BMW ಇಂಡಿಯಾ ಸಿಇಒ ರುದ್ರತೇಜ್ ಸಿಂಗ್ ಹಠಾತ್ ನಿಧನ

ಜರ್ಮನಿಯ ಐಷಾರಾಮಿ ಕಾರು ತಯಾರಕ ಬಿಎಂಡಬ್ಲ್ಯು ಇಂಡಿಯಾ ತನ್ನ 46 ವರ್ಷದ ಅಧ್ಯಕ್ಷ ಮತ್ತು ಸಿಇಒ ರುದ್ರತೇಜ್ ಸಿಂಗ್ ಅವರ ಹಠಾತ್ ನಿಧನದಿಂದ ತತ್ತರಿಸಿದೆ. ಸೋಮವಾರ ಬೆಳಗ್ಗೆ ಹೃದಯಾಘಾತದಿಂದಾಗಿ ರುದ್ರತೇಜ್ ಸಿಂಗ್(46) ಅವರು ನಿಧನರಾಗಿದ್ದಾರೆ.

ರುದ್ರತೇಜ್ ಅವರು ಬಿಎಂಡಬ್ಲ್ಯು ಗ್ರೂಪ್‌ಗೆ 2019ರ ಆಗಸ್ಟ್‌ನಲ್ಲಿ ಸೇರ್ಪಡೆಯಾಗಿದ್ದರು. ಇದಕ್ಕೂ ಮೊದಲು ಅವರು ರಾಯಲ್ ಎನ್‌ಫೀಲ್ಡ್‌ನಲ್ಲಿ ಗ್ಲೋಬಲ್ ಪ್ರೆಸಿಡೆಂಟ್ ಆಗಿ ನಾಲ್ಕು ವರ್ಷ ಆರು ತಿಂಗಳು ಕೆಲಸ ಮಾಡಿದರು. ಇಷ್ಟಲ್ಲದೆ ಇವರು ವಾಹನ ತಯಾರಿಕೆ ಮತ್ತು ಇತರ ಉದ್ದಿಮೆಗಳಲ್ಲಿ 25 ವರ್ಷಕ್ಕಿಂತ ಹೆಚ್ಚಿನ ಸೇವಾ ಅನುಭವ ಹೊಂದಿದ್ದರು.

ಅವರ ಸಾವಿಗೆ ಕಾರಣವನ್ನು ಇನ್ನೂ ಕಂಡುಹಿಡಿಯಲಾಗುತ್ತಿದೆ ಎಂದು ಕಂಪನಿ ಹೇಳಿದೆ. ರುದ್ರತೇಜ್ ಸಿಂಗ್ ಅವರನ್ನು ರೂಡಿ ಎಂದು ಅವರ ಸ್ನೇಹಿತರು ಮತ್ತು ಸಹೋದ್ಯೋಗಿಗಳು ಪ್ರೀತಿಯಿಂದ ಕರೆಯುತ್ತಿದ್ದಂತೆ. ಗುರಗಾಂವ್‌ನಲ್ಲಿರುವ ತಮ್ಮ ಮನೆಯಲ್ಲಿ ಟ್ರೆಡ್‌ಮಿಲ್‌ನಲ್ಲಿ ರನ್‌ ಮಾಡುವಾಗ ಹೃದಯ ಸ್ತಂಭನದಿಂದ ಸಾವನ್ನಪ್ಪಿದರು ಎಂದು ಹೇಳಲಾಗಿದೆ.

ಭಾರತೀಯ ವಾಹನ ಉದ್ಯಮಕ್ಕೆ ಪ್ರವೇಶಿಸುವ ಮೊದಲು ರುದ್ರತೇಜ್ ಸಿಂಗ್ ಅವರಿಗೆ ಯೂನಿಲಿವರ್‌ನಲ್ಲಿ 16 ವರ್ಷಗಳ ಅನುಭವವಿತ್ತು. ಅವರು 1998 ರಲ್ಲಿ ಯುನಿಲಿವರ್‌ನ ಪಶ್ಚಿಮ ಯುಪಿ ವಲಯದ ಏರಿಯಾ ಸೇಲ್ಸ್ ಮ್ಯಾನೇಜರ್ ಆಗಿ ಸೇರಿಕೊಂಡರು. ಅಲ್ಲಿಂದ ಅವರು ಅಕ್ಟೋಬರ್ 2012 ರಲ್ಲಿ ದಕ್ಷಿಣ ಏಷ್ಯಾ ಪ್ರದೇಶದ ಉಪಾಧ್ಯಕ್ಷರಾದರು.