ಬೆಂಗಳೂರಿನಲ್ಲಿ ಹೆಚ್ಚಿದ ಬಾಡಿಗೆ ದರ: ಮೊದಲ ತ್ರೈಮಾಸಿಕದಲ್ಲಿ 4.45% ಗೆ ಏರಿಕೆ

ಬೆಂಗಳೂರು, ಮೇ 1: ದೇಶದಲ್ಲೇ ಉದ್ಯಾನ ನಗರಿ ಬೆಂಗಳೂರಿನ ಬಾಡಿಗೆ (Bengaluru Rent) ದರವು 2024 ರ ಮೊದಲ ತ್ರೈಮಾಸಿಕದಲ್ಲಿ 4.45 ರಷ್ಟು ಏರಿಕೆಯಾಗಿದೆ. ಇದರ ಬಳಿಕ ಮುಂಬೈ ಶೇಕಡಾ 4.15 ಮತ್ತು ಗುರುಗ್ರಾಮ್ ಶೇಕಡಾ 4.1 ಬಾಡಿಗೆ ದರ ಏರಿಕೆಯಾಗಿದೆ ಎಂದು ರಿಯಲ್ ಎಸ್ಟೇಟ್ ಸಲಹಾ ಸಂಸ್ಥೆಯಾದ ಅನಾರಾಕ್‌ನ ವರದಿ ತಿಳಿಸಿದೆ.

ಉನ್ನತ ನಗರಗಳಲ್ಲಿ ಬಾಡಿಗೆ ವಸತಿ ಬೇಡಿಕೆಯಲ್ಲಿ ಭಾರೀ ಏರಿಕೆ ಕಂಡುಬಂದಿದೆ. ಬಾಡಿಗೆ ಏರಿಕೆ - ಹೂಡಿಕೆಯ ಮೇಲಿನ ವಾರ್ಷಿಕ ಲಾಭ (ROI) ಹೂಡಿಕೆದಾರರು ಆಸ್ತಿಯಲ್ಲಿ ಹೂಡಿಕೆ ಮಾಡಿದ ಬಂಡವಾಳದಿಂದ ಗಳಿಸುತ್ತಾರೆ. ಸರಾಸರಿ ಬಾಡಿಗೆ ಮೌಲ್ಯಗಳು ಸಹ ಸ್ಥಿರವಾಗಿ ಗಗನಕ್ಕೇರಿವೆ ಎಂದು ವರದಿ ಹೇಳಿದೆ.

ಕೋವಿಡ್‌ ಪೂರ್ವ 2019 ರಲ್ಲಿ ಬೆಂಗಳೂರಿನ ಬಾಡಿಗೆ ಇಳುವರಿ ಶೇಕಡಾ 3.6 ರಷ್ಟಿತ್ತು. ಇದು ಇಲ್ಲಿಯವರೆಗೆ ಶೇಕಡಾ 24 ರಷ್ಟು ಬೆಳವಣಿಗೆಯಾಗಿದೆ. 2019 ರಲ್ಲಿ 3.5 ಪ್ರತಿಶತಕ್ಕೆ ಹೋಲಿಸಿದರೆ 2024 ರ ಮೊದಲ ತ್ರೈಮಾಸಿಕದಲ್ಲಿ 4.15 ಶೇಕಡಾ ಬಾಡಿಗೆ ಏರಿಕೆಯೊಂದಿಗೆ ಮುಂಬೈ ನಂತರದ ಸ್ಥಾನದಲ್ಲಿದೆ. ಗುರುಗ್ರಾಮ್ 2019 ರಲ್ಲಿ 3.5 ಪ್ರತಿಶತವಾಗಿದ್ದು, ಕಳೆದ ತ್ರೈಮಾಸಿಕದಲ್ಲಿ 4.1 ಶೇಕಡಾ ಬಾಡಿಗೆ ಏರಿಕೆಯೊಂದಿಗೆ ನಂತರದ ಸ್ಥಾನದಲ್ಲಿದೆ.

ಅನರಾಕ್ ಉಪಾಧ್ಯಕ್ಷ ಸಂತೋಷ್ ಕುಮಾರ್ ಮಾತನಾಡಿ, ಕೋವಿಡ್ -19 ಸಾಂಕ್ರಾಮಿಕ ರೋಗಕ್ಕೆ ಮುಂಚಿತವಾಗಿ ಭಾರತದಲ್ಲಿ ವಸತಿ ಬಾಡಿಗೆ ಇಳುವರಿಯು ದೀರ್ಘಕಾಲಿಕವಾಗಿ ಕುಂಠಿತಗೊಂಡಿತ್ತು. ರಾಷ್ಟ್ರೀಯ ಸರಾಸರಿಯು ಹಲವು ವರ್ಷಗಳಿಂದ ಕೇವಲ 3 ಪ್ರತಿಶತದಷ್ಟು ಇತ್ತು. ಆದರೆ ಕಚೇರಿಗಳು ಪುನರಾರಂಭಗೊಂಡ ನಂತರ ಸಾಂಕ್ರಾಮಿಕ ನಂತರದ ಬಾಡಿಗೆ ಮನೆಗಳ ಬೇಡಿಕೆಯು ಗಗನಕ್ಕೇರಿತು. ಪರಿಣಾಮ ದರವು ಕೂಡ ಹೆಚ್ಚಾಯಿತು.

ಬೆಂಗಳೂರು, ಗುರುಗ್ರಾಮ್, ಪುಣೆ, ನೋಯ್ಡಾ, ಮತ್ತು ಎಂಎಂಆರ್ (ಮುಂಬೈ ಮೆಟ್ರೋಪಾಲಿಟನ್ ಪ್ರದೇಶ) ಸೇರಿದಂತೆ ಐಟಿ ಪ್ರಾಬಲ್ಯ ಹೊಂದಿರುವ ನಗರಗಳು ತಮ್ಮ ಬಾಡಿಗೆ ಮೌಲ್ಯಗಳಲ್ಲಿ ಗಣನೀಯ ಏರಿಕೆಯನ್ನು ಕಂಡಿವೆ. ಅಗ್ರ ಏಳು ನಗರಗಳ ಪ್ರಮುಖ ಪ್ರದೇಶಗಳಲ್ಲಿ 2024 ರಲ್ಲಿ ವಸತಿ ಬಾಡಿಗೆಗಳಲ್ಲಿ ಸರಾಸರಿ 4-9 ಪ್ರತಿಶತದಷ್ಟು ಜಿಗಿತ ಕಂಡುಬಂದಿದೆ" ಎಂದು ಅವರು ಹೇಳಿದರು.

ಅನರಾಕ್‌ ದತ್ತಾಂಶದ ಪ್ರಕಾರ, ಬೆಂಗಳೂರಿನ ಸರ್ಜಾಪುರ ರಸ್ತೆ ಮತ್ತು ವೈಟ್‌ಫೀಲ್ಡ್‌ನಲ್ಲಿನ ಸರಾಸರಿ ಬಾಡಿಗೆ ಮೌಲ್ಯಗಳು ಹಿಂದಿನ ತ್ರೈಮಾಸಿಕಕ್ಕೆ ಹೋಲಿಸಿದರೆ 2024 ರ ಮೊದಲ ತ್ರೈಮಾಸಿಕದಲ್ಲಿ ತಲಾ 8 ಪ್ರತಿಶತದಷ್ಟು ಏರಿಕೆಯಾಗಿದೆ. ಸರ್ಜಾಪುರ ರಸ್ತೆಯಲ್ಲಿ 2023 ರ ಮೊದಲ ತ್ರೈಮಾಸಿಕದಲ್ಲಿ ಸರಾಸರಿ ಮಾಸಿಕ ಬಾಡಿಗೆಯು 1,000 ಚದರ ಅಡಿಯ 2BHK ಫ್ಲಾಟ್‌ಗೆ ಸರಿಸುಮಾರು ರೂ 31,600 ಆಗಿದ್ದರೆ, 2024 ರಲ್ಲಿ ಇದು ತಿಂಗಳಿಗೆ ರೂ 34,000 ಕ್ಕೆ ಏರಿತು.

ಅದೇ ರೀತಿ ವೈಟ್‌ಫೀಲ್ಡ್ ಸರಾಸರಿ ಮಾಸಿಕ ಬಾಡಿಗೆಗಳು 2023 ರ ನಾಲ್ಕನೇ ತ್ರೈಮಾಸಿಕದಲ್ಲಿ 30,200 ರಿಂದ 2024 ರ ಮೊದಲ ತ್ರೈಮಾಸಿಕದಲ್ಲಿ 32,500 ಕ್ಕೆ ಏರಿತು. ಇದು 8 ಪ್ರತಿಶತ ಏರಿಕೆಯಾಗಿತ್ತು. 2022ರ ಅಂತ್ಯ ಮತ್ತು 2024 ರ ಮೊದಲ ತ್ರೈಮಾಸಿಕ ನಡುವಿನ ಬಾಡಿಗೆ ಮೌಲ್ಯಗಳ ಹೋಲಿಕೆಯು ಬೆಂಗಳೂರಿನ ಉನ್ನತ ಪ್ರದೇಶಗಳು 40 ಪ್ರತಿಶತ ಮತ್ತು ಅದಕ್ಕಿಂತ ಹೆಚ್ಚಿನ ಏರಿಕೆಯನ್ನು ಕಂಡಿದೆ ಎಂದು ತೋರಿಸುತ್ತದೆ.

ಎನ್‌ಸಿಆರ್‌ನಲ್ಲಿ ನೋಯ್ಡಾದ ಸೆಕ್ಟರ್ 150 ಸರಾಸರಿ ಬಾಡಿಗೆ 9 ಪ್ರತಿಶತ ಹೆಚ್ಚಳವನ್ನು ಮತ್ತು ದೆಹಲಿಯ ದ್ವಾರಕಾದಲ್ಲಿ 6 ಪ್ರತಿಶತ ಹೆಚ್ಚಳವನ್ನು ಕಂಡಿತು. ಮುಂಬೈನಲ್ಲಿ ಚೆಂಬೂರ್ ಮತ್ತು ಮುಲುಂಡ್ ಬಾಡಿಗೆ ದರದಲ್ಲಿ ತಲಾ 4 ಪ್ರತಿಶತದಷ್ಟು ಏರಿಕೆ ಕಂಡಿದೆ. ಚೆಂಬೂರಿನಲ್ಲಿ 2024 ರ ಮೊದಲ ತ್ರೈಮಾಸಿಕದಲ್ಲಿ ಸರಾಸರಿ ಮಾಸಿಕ ಬಾಡಿಗೆಯು ಸರಿಸುಮಾರು 62,500 ರೂ.ಗಳಷ್ಟಿತ್ತು. 2023 ರ ಮೂರನೇ ತ್ರೈಮಾಸಿಕದಲ್ಲಿ 60,000 ರೂ. ಇದೆ.

ಕೋಲ್ಕತ್ತಾದ ರಾಜರಹತ್ ಈ ಅವಧಿಯಲ್ಲಿ 3 ಪ್ರತಿಶತದಷ್ಟು ಹೆಚ್ಚಳವನ್ನು ಕಂಡಿದೆ. 2023 ರ ನಾಲ್ಕನೇ ತ್ರೈಮಾಸಿಕದಲ್ಲಿ ತಿಂಗಳಿಗೆ ಸರಿಸುಮಾರು ರೂ 18,500 ರಿಂದ 2024 ರ ಮೊದಲ ತ್ರೈಮಾಸಿಕಲ್ಲಿ ತಿಂಗಳಿಗೆ ಸುಮಾರು ರೂ 19,000 ವರೆಗೆ ಏರಿತ್ತು. ಚೆನ್ನೈ ಮತ್ತು ಮುಂಬೈ ಎರಡರಲ್ಲೂ ಬಾಡಿಗೆಗಳು 4 ಪ್ರತಿಶತದಷ್ಟು ಏರಿದರೆ, ಹೈದರಾಬಾದ್‌ನಲ್ಲಿ ಪ್ರಮುಖ ಸ್ಥಳಗಳಾದಂತಹ ಪ್ರಮುಖ ಸ್ಥಳಗಳು ಹೈಟೆಕ್ ಸಿಟಿ ಮತ್ತು ಗಚಿಬೌಲಿ ಬಾಡಿಗೆಗಳು ತ್ರೈಮಾಸಿಕದಲ್ಲಿ ತಲಾ 5 ಪ್ರತಿಶತದಷ್ಟು ಏರಿಕೆ ಕಂಡಿವೆ.