ಬಿಎಸ್ಎನ್ಎಲ್ ಗ್ರಾಹಕರಿಗೆ 200GB ಡೇಟಾ ಆಫರ್

ಸರ್ಕಾರಿ ಸ್ವಾಮ್ಯದ ಟೆಲಿಕಾಂ ಸಂಸ್ಥೆ ಭಾರತ್ ಸಂಚಾರ್ ನಿಗಮ್ ಲಿಮಿಟೆಡ್ (ಬಿಎಸ್ಎನ್ಎಲ್) ಹೊಸ ಪ್ರಿಪೇಡ್ ಯೋಜನೆಯನ್ನು ಪ್ರಾರಂಭಿಸಿದ್ದು, ಅದು ತನ್ನ ಗ್ರಾಹಕರಿಗೆ ಡೇಟಾ ಪ್ರಯೋಜನಗಳನ್ನು ಮಾತ್ರ ನೀಡುತ್ತದೆ. ರೂ. 698 ಪ್ರಿಪೇಯ್ಡ್ ಯೋಜನೆಯು 180 ದಿನಗಳ ದೀರ್ಘಕಾಲೀನ ವ್ಯಾಲಿಡಿಟಿಯೊಂದಿಗೆ ಲಭ್ಯವಿದ್ದು, 200GB ಡೇಟಾ ನೀಡಲಿದೆ.

ಈ ಹೊಸ ಯೋಜನೆ ಆಯ್ದ ವಲಯಗಳಲ್ಲಿ ಇದೀಗ ಲೈವ್ ಆಗಿದ್ದು, ಈ ಯೋಜನೆ ಆಂದ್ರ, ತೆಲಂಗಾಣ ರಾಜ್ಯಗಳಲ್ಲಿ ಲಭ್ಯವಿದ್ದು, ಶೀಘ್ರದಲ್ಲೇ ಈ ಡೇಟಾ ಪ್ಲಾನ್ ಇತರ ರಾಜ್ಯಗಳಲ್ಲೂ ಲಭ್ಯವಾಗಲಿದೆ. ಯಾವುದೇ ಧ್ವನಿ ಕರೆ ಅಥವಾ ಎಸ್ಎಂಎಸ್ ಪ್ರಯೋಜನಗಳಿಲ್ಲ. ರೂ. 698 ಪ್ರಿಪೇಯ್ಡ್ ರೀಚಾರ್ಜ್ ಪ್ಲಾನ್ ನ್ನು ಸೀಮಿತ ಅವಧಿಗೆ ಮಾತ್ರ ಪ್ರಾರಂಭಿಸಲಾಗಿದೆ. ಹೆಚ್ಚು ಡೇಟಾ ಪ್ರಯೋಜನ ಬಯಸುವ ಬಳಕೆದಾರರು ಈ ಯೋಜನೆಯನ್ನು ಪರಿಗಣಿಸಬಹುದು.