Namma Metro: ಹಳದಿ ಮಾರ್ಗ: ಬೆಂಗಳೂರಿಗೆ ಬರಲಿವೆ ಇನ್ನೂ 3 ಬೋಗಿಗಳು.. ಮೇ ತಿಂಗಳಲ್ಲಿ ಸುರಕ್ಷತಾ ಪರಿಶೀಲನೆ

ಹಳದಿ ಮಾರ್ಗ ಮೆಟ್ರೋಗಾಗಿ ಬೆಂಗಳೂರುಗರು ಕಾದು ಕಾದು ಸುಸ್ತಾಗಿದ್ದವರಿಗೆ ಕೊನೆಗೂ ಬೆಂಗಳೂರು ಮೆಟ್ರೋ ರೈಲು ನಿಗಮ (BMRCL) ಶುಭ ಸುದ್ದಿ ನೀಡಿದೆ. ಸದ್ಯದಲ್ಲೇ ಮಾರ್ಗದಲ್ಲಿ ರೈಲು ಕಾರ್ಯಾಚರಣೆ ತಯಾರಿ ಆರಂಭಿಸುವ ದೊಡ್ಡ ಅಪ್ಡೇಟ್ಸ್‌ವೊಂದು ಸಿಕ್ಕಿದೆ.

ಹೌದು,ನಮ್ಮ ಮೆಟ್ರೋದ ಹಳದಿ ಮಾರ್ಗಕ್ಕಾಗಿ ಇನ್ನೂ ಮೂರು ಬೋಗಿಗಳು ಬೆಂಗಳೂರಿಗೆ ಬರಲಿವೆ. ಈ ಬೋಗಿಗಳು, ಈ ಹಿಂದೆ ಕಳುಹಿಸಲಾದ ಇನ್ನೂ ಮೂರು ಬೋಗಿಗಳೊಂದಿಗೆ, ನಗರವನ್ನು ತಲುಪಿ ಮೂರನೇ ರೈಲು ಬೋಗಿಗಳ ಸೆಟ್ ಅನ್ನು ರೂಪಿಸುವ ನಿರೀಕ್ಷೆಗಳು ಇವೆ.ಆರ್‌ವಿ ರಸ್ತೆಯನ್ನು ಬೊಮ್ಮಸಂದ್ರದೊಂದಿಗೆ ಸಂಪರ್ಕಿಸುವ 19.15 ಕಿಮೀ ಉದ್ದದ ಹಳದಿ ಮಾರ್ಗವು ರೈಲುಗಳ ಕೊರತೆಯಿಂದಾಗಿ ಸಂಚಾರ ಮುಂದೂಡಿಕೆಯಾಗುತ್ತಲೇ ಇದೆ.

ಹಳದಿ ಮಾರ್ಗಕ್ಕಾಗಿ ತಿತಾಘರ್ ರೈಲ್ ಸಿಸ್ಟಮ್ಸ್ ಲಿಮಿಟೆಡ್ (ಟಿಆರ್ಎಸ್‌ಎಲ್) ಏಪ್ರಿಲ್ ಅಂತ್ಯದಲ್ಲಿ ತನ್ನ ಪಶ್ಚಿಮ ಬಂಗಾಳ ಸ್ಥಾವರದಿಂದ ಮೂರು ಬೋಗಿಗಳ ಮೊದಲ ಸೆಟ್ ಅನ್ನು ರವಾನೆಯನ್ನು ಮಾಡಲಾಗಿತ್ತು. ಇದು ಆದ ನಂತರ ಮೇ 2 ರಂದು ಇನ್ನೂ ಮೂರು ಬೋಗಿಗಳನ್ನು ಕಳುಹಿಸಿತು. ಎಲ್ಲಾ ಆರು ಬೋಗಿಗಳು ಮೇ 10 ಮತ್ತು 15 ರ ನಡುವೆ ನಗರವನ್ನು ತಲುಪುವ ನಿರೀಕ್ಷೆಯಿದೆ ಎಂದು ಬಿಎಂಆರ್ಸಿಎಲ್ ಹಿರಿಯ ಅಧಿಕಾರಿಯೊಬ್ಬರು ಮಾಹಿತಿಯನ್ನು ತಿಳಿಸಿದ್ದಾರೆ.

ಈ ಕುರಿತು ಬಿಎಂಆರ್‌ಸಿಎಲ್ ವ್ಯವಸ್ಥಾಪಕ ನಿರ್ದೇಶಕ ಎಂ. ಮಹೇಶ್ವರ್ ರಾವ್ ಹೇಳಿರುವಂತೆ ಮೂರು ಬೋಗಿಗಳ ಮೊದಲ ಸೆಟ್ ಮೇ 10 ಅಥವಾ 12 ರೊಳಗೆ ಬೆಂಗಳೂರಿಗೆ ಬರುವ ಸಾಧ್ಯತೆ ಇದೆ. ಮತ್ತು ಎರಡನೆಯದು ನಾಲ್ಕು ದಿನಗಳ ನಂತರ ಆಗಮಿಸಲಿದೆ ಎಂದು ಹೇಳಿದ್ದಾರೆ. ಎಲ್ಲಾ ಆರು ಬೋಗಿಗಳನ್ನು ಒಂದು ರೈಲು ಸೆಟ್‌ನಲ್ಲಿ ಜೋಡಿಸಲು ಸುಮಾರು ಒಂದು ವಾರ ತೆಗೆದುಕೊಳ್ಳಬಹುದು ಎಂದು ಹೇಳಿದ್ದಾರೆ.

ಅಧಿಕಾರಿಗಳ ಪ್ರಕಾರ, ರೈಲು ಸೆಟ್ ಅನ್ನು (ಡಿಪೋದಲ್ಲಿ) ಸ್ಥಿರ ಪರೀಕ್ಷೆಗಳಿಗೆ ಒಳಪಡಿಸಲಾಗುತ್ತದೆ, ಅಲ್ಲಿ ಅಧಿಕಾರಿಗಳು ಸಾಗಣೆಗೆ ಸಂಬಂಧಿಸಿದ ಹಾನಿಗಳನ್ನು ಸಹ ಪರಿಶೀಲನೆಯನ್ನು ಮಾಡಲಿದ್ದಾರೆ.

ಮುಂದಿನ ಹಂತವು ಮುಖ್ಯ ಮಾರ್ಗದಲ್ಲಿ ಕ್ರಿಯಾತ್ಮಕ ಪರೀಕ್ಷೆಯನ್ನು ಒಳಗೊಂಡಿರುತ್ತದೆ, ಮುಖ್ಯವಾಗಿ ಸಿಗ್ನಲಿಂಗ್ ಕಾರ್ಯವನ್ನು ನಿರ್ಣಯಿಸಲು.ಈ ಕಾರ್ಯವಿಧಾನಗಳು ಎರಡರಿಂದ ಮೂರು ವಾರಗಳನ್ನು ತೆಗೆದುಕೊಳ್ಳುತ್ತದೆ ಎಂದು ಅಧಿಕಾರಿ ವಿವರಿಸಿದರು.

ಬಿಎಂಆರ್‌ಸಿಎಲ್, ಈ ಹಿಂದೆ ಬಂದ ಎರಡು ರೈಲುಗಳ ಎಲ್ಲಾ ಶಾಸನಬದ ಪರೀಕ್ಷೆಗಳನ್ನು ಪೂರ್ಣಗೊಳಿಸಿದೆ, ಇದರಲ್ಲಿ ಡಿಕ್ಕಿಯನ್ನು ತಡೆಗಟ್ಟಲು ಬಹು-ರೈಲು ಪರೀಕ್ಷೆಗಳು ಸೇರಿವೆ.ಪರೀಕ್ಷಾ ಡೇಟಾವನ್ನು ಬಹುರಾಷ್ಟ್ರೀಯ ಸೀಮೆನ್ಸ್‌ ನ ಸ್ಪ್ಯಾನಿಷ್ ತಂಡಕ್ಕೆ ಕಳುಹಿಸಲಾಗಿದ್ದು, ಯಾವುದೇ ಫೈನ್‌ಟ್ರೋನಿಂಗ್ ಅಗತ್ಯವಿದೆಯೇ ಎಂದು ನಿರ್ಧರಿಸಲು ಅವರು ಅದನ್ನು ಪರಿಶೀಲಿಸುತ್ತಿದ್ದಾರೆ. ಬಿಎಂಆರ್‌ಸಿಎಲ್‌ಗೆ ಸಿಗ್ನಲಿಂಗ್ ಮತ್ತು ರೈಲು ನಿಯಂತ್ರಣ ವ್ಯವಸ್ಥೆಗಳನ್ನು ಒದಗಿಸುತ್ತಿರುವ ಸೀಮೆನ್ಸ್, ಒಂದು ವಾರದೊಳಗೆ ಬಹು-ರೈಲು ಪರೀಕ್ಷೆಗಳನ್ನು ಪ್ರಮಾಣೀಕರಿಸುವ ನಿರೀಕ್ಷೆಯಿದೆ ಎಂದು ಅಧಿಕಾರಿ ವಿವರಿಸಿದರು.

ಈ ಮಧ್ಯೆ, ಮೆಟ್ರೋ ರೈಲು ಸುರಕ್ಷತಾ ಆಯುಕ್ತರು (ದಕ್ಷಿಣ ವಲಯ) ಮೇ ಅಂತ್ಯದ ವೇಳೆಗೆ ಹಳದಿ ಮಾರ್ಗದ ಶಾಸನಬದ್ಧ ತಪಾಸಣೆ ನಡೆಸುತ್ತಾರೆ ಎಂದು ಬಿಎಂಆರ್‌ಸಿಎಲ್ ಹೇಳಿದೆ. ಅಗತ್ಯವಿರುವ ಹೆಚ್ಚಿನ ದಾಖಲೆಗಳನ್ನು ಈಗಾಗಲೇ ಸಲ್ಲಿಸಲಾಗಿದ್ದು, ಸಿಗ್ನಲಿಂಗ್ ಪ್ರಮಾಣೀಕರಣವನ್ನು ನಂತರ ಕಳುಹಿಸಲಾಗುತ್ತದೆ.

ತಪಾಸಣೆಯ ಸಮಯದಲ್ಲಿ, ಅನುಮೋದನೆ ನೀಡುವ ಮೊದಲು CMRS ಹಳಿಗಳು, ನಿಲ್ದಾಣಗಳು, ಅಗ್ನಿಶಾಮಕ ವ್ಯವಸ್ಥೆಗಳು, ಪ್ರವೇಶ/ನಿರ್ಗಮನ ಬಿಂದುಗಳು, ರೈಲು ಸೆಟ್‌ಗಳು ಇತ್ಯಾದಿಗಳನ್ನು ಪರಿಶೀಲಿಸುತ್ತದೆ. ಯಾವುದೇ ಶಿಫಾರಸುಗಳನ್ನು ಅನುಸರಿಸಲು BMRCL ಗೆ ಸುಮಾರು ಎರಡು ವಾರಗಳ ಅಗತ್ಯವಿದೆ.

ಬಹುಶಃ ಹಳದಿ ಮಾರ್ಗವು ಜೂನ್ ಅಂತ್ಯದ ವೇಳೆಗೆ ಕಾರ್ಯಾರಂಭ ಮಾಡುವ ನಿರೀಕ್ಷೆಯನ್ನು ಹೊಂದಿದೆ.

ನಮ್ಮ ಮೆಟ್ರೋ ಹಳದಿ ಮಾರ್ಗ
ನಮ್ಮ ಮೆಟ್ರೋ ಹಳದಿ ಮಾರ್ಗ ಬೊಮ್ಮಸಂದ್ರದಿಂದ ಆರ್.ವಿ. ರಸ್ತೆವರೆಗೆ ವಿಸ್ತರಿಸಲಾದ ಹಳದಿ ಮೆಟ್ರೋ ಮಾರ್ಗವು 18.8 ಕಿಲೋಮೀಟರ್ ಉದ್ದವಿದ್ದು, ದಕ್ಷಿಣ ಬೆಂಗಳೂರು ಮತ್ತು ನಗರ ಕೇಂದ್ರದ ನಡುವಿನ ಸಂಚಾರಕ್ಕೆ ಪ್ರಮುಖ ಸಂಪರ್ಕನ್ನು ನೀಡುತ್ತದೆ. ಈ ಮಾರ್ಗದಲ್ಲಿ ಬೊಮ್ಮಸಂದ್ರ, ಹೆಬ್ಬಗೋಡಿ, ಹುಸ್ಕೂರು ರಸ್ತೆ, ಇನ್ಫೋಸಿಸ್ ಫೌಂಡೇಶನ್ (ಕೋನಪ್ಪನ ಅಗ್ರಹಾರ), ಎಲೆಕ್ಟ್ರಾನಿಕ್ ಸಿಟಿ, ಬೆರಟೇನ ಅಗ್ರಹಾರ, ಹೊಸ ರಸ್ತೆ, ಸಿಂಗಸಂದ್ರ, ಕೂಡ್ಲು ಗೇಟ್, ಹೊಂಗಸಂದ್ರ, ಬೊಮ್ಮನಹಳ್ಳಿ, ಸೆಂಟ್ರಲ್ ಸಿಲ್ಕ್ ಬೋರ್ಡ್, ಬಿಟಿಎಂ ಲೇಔಟ್, ಜಯದೇವ ಆಸ್ಪತ್ರೆ, ರಾಗಿಗುಡ್ಡ ಮತ್ತು ಆರ್.ವಿ. ರಸ್ತೆ ಎಂಬ 16 ನಿಲ್ದಾಣಗಳಿವೆ.