ಬೆಂಗಳೂರಿಗರು ಖುಷಿ ಪಡುವ ಸುದ್ದಿ! ನಮ್ಮ ಮೆಟ್ರೋ 'ಪಿಂಕ್ ಲೈನ್' ಯಾವಾಗ ಪೂರ್ಣ.. ಎಲ್ಲೆಲ್ಲಿ ನಿಲ್ದಾಣ.. ಇಲ್ಲಿದೆ ಡೀಟೇಲ್ಸ್

'ನಮ್ಮ ಮೆಟ್ರೋ' ಬೆಂಗಳೂರಿಗರ ಜೀವನಾಡಿ ಎಂದರೆ ತಪ್ಪೇನಿಲ್ಲ. ನಿತ್ಯ ಅನೇಕ ಜನರು ನಮ್ಮ ಮೆಟ್ರೋ ಮೇಲೆ ಅವಲಂಭಿತರಾಗಿದ್ದಾರೆ. ಅವರೆಲ್ಲರೂ ಖುಷಿ ಪಡುವ ಸುದ್ದಿ ಇಲ್ಲಿದೆ. ಹೌದು, ನಮ್ಮ ಮೆಟ್ರೋ 'ಪಿಂಕ್ ಲೈನ್' ಪೂರ್ಣಗೊಳ್ಳುವ ಸಮಯ, ನಿಲ್ದಾಣಗಳು ಮತ್ತು ಇತರೆ ವಿಷಯಗಳ ಬಗ್ಗೆ ಮಾಹಿತಿ ಲಭ್ಯವಾಗಿದೆ. ಎಲ್ಲಾ ಅಂದುಕೊಂಡಂತೆ ಆದರೆ ಶೀಘ್ರದಲ್ಲೇ ನೀವು 'ಪಿಂಕ್ ಲೈನ್' ಮೂಲಕ ಪ್ರಯಾಣ ಮಾಡಬಹುದು. ಈ ಕುರಿತ ಸಂಪೂರ್ಣ ಮಾಹಿತಿ ಇಲ್ಲಿದೆ.

ಹೌದು,ಮೆಟ್ರೋ ಜಾಲದ ಮತ್ತೊಂದು ದೊಡ್ಡ ವಿಸ್ತರಣೆ ಜಾಲ 21.25 ಕಿ.ಮೀ ಉದ್ದದ ನಮ್ಮ ಮೆಟ್ರೋ ಗುಲಾಬಿ ಮಾರ್ಗ ಬೆಂಗಳೂರು ಮೆಟ್ರೋದ 2ನೇ ಹಂತದ ವಿಸ್ತರಣೆಯ ಭಾಗವಾಗಿ ಬೆಂಗಳೂರು ಮೆಟ್ರೋ ರೈಲು ನಿಗಮ ಲಿಮಿಟೆಡ್ (ಬಿಎಂಆರ್‌ಸಿಎಲ್) ಕೈಗೊಂಡ ಅತ್ಯಂತ ಮಹತ್ವಾಕಾಂಕ್ಷೆಯ ಯೋಜನೆ ಒಂದಾಗಿದೆ.

ಸಂಚಾರ ದಟ್ಟಣೆಯನ್ನು ಕಡಿಮೆ ಮಾಡಲು ನಮ್ಮ ಮೆಟ್ರೋ ಗುಲಾಬಿ ಮಾರ್ಗದಲ್ಲಿ ವಿಸ್ತರಣೆ ಮಾಡಲು ಸಿದ್ದತೆಗಳನ್ನು ಮಾಡಿಕೊಳ್ಳಲಾಗುತ್ತದೆ. ಗುಲಾಬಿ ಮಾರ್ಗ ಪೂರ್ಣಗೊಳ್ಳುವ ಸಮಯ, ನಿಲ್ದಾಣಗಳು ಎಲ್ಲಿ ಎಂದು ಬಿಎಂಆರ್ ಸಿಎಲ್ ಮಾಗಿತಿಯನ್ನು ತಿಳಿಸಿದೆ.

ಈ ಯೋಜನೆ ಒಮ್ಮೆ ಕಾರ್ಯರೂಪಕ್ಕೆ ಬಂದ ನಂತರ, ಬಣ್ಣದ ಮಾರ್ಗದಲ್ಲಿ ದೈನಂದಿನ ಸಂಚಾರ ದಟ್ಟಣೆಯನ್ನು ಕಡಿಮೆ ಮಾಡುವ ಮೂಲಕ ಪ್ರಯಾಣಿಕರಿಗೆ ಹಚ್ಚಿನ ಲಾಭವನ್ನು ನಿರೀಕ್ಷೆ ಇದ ಎಂದು ಹೇಳಿದ್ದಾರೆ. ದಟ್ಟಣೆಯನ್ನು ಕಡಿಮೆ ಮಾಡುವ ಮೂಲಕ ಪ್ರಯಾಣಿಕರಿಗೆ ಹೆಚ್ಚಿನ ಪರಿಹಾರವನ್ನು ಒದಗಿಸಲಾಗುತ್ತದೆ.
ೆ
ಈಗಾಗಲೇ ಬಿಎಂಆರ್‌ಸಿಎಲ್ ಗುಲಾಬಿ ಮಾರ್ಗದಲ್ಲಿ ಉದ್ಘಾಟನೆಯ ಸಮಯವನ್ನು ಪರಿಷ್ಕರಣೆಯನ್ನು ಮಾಡುತ್ತದೆ. ಮೊದಲ ಹಂತವನ್ನು ಡಿಸೆಂಬರ್ 2025 ಕ್ಕೆ ಮತ್ತು ಎರಡನೇ ಹಂತವನ್ನು ಡಿಸೆಂಬರ್ 2026 ಕ್ಕೆ ನಿಗದಿಯನ್ನು ಮಾಡಲಾಗಿದೆ.

ಗುಲಾಬಿ ಮಾರ್ಗದಲ್ಲಿ ಯಾವೆಲ್ಲಾ ನಿಲ್ದಾಣಗಳು ಇವೆ?

ಕಲೇನ ಅಗ್ರಹಾರ (ಗೊಟ್ಟಿಗೆರೆ) ಮತ್ತು ನಾಗವಾರ ನಡುವಿನ 21.26 ಕಿ.ಮೀ. ಉದ್ದದ ಈ ಮಾರ್ಗವು ಡಿಸೆಂಬರ್ 2025 ರ ವೇಳೆಗೆ ಪ್ರಾರಂಭವಾಗಲಿದೆ. ನಿರ್ಮಾಣ ಕಾರ್ಯವು ಸ್ಥಿರವಾಗಿ ಪ್ರಗತಿಯಲ್ಲಿದೆ. ವಿಶೇಷವಾಗಿ ಕಲೇನ ಅಗ್ರಹಾರ ಮತ್ತು ತಾವರೆಕೆರೆ ನಡುವೆ, ಇದರಲ್ಲಿ ಆರು ನಿಲ್ದಾಣಗಳಿವೆ ಅವುಗಳೆಂದರೆ, ತಾವರೆಕೆರೆ, ಜಯದೇವ ಇಂಟರ್‌ಚೇಂಜ್, ಜೆ.ಪಿ. ನಗರ IV ಹಂತ, ಐಐಎಂಬಿ, ಹುಳಿಮಾವು ಮತ್ತು ಕಾಳೇನ ಅಗ್ರಹಾರಗಳು ಸೇರಿಕೊಂಡಿವೆ.

ಗುಲಾಬಿ ಮಾರ್ಗದಲ್ಲಿ ಈ ಕೆಳಗಿನ ಮಾರ್ಗದ ನಿಲ್ದಾಣಗಳನ್ನು ಒಳಗೊಂಡಿದೆ
ಕಲೇನಾ ಅಗ್ರಹಾರದಿಂದ ಎಲಿವೇಟೆಡ್‌ರವರೆಗೆ ಇರುತ್ತದೆ.
ಹುಲಿಮಾವು - ಎಲಿವೇಟೆಡ್
IIMB - ಎಲಿವೇಟೆಡ್
ಜೆಪಿ ನಗರ 4 ನೇ ಹಂತ - ಎಲಿವೇಟೆಡ್
ಜಯದೇವ ಆಸ್ಪತ್ರೆ - ಎಲಿವೇಟೆಡ್
ತಾವರೆಕೆರೆ - ಎಲಿವೇಟೆಡ್
ಡೈರಿ ಸರ್ಕಲ್ - ಭೂಗತ
ಲಕ್ಕಸಂದ್ರ - ಭೂಗತ
ಲ್ಯಾಂಗ್‌ಫೋರ್ಡ್ ಟೌನ್ - ಭೂಗತ
ರಾಷ್ಟ್ರೀಯ ಮಿಲಿಟರಿ ಶಾಲೆ - ಭೂಗತ
ಮಹಾತ್ಮ ಗಾಂಧಿ ರಸ್ತೆ - ಭೂಗತ
ಶಿವಾಜಿ ನಗರ - ಭೂಗತ
ಕಂಟೋನ್ಮೆಂಟ್ - ಭೂಗತ
ಕುಂಬಾರಿಕೆ ಪಟ್ಟಣ - ಭೂಗತ
ಟ್ಯಾನರಿ ರಸ್ತೆ - ಭೂಗತ
ವೆಂಕಟೇಶಪುರ - ಭೂಗತ
ಕಡುಗುಂಡನಹಳ್ಳಿ - ಭೂಗತ
ನಾಗವಾರ - ಭೂಗತರವರಗೆ ಮಾರ್ಗವನ್ನು ಗುಲಾಬಿ ಬಣ್ಣದ ಮಾರ್ಗಗಳು ಒಳಗೊಂಡಿದೆ. ಈ ಮಾರ್ಗದಲ್ಲಿ ಅತಿ ಹೆಚ್ಚಾಗಿ ಸಂಚಾರ ದಟ್ಟಣೆ ದಿನೇ ದಿನೇ ಹೆಚ್ಚಾಗುತ್ತಲೇ ಇರುತ್ತದೆ. ಇಲ್ಲಿ ಮೆಟ್ರೋ ಮಾರ್ಗ ಬಂದರೆ ಹೆಚ್ಚಿನ ಜನರಿಗೆ ಅನುಕೂಲವಾಗಲಿದೆ.

ಯಾವೆಲ್ಲಾ ಪ್ರದೇಶಗಳಿಗೆ ಮೆಟ್ರೋ ವಿಸ್ತರಣೆ?

ನಮ್ಮ ಮೆಟ್ರೋ ಕಾರ್ಯಸಾಧ್ಯತಾ ಅಧ್ಯಯನ ನಡೆಸುತ್ತಿರುವ ಮಾಹಿತಿಯ ಪ್ರಕಾರ ಸರ್ಕಾರ ಒಪ್ಪಿಗೆ ದೊರೆತ ಬಳಿಕ ಚಲ್ಲಘಟ್ಟದಿಂದ ಬಿಡದಿಯಿಂದ ರಾಮನಗರ ಜಿಲ್ಲೆಯವರೆಗೆ (15 ಕಿ.ಮೀ), ರೇಷ್ಮೆ ಸಂಸ್ಥೆಯಿಂದ ಹಾರೋಹಳ್ಳಿ (ಕನಕಪುರ) ವರೆಗೆ (24 ಕಿ.ಮೀ.), ಕಾಳೇನ ಅಗ್ರಹಾರ ರಿಂದ ಬನ್ನೇರುಘಟ್ಟ ರಾಷ್ಟ್ರೀಯ ಉದ್ಯಾನವನ-ಜಿಗಣಿ-ಆನೇಕಲ್-ಅತ್ತಿಬೆಲೆ-ಸರ್ಜಾಪುರ-ವರ್ತೂರು-ಕಾಡುಗೋಡಿ ಟ್ರೀ ಪಾರ್ಕ್ ವರೆಗೆ (68 ಕಿ.ಮೀ), ಹಾಗೂ ಬೊಮ್ಮಸಂದ್ರದಿಂದ ಅತಿಬೆಲೆವರೆಗೆ (11) ಮತ್ತು ಮಾದವರದಿಂದ ತುಮಕೂರುವರೆಗೆ (52 ಕಿ.ಮೀ) ಮೆಟ್ರೋ ವಿಸ್ತರಣೆಗೆ ಕಾರ್ಯಸಾಧ್ಯತಾ ಅಧ್ಯಯನ ನಡೆಯುತ್ತಿದೆ. ಶೀಘ್ರವೇ ವರದಿ ಸರ್ಕಾರಕ್ಕೆ ಸಲ್ಲಿಕೆ ಮಾಡಲಾಗುತ್ತದೆ.