ಏರ್‌ಟೆಲ್‌ ಬಳಕೆದಾರರು ಉಚಿತ 6 ಜಿಬಿ ಡೇಟಾ ಪಡೆಯುವುದು ಹೇಗೆ?

ಏರ್‌ಟೆಲ್ ತನ್ನ ಕೆಲವು ಪ್ರಿಪೇಯ್ಡ್‌ ಯೋಜನೆಗಳಿಗೆ ಉಚಿತವಾಗಿ 6 ಜಿಬಿ ಡೇಟಾ ಕೂಪನ್‌ಗಳನ್ನು ನೀಡುತ್ತಿದ್ದು, ಅರ್ಹ ಯೋಜನೆಗಳ ಮೂಲಕ ಗ್ರಾಹಕರು ನಿಗದಿತ ರೀಚಾರ್ಜ್ ಬಳಿಕ 1 ಜಿಬಿ ಡೇಟಾ ಕೂಪನ್‌ಗಳ ರೂಪದಲ್ಲಿ ಪಡೆಯುತ್ತಾರೆ. ಈ ಮೂಲಕ ಉಚಿತ 6 ಜಿಬಿ ಡೇಟಾವನ್ನು ಚಂದಾದಾರರ ಖಾತೆಗೆ ಜಮಾ ಮಾಡಲಾಗುತ್ತದೆ.

ಕೇವಲ 219 ರೂಪಾಯಿ ಯೋಜನೆಗಳಿಂದ ಪ್ರಾರಂಭವಾಗುವ ಏರ್‌ಟೆಲ್ ದೈನಂದಿನ ಡೇಟಾ ಯೋಜನೆಗಳೊಂದಿಗೆ ವಿವಿಧ ಅನ್‌ಲಿಮಿಟೆಡ್‌ ಕಾಂಬೊ ಪ್ರಿಪೇಯ್ಡ್‌ ಯೋಜನೆಗಳನ್ನು ಹೊಂದಿದೆ.

ರೀಚಾರ್ಜ್ ಮಾಡುವ ಪ್ಯಾಕ್‌ಗೆ ಅನುಗುಣವಾಗಿ, ಗ್ರಾಹಕರು ಉಚಿತ ಡೇಟಾ ಕೂಪನ್‌ಗಳನ್ನು ತಲಾ 1 ಜಿಬಿಯಂತೆ ಆರು ವೋಚರ್‌ಗಳನ್ನು ಗಳಿಸಬಹುದು.

ಉದಾಹರಣೆಗೆ, ಏರ್‌ಟೆಲ್‌ನ ಯಾವುದೇ ಅನಿಯಮಿತ ಕಾಂಬೊ ಪ್ಯಾಕ್‌ಗಳನ್ನು 28 ದಿನಗಳ ಮಾನ್ಯತೆಯೊಂದಿಗೆ ರೀಚಾರ್ಜ್ ಮಾಡುವ ಒಬ್ಬ ವ್ಯಕ್ತಿ, ನಂತರ ತಲಾ 1 ಜಿಬಿ ಡೇಟಾದ ಎರಡು ಕೂಪನ್‌ಗಳಿಗೆ ಅರ್ಹರಾಗಿರುತ್ತಾರೆ. 56 ದಿನಗಳು ಮತ್ತು 84 ದಿನಗಳ ಮಾನ್ಯತೆಯನ್ನು ಹೊಂದಿರುವ ಇತರ ಯೋಜನೆಗಳಲ್ಲಿ, ಗ್ರಾಹಕರು ಕ್ರಮವಾಗಿ ನಾಲ್ಕು ಮತ್ತು ಆರು ಕೂಪನ್‌ಗಳನ್ನು ಪಡೆಯಬಹುದು.

ಬಳಕೆದಾರರು 6 ಜಿಬಿ ಉಚಿತ ಡೇಟಾವನ್ನು ಪಡೆಯಲು ಬಯಸಿದರೆ ಅವರು ಏರ್‌ಟೆಲ್ ಥ್ಯಾಂಕ್ಸ್‌ ಅಪ್ಲಿಕೇಶನ್ ಬಳಸಿ ರೀಚಾರ್ಜ್ ಮಾಡಬೇಕು. ಅರ್ಹ ಗ್ರಾಹಕರು ಪ್ರಿಪೇಯ್ಡ್ ಯೋಜನೆಯನ್ನು ಖರೀದಿಸಿದ ನಂತರ ಎಸ್‌ಎಂಎಸ್ ಮೂಲಕ ಉಚಿತ ಡೇಟಾ ಕೊಡುಗೆಯ ಬಗ್ಗೆ ತಿಳಿಸಲಾಗುವುದು.