ಭಾರ್ತಿ ಏರ್‌ಟೆಲ್ ಪ್ರಿಪೇಯ್ಡ್ ಕರೆ, ಡೇಟಾ ಶುಲ್ಕ ಎಷ್ಟು ಹೆಚ್ಚಳ?

ನವದೆಹಲಿ, ನವೆಂಬರ್ 22: ಜನಪ್ರಿಯ ಟೆಲಿಕಾಂ ಸಂಸ್ಥೆ ಭಾರ್ತಿ ಏರ್ ಟೆಲ್ ತನ್ನ ಮೊಬೈಲ್ ಡೇಟಾ ಶುಲ್ಕದ ಬಗ್ಗೆ ಸೋಮವಾರದಂದು ಪ್ರಕಟಣೆ ಹೊರಡಿಸಿದೆ. ಪ್ರಿಪೇಯ್ಡ್ ಕರೆ, ಡೇಟಾ ಶುಲ್ಕಗಳ ದರ ಶೇ 20 ರಿಂದ 25ರಷ್ಟು ಹೆಚ್ಚಳವಾಗಲಿದೆ.

ವಾಯ್ಸ್ ಕರೆ, ಡೇಟಾ, ಅನ್‌ಲಿಮಿಟೆಡ್ ವಾಯ್ಸ್ ಕಾಲ್‌ನ ವಿವಿಧ ಯೋಜನೆಗಳ ದರ ಕೂಡಾ ಸಹಜವಾಗಿ ಹೆಚ್ಚಳವಾಗುತ್ತಿದೆ. ಪರಿಷ್ಕೃತ ದರಗಳು ನವೆಂಬರ್ 26ರಿಂದ ಜಾರಿಗೆ ಬರಲಿದೆ ಎಂದು ಏರ್ ಟೆಲ್ ಹೇಳಿದೆ. ಎಂಟ್ರಿ ಲೆವೆಲ್ ವಾಯ್ಸ್ ಕರೆ ಪ್ಲಾನ್‌ನ ಶುಲ್ಕವನ್ನು ಶೇ 25ರಷ್ಟು ಹೆಚ್ಚಿಸಲಾಗುತ್ತಿದೆ. ಇದೇ ವೇಳೆ ಅನ್‌ಲಿಮಿಟೆಡ್ ವಾಯ್ಸ್ ಕಾಲ್‌ ಶುಲ್ಕದಲ್ಲಿ ಶೇ 25ರಷ್ಟು ಹೆಚ್ಚಳ ಮಾಡಲಾಗುತ್ತಿದೆ.

ಪ್ರತಿ ಗ್ರಾಹಕರಿಂದ 200 ರು ಹಾಗೂ ಗರಿಷ್ಠ 300 ರು ಸರಾಸರಿ ಆದಾಯ (ಎಪಿಆರ್‌ಪಿಯು) ಗಳಿಕೆಗೆ ಏರ್‌ಟೆಲ್ ಮುಂದಾಗಿದೆ. ಎಪಿಆರ್‌ಪಿಯು ಅಂತರ್ಜಾಲ ಮತ್ತು ಸ್ಪೆಕ್ಟ್ರಂ ಕ್ಷೇತ್ರದಲ್ಲಿ ಹೂಡಿಕೆಗಳನ್ನು ಸಕ್ರಿಯಗೊಳಿಸಲಿದ್ದು, 5ಜಿ ಸೇವೆ ಒದಗಿಸುವುದಕ್ಕೂ ನೆರವಾಗಲಿದೆ ಎಂದು ಸಂಸ್ಥೆ ಹೇಳಿದೆ.

ದರ ಪರಿಷ್ಕರಣೆ ಸುದ್ದಿ ಬರುತ್ತಿದ್ದಂತೆ ಷೇರುಪೇಟೆಯಲ್ಲಿ ಭಾರ್ತಿ ಏರ್ ಟೆಲ್ ಷೇರು ಮೌಲ್ಯ 52 ವಾರಗಳಲ್ಲೆ ಅಧಿಕ ಮೌಲ್ಯಕ್ಕೇರಿತು. ಎನ್ ಎಸ್ ಇಯಲ್ಲಿ ಶೇ 5.8ರಷ್ಟು ಏರಿಕೆ ಕಂಡು 755.95 ರು ನಂತೆ ವಹಿವಾಟು ನಡೆಸಿದರೆ, ಬಿಎಸ್ ಇಯಲ್ಲಿ 756ರು ನಂತೆ ವಹಿವಾಟು ಅಂತ್ಯಗೊಳಿಸಿದೆ. ಹೊಸ ದರ ಬದಲಾವಣೆ ವಿವರ ಕೆಳಗಿನ ಕೋಷ್ಟಕದಲ್ಲಿದೆ

ಏರ್ ಟೆಲ್ ಪ್ರೀಪೇಯ್ಡ್ ಮೊಬೈಲ್ ದರ ಪರಿಷ್ಕರಣೆ
ಹಾಲಿ ದರ(Rs)	ವ್ಯಾಲಿಡಿಟಿ	ಹೊಸ ದರ (Rs)	ಪ್ರಯೋಜನ
Tariffed ವಾಯ್ಸ್ ಯೋಜನೆ
79	28 ದಿನ	99	ಶೇ 50 ರಷ್ಟು ಅಧಿಕ ಟಾಕ್ ಟೈಮ್, 200 ಎಂಬಿ ಡೇಟಾ
ಅನಿಯಮಿತ ವಾಯ್ಸ್ Bundles
149	28 ದಿನಗಳು	179	ಅನಿಯಮಿತ ಕರೆ, 100 ಎಸ್ಎಂಎಸ್/ದಿನ, 2 ಜಿಬಿ ಡೇಟಾ
219	28 ದಿನಗಳು	265	ಅನಿಯಮಿತ ಕರೆ, 100 ಎಸ್ಎಂಎಸ್/ದಿನ, 1 ಜಿಬಿ ಡೇಟಾ
249	28 ದಿನಗಳು	299	ಅನಿಯಮಿತ ಕರೆ, 100 ಎಸ್ಎಂಎಸ್/ದಿನ, 1.5 ಜಿಬಿ ಡೇಟಾ
298	28 ದಿನಗಳು	359	ಅನಿಯಮಿತ ಕರೆ, 100 ಎಸ್ಎಂಎಸ್/ದಿನ, 2 ಜಿಬಿ ಡೇಟಾ
399	56 ದಿನಗಳು	479	ಅನಿಯಮಿತ ಕರೆ, 100 ಎಸ್ಎಂಎಸ್/ದಿನ, 1.5 ಜಿಬಿ ಡೇಟಾ
449	56 ದಿನಗಳು	549	ಅನಿಯಮಿತ ಕರೆ, 100 ಎಸ್ಎಂಎಸ್/ದಿನ, 2 ಜಿಬಿ ಡೇಟಾ
379	84 ದಿನಗಳು	455	ಅನಿಯಮಿತ ಕರೆ, 100 ಎಸ್ಎಂಎಸ್/ದಿನ, 6 ಜಿಬಿ ಡೇಟಾ
598	84 ದಿನಗಳು	719	ಅನಿಯಮಿತ ಕರೆ, 100 ಎಸ್ಎಂಎಸ್/ದಿನ, 1.5 ಜಿಬಿ ಡೇಟಾ
698	84 ದಿನಗಳು	839	ಅನಿಯಮಿತ ಕರೆ, 100 ಎಸ್ಎಂಎಸ್/ದಿನ, 2 ಜಿಬಿ ಡೇಟಾ
1498	365 ದಿನಗಳು	1799	ಅನಿಯಮಿತ ಕರೆ, 100 ಎಸ್ಎಂಎಸ್/ದಿನ, 24 ಜಿಬಿ ಡೇಟಾ
2498	365 ದಿನಗಳು	2999	ಅನಿಯಮಿತ ಕರೆ, 100 ಎಸ್ಎಂಎಸ್/ದಿನ, 2 ಜಿಬಿ ಡೇಟಾ
Data ಟಾಪ್ ಅಪ್ಸ್
48	ಅನಿಯಮಿತ	58	3 ಜಿಬಿ ಡಾಟಾ
98	ಅನಿಯಮಿತ	118	12ಜಿಬಿ ಡಾಟಾ
251	ಅನಿಯಮಿತ	301	50 ಜಿಬಿ ಡಾಟಾ