ಲಿ ಪಿಂಕ್ ಮಾರ್ಗವನ್ನು ಸಂಪರ್ಕಿಸುತ್ತದೆ. ಈ ಕಾರಿಡಾರ್ ದಕ್ಷಿಣ ಬೆಂಗಳೂರಿನ ನಿವಾಸಿಗಳು ಮತ್ತು ಇನ್ಫೋಸಿಸ್ ಮತ್ತು ಬಯೋಕಾನ್‌ನಂತಹ ಪ್ರಮುಖ ಕಾರ್ಪೊರೇಟ್ ಕೇಂದ್ರಗಳಿಗೆ ಸಂಪರ್ಕವನ್ನು ತಲುಪುವ ಗುರಿಯನ್ನು ಹೊಂದಿದೆ.

ರಾಷ್ಟ್ರೀಯ ವಿದ್ಯಾಲಯ ರಸ್ತೆ, ರಾಗಿಗುಡ್ಡ, ಜಯದೇವ ಆಸ್ಪತ್ರೆ, ಬಿಟಿಎಂ ಲೇಔಟ್, ಕೇಂದ್ರ ರೇಷ್ಮೆ ಮಂಡಳಿ, ಬೊಮ್ಮನಹಳ್ಳಿ, ಹೊಂಗಸಂದ್ರ, ಕುಡ್ಲು ಗೇಟ್, ಸಿಂಗಸಂದ್ರ, ಹೊಸ ರಸ್ತೆ, ಬೆರತೇನ ಅಗ್ರಹಾರ, ಕೋನಪ್ಪನ ಅಗ್ರಹಾರ, ಎಲೆಕ್ಟ್ರಾನಿಕ್ ಸಿಟಿ, ಹುಸ್ಕೂರು ರಸ್ತೆ, ಹೆಬ್ಬಗೋಡಿ, ಬೊಮ್ಮಸಂದ್ರದಲ್ಲಿ ಹಳದಿ ಮಾರ್ಗದ ನಿಲ್ದಾಣಗಳು ಇವೆ.

ಇದುವರೆಗೂ ಬೆಂಗಳೂರಿನಲ್ಲಿ ನೇರಳೆ ಮತ್ತು ಹಸಿರು ಮಾರ್ಗಗಳಲ್ಲಿ ಮಾತ್ರ ಮೆಟ್ರೋ ರೈಲು ಸಂಚಾರ ಮಾಡುತ್ತಿದೆ. ಇದೀಗ ಹಳದಿ ಮೆಟ್ರೋ ರೈಲು ತನ್ನ ವಾಣಿಜ್ಯ ಸೇವೆಯನ್ನು ಆರಂಭಿಸಲು ಮುಂದಾಗಿದೆ ಇದರಿಂದ ಸಂಚಾರ ದಟ್ಟಣೆ ಕಡಿಮೆಯಾಗುವುದರ ಜೊತೆಗೆ ಹೆಚ್ಚಿನ ಜನರಿಗೆ ಅನುಕೂಲವಾಗುತ್ತದೆ.