Bengaluru Real estate: ಝಣ ಝಣ ಕಾಂಚಾಣ.. ಅಬ್ಬಬ್ಬಾ, 1000 ಕೋಟಿ ಮೀರಿತು.. ಕಡಿಮೆ ಬೆಲೆಗೆ ಪ್ಲಾಟ್‌ಗಳು ಎಲ್ಲಿ ಲಭ್ಯ?

Bengaluru real estate: ರಿಯಲ್ ಎಸ್ಟೇಟ್ ಹಣ ಮಾಡುವ ಉದ್ಯಮ. ಅದರಲ್ಲೂ ಬೆಂಗಳೂರಿನ ರಿಯಲ್ ಎಸ್ಟೇಟ್ (Bengaluru real estate) ಎಂದ ಕೂಡಲೇ ಎಲ್ಲರ ಕಿವಿ ನೆಟ್ಟಗಾಗುತ್ತದೆ. ಹೌದು, ರಿಯಲ್ ಎಸ್ಟೇಟ್ ಮಾರಾಟವು ಕೆಲವು ನಗರಗಳು ಮತ್ತು ಸ್ಥಳಗಳನ್ನು ಅವಲಂಬಿಸಿ ಬದಲಾಗುತ್ತದೆ. ಆದರೆ, ಐಟಿಗೆ 'ಹಾಟ್ ಸ್ಪಾಟ್' ಎಂದು ಕರೆಯಲ್ಪಡುವ ಬೆಂಗಳೂರಿನಲ್ಲಿ, ಮನೆ ಬಾಡಿಗೆಗಳು ಮಾತ್ರವಲ್ಲದೆ ಐಷಾರಾಮಿ ಮನೆಗಳ ಮಾರಾಟವೂ ಬೆಳೆಯುತ್ತಲೇ ಇದೆ. ಇತ್ತೀಚೆಗೆ, ಇದಕ್ಕೆ ಸಂಬಂಧಿಸಿದ ಸುದ್ದಿಯೊಂದು ಹೊರಬಿದ್ದಿದೆ. ನೀವು, ತಪ್ಪದೇ ಈ ಸ್ಟೋರಿಯನ್ನು ಓದಲೇಬೇಕು.

ಬೆಂಗಳೂರಿನ ಐಷಾರಾಮಿ ಅಪಾರ್ಟ್‌ಮೆಂಟ್ (Bengaluru's luxury apartment) ಮಾರುಕಟ್ಟೆಯಲ್ಲಿ 10 ಕೋಟಿ ಇದೆ. ಅಥವಾ ಅದಕ್ಕಿಂತ ಹೆಚ್ಚಿನ ಬೆಲೆಯ ಮನೆಗಳ ಮಾರಾಟವು ಮೊದಲ ಬಾರಿಗೆ 10 ಕೋಟಿ ರೂ.ಗಳಷ್ಟು ಹೆಚ್ಚಾಗಿದೆ. ಇದು 1,000 ಕೋಟಿ ಗಡಿ ದಾಟಿದೆ. ಕಳೆದ ನಾಲ್ಕು ವರ್ಷಗಳನ್ನು ನೋಡಿದರೆ, 2025 ರಲ್ಲಿ (FY25) ಮಾತ್ರ ಶೇಕಡಾ 42 ರಷ್ಟು ಮಾರಾಟವಾಗಿದೆ. ಇದು ಉನ್ನತ ಮಟ್ಟದ ವಸತಿ ಮನೆಗಳಿಗೆ ಇರು ಬೇಡಿಕೆಗೆ ಹಿಡಿದ ಕೈಗನ್ನಡಿಯಾಗಿದೆ.

ಹೌದು, ಈ ಬಗ್ಗೆ ಇಂಡಿಯಾ ಸೋಥೆಬೈಸ್ ಇಂಟರ್ನ್ಯಾಷನಲ್ ರಿಯಾಲಿಟಿ ಮತ್ತು ಸಿಆರ್ ಇ (CRE) ಮ್ಯಾಟ್ರಿಕ್ಸ್ ತನ್ನ ವರದಿಯಲ್ಲಿ ಮಾಹಿತಿ ಬಹಿರಂಗಪಡಿಸಿದೆ. ಇದರ ಪ್ರಕಾರ, 5000 ರಿಂದ 7000 ಚದರ ಅಡಿಗಳ ನಡುವಿನ ಅಪಾರ್ಟ್‌ಮೆಂಟ್‌ಗಳಿಗೆ ಬೇಡಿಕೆಯಲ್ಲಿ ಭಾರೀ ಏರಿಕೆ ಕಂಡುಬಂದಿದೆ. ಇದು ವಿಶಾಲವಾದ, ಅಲ್ಟ್ರಾ-ಪ್ರೀಮಿಯಂ ಜೀವನಕ್ಕೆ ಹೆಚ್ಚುತ್ತಿರುವ ಬೇಡಿಕೆಯನ್ನು ಸಾರಿ ಸಾರಿ ಹೇಳತ್ತಿದೆ.

ಬೆಂಗಳೂರಿನ ಐಷಾರಾಮಿ ವಸತಿ (Luxury houses sales) ಮಾರುಕಟ್ಟೆ ಹೊಸ ಕ್ಲಬ್ ಅನ್ನು ಪ್ರವೇಶಿಸಿದೆ. ಈ ಬಗ್ಗೆ ಇಂಡಿಯಾ ಸೋಥೆಬಿಸ್ ಇಂಟರ್ನ್ಯಾಷನಲ್ ರಿಯಾಲ್ಟಿಯ ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿ ಅಶ್ವಿನ್ ಚಡ್ಡಾ ಅವರು ಪ್ರತಿಕ್ರಿಯೆ ನೀಡಿದ್ದಾರೆ. 'ವಿಲಾಸಿ ಜೀವನಶೈಲಿಯಲ್ಲಿ ಹೂಡಿಕೆ ಮಾಡುವ ಬುದ್ಧಿವಂತ ಖರೀದಿದಾರರು, ವಿಶೇಷವಾಗಿ ಮುಖ್ಯ ಅನುಭವ ಅಧಿಕಾರಿಗಳು, ನವೋದ್ಯಮ ಸಂಸ್ಥಾಪಕರು ಮತ್ತು ಪ್ರಪಂಚದಾದ್ಯಂತದ ಭಾರತೀಯರನ್ನು ನಾವು ನೋಡುತ್ತಿದ್ದೇವೆ' ಎಂದು ಅವರು ತಿಳಿಸಿದ್ದಾರೆ. ಈ ಅವಧಿಯಲ್ಲಿ ಹೆಬ್ಬಾಳ ಬೆಂಗಳೂರಿನ ಹೈ-ಎಂಡ್ ಐಷಾರಾಮಿ ಅಪಾರ್ಟ್‌ಮೆಂಟ್ ಮಾರುಕಟ್ಟೆಯಲ್ಲಿ ಮುಂಚೂಣಿಯಲ್ಲಿದೆ. ಒಟ್ಟು ಮಾರಾಟ ಮೌಲ್ಯದ ಶೇಕಡಾ 22 ರಷ್ಟಿದೆ. ಇನ್ನು ಬೆಂಗಳೂರಿನ ದೊಮ್ಮಲೂರು, ಸುಧಾಮನಗರ ಮತ್ತು ಬೊಮ್ಮನಹಳ್ಳಿ ಸಹ ಬೆಳೆಯುತ್ತಿರುವ ಐಷಾರಾಮಿ ಪ್ರದೇಶಗಳ ಪಟ್ಟಿಗೆ ಸೇರಿವೆ.

ಮೂಲಸೌಕರ್ಯವು ಬೆಳವಣಿಗೆಗೆ ಅನುಗುಣವಾಗಿರಬೇಕು

ಸಿಆರ್‌ಇ ಮ್ಯಾಟ್ರಿಕ್ಸ್‌ನ ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿ ಮತ್ತು ಸಹ-ಸಂಸ್ಥಾಪಕ ಅಭಿಷೇಕ್ ಕಿರಣ್ ಗುಪ್ತಾ ಸಹ ಪ್ರತಿಕ್ರಿಯೆ ನೀಡಿದ್ದಾರೆ. ಇದು ಕೇವಲ ಸರಳ ವಿಷಯವಲ್ಲ ಎಂದು ಹೇಳಿದ್ಧಾರೆ. ಈ ವರ್ಷವೊಂದರಲ್ಲೇ ನಾವು ಅಲ್ಟ್ರಾ-ಐಷಾರಾಮಿ ಅಪಾರ್ಟ್‌ಮೆಂಟ್‌ಗಳಲ್ಲಿ ಆರು ಹೊಸ ಸೂಕ್ಷ್ಮ ಮಾರುಕಟ್ಟೆಗಳನ್ನು ನೋಡಿದ್ದೇವೆ. ಹಿಂದಿನದಕ್ಕೆ ಹೋಲಿಸಿದರೆ, ಇದು ಒಂದು ದೊಡ್ಡ ಬದಲಾವಣೆಯಾಗಿದೆ. ಮತ್ತು ಮಾರುಕಟ್ಟೆ ಎಷ್ಟು ವೇಗವಾಗಿ ಅಭಿವೃದ್ಧಿ ಹೊಂದುತ್ತಿದೆ ಎಂಬುದನ್ನು ತೋರಿಸುತ್ತದೆ ಎಂದು ಅವರು ತಿಳಿಸಿದ್ದಾರೆ. ಆದಾರೆ, ಬೆಂಗಳೂರಿನ ಮೂಲಸೌಕರ್ಯವು ತ್ವರಿತ ಬೆಳವಣಿಗೆಗೆ ಅನುಗುಣವಾಗಿರಬೇಕು ಎಂದು ಅಶ್ವಿನ್ ಚಡ್ಡಾ ಅಭಿಪ್ರಾಯಪಟ್ಟಿದ್ದಾರೆ.

ಆರು ತಿಂಗಳೊಳಗೆ 1,000 ಕೋಟಿ ಮಾರಾಟ

ಬೆಂಗಳೂರಿನ ಅಲ್ಟ್ರಾ-ಐಷಾರಾಮಿ ರಿಯಲ್ ಎಸ್ಟೇಟ್ ಮಾರುಕಟ್ಟೆ ಉತ್ತಮ ಆವೇಗವನ್ನು ಕಾಣುತ್ತಿದೆ. ಈ ಬಗ್ಗೆ ಸೆಂಚುರಿ ರಿಯಲ್ ಎಸ್ಟೇಟ್‌ನ ಮಾರಾಟ, ಮಾರ್ಕೆಟಿಂಗ್ ಮತ್ತು CRM ನಿರ್ದೇಶಕ ಮಣೀಂದರ್ ಛಾಬ್ರಾ ಸಹ ಪ್ರತಿಕ್ರಿಯೆ ನೀಡಿದ್ದಾರೆ. ಬೆಂಗಳೂರಿನ ಇಂದಿರಾನಗರದಲ್ಲಿರುವ ನಮ್ಮ ಪ್ರಮುಖ ಐಷಾರಾಮಿ ಯೋಜನೆಯು ಪ್ರಾರಂಭವಾದ ಆರು ತಿಂಗಳೊಳಗೆ 1,000 ಕೋಟಿ ರೂ.ಗಳಿಗೂ ಹೆಚ್ಚಿನ ಮಾರಾಟವನ್ನು ಸಾಧಿಸಿದೆ ಎಂದು ಕ ಮಣೀಂದರ್ ಛಾಬ್ರಾ ಮಾಹಿತಿ ನೀಡಿದ್ದಾರೆ.