ಹಿರಿಯ ನಾಯಕರಿಗೆ ಬಂಪರ್​ ಆಫರ್​, ಎಫ್​.ಡಿ ಮೇಲಿನ ಬಡ್ಡಿ ದರ 9.5% ಕ್ಕೆ ಏರಿಕೆ, ಹೀಗೆ ಮಾಡಿದ್ರೆ ಲಾಭ ಸುಲಭ

ಬೆಂಗಳೂರು, ಮಾರ್ಚ್‌ 26: ವೃತ್ತಿ ಜೀವನದಲ್ಲಿ ಆದಷ್ಟು ಬೇಗ ನಿವೃತ್ತಿ ಹೊಂದಬೇಕು. ಇಳಿವಯಸ್ಸಿನಲ್ಲಿ ದುಡಿದು ದಣಿವಾಗಬಾರದು. ದುಡಿಮೆ ಶುರುಮಾಡಿದ ದಿನದಿಂದಲೇ ಉಳಿತಾಯವನ್ನೂ ಆರಂಭಿಸಿ, ನಿವೃತ್ತಿಯ ಬದುಕಿಗೆ ಬೇಕಾದ ಹಣ-ಕಾಸು ಹೊಂದಿಸಿ ಹೂಡಿಕೆ ಮಾಡಿಬಿಡಬೇಕು.

ಇದು ಪ್ರತಿಯಬ್ಬ ಮಧ್ಯಮ ಮತ್ತು ಕೆಲ ಮಧ್ಯಮ ವರ್ಗದವರ ಕನಸು. ಸತತ 30ರಿಂದ 40 ವರ್ಷ ದುಡಿದು ಜೀವನ ಸವೆಸಿದ ಮೇಲೂ ಅಂತ್ಯಕಾಲದಲ್ಲಿ ಕೈಯಲ್ಲಿ ಬಿಡುಗಾಸಿಲ್ಲದಂತೆ ಆಗಬಾರದು ಅಂದ್ರೆ , ಸರಿಯಾದ - ಸುರಕ್ಷಿತವಾದ ಹೂಡಿಕೆ ಹೊಂದಿರಬೇಕು. ಹೂಡಿಕೆ ಮಾಡಬೇಕು ಎಂದರೆ ಬಂಡವಾಳ ಇರಬೇಕು ! ಹಾಗಾಗೀ ಉಳಿತಾಯ ಬಹಳ ಮುಖ್ಯ.

ಹೀಗೆ ನಿವೃತ್ತಿ ನಂತರದ ಬದುಕಿಗೆ ಒಂದು ಸಧೃಡ ಮತ್ತು ಸುರಕ್ಷಿತ ಆದಾಯದ ಮೂಲ ಹೊಂದಿರಬೇಕು ಎಂದು ಬಯಸುವವರಿಗೆ ಹೂಡಿಕೆ ಮಾಡಲು ಸಾಕಷ್ಟು ಮಾರ್ಗಗಳಿವೆ. ಪಿಪಿಎಫ್​ ಸ್ಕೀಂ ನಿಂದ ಹಿಡಿದು ಷೇರು ಮಾರುಕಟ್ಟೆಯವರೆಗೂ ಅನೇಕ ಯೋಜನೆಗಳು ಮತ್ತು ಹೂಡಿಕೆಯ ದಾರಿಗಳೂ ಇವೆ. ಆದ್ರೆ ಲಾಭದಷ್ಟೇ ರಿಸ್ಕ್​ ಕೂ ಇರುತ್ತದೆ. ಹಾಗಾಗೀ ಈ ಯಾವುದೇ ಗೀಜಿಗೆ ಹೋಗಲು ಇಚ್ಛಿಸದ ಹಿರಿಯ ನಾಗರೀಕರು ಸರಳ ಮತ್ತು ಸುರಕ್ಷಿತವಾದ ಆಯ್ಕೆಗಳಿಗೆ ಮೊರೆ ಹೋಗುತ್ತಾರೆ. ಆ ಪೈಕಿ ಹಿರಿಯ ನಾಕರೀಕರ ನೆಚ್ಚಿನ ಆಯ್ಕೆ ಅಂದ್ರೆ ಅದು ಫಿಕ್ಸೆಡ್​ ಡೆಪಾಸಿಟ್​ಗಳು.

ಹೌದು, ಈ ಫಿಕ್ಸೆಡ್​ ಡೆಪಾಸಿಟ್​ ವ್ಯವಸ್ಥೆ ಹಿರಿಯ ನಾಗರೀಕರಿಗೆ ಬಹಳ ಸರಳ, ಸುರಕ್ಷಿತ ಮತ್ತು ನಿರಂತರ ಆದಾಯ ನೀಡಬಲ್ಲ ಹೂಡಿಕೆಯಾಗಿದೆ. ಫಿಕ್ಸೆಡ್​ ಡೆಪಾಸಿಟ್​ಗಳಲ್ಲಿ ನೀವು ಠೇವಣಿ ಮಾಡುವ ಹಣ ಸಂಪೂರ್ಣ ಸುರಕ್ಷಿತವಾಗಿರುತ್ತದೆ. ಪ್ರತಿ ತಿಂಗಳಾನುಸಾರ ನೀವು ಹೂಡಿಕೆಗೆ ಇಟ್ಟಿರುವ ಹಣಕ್ಕೆ ಬಡ್ಡಿ ರೂಪದಲ್ಲಿ ಆದಾಯ ನಿಮ್ಮ ಖಾತೆಯನ್ನ ತಲುಪುತ್ತದೆ.

ಇಂತಿಷ್ಟು ವರ್ಷಕ್ಕೆ ಅಂತ ಹಣವನ್ನ ಫಿಕ್ಸೆಡ್​ ಡೆಪಾಸಿಟ್​ನಲ್ಲಿ ಲಾಕ್​ ಮಾಡಿದ್ರೆ ಅಷ್ಟೂ ವರ್ಷದವರೆಗೂ ನೀಔಉ ತಿಂಗಳಿಗೆ ಇಂತಿಷ್ಟು ಎಂದು ಬಡ್ಡಿ ಗಳಿಸಬಹುದು. ಅವಧಿಯ ಕೊನೆಯಲ್ಲಿ ಮತ್ತೆ ನೀವು ಇದನ್ನ ಮುಂದುವರೆಸಲು ಬಯಸಿದ್ರೆ, ಮತ್ತೆ ರಿನಿವಲ್​ ಮಾಡಿಕೊಳ್ಳಬಹುದು ಕೂಡ. ಅದರಲ್ಲೂ ಕೂಡ ಹಿರಿಯ ನಾಗರೀಕರಿಗೆ ಬ್ಯಾಂಕ್​ಗಳು ಸಹಜ ಗ್ರಾಹಕರಿಗೆ ನೀಡುವ ಬಡ್ಡಿಗಿಂತ ಹೆಚ್ಚಿನ ಬಡ್ಡಿ ದರವನ್ನೂ ನೀಡುತ್ತವೆ. ಸೋ ಇದು ಕೂಡ ಹಿರಿಯ ನಾಗರೀಕರನ್ನ ಸೆಳೆಯುವಲ್ಲಿ ಯಶಸ್ವಿಯಾಗಿದೆ.

ಯಾವ-ಯಾವ ಬ್ಯಾಂಕುಗಳಲ್ಲಿ ಎಷ್ಟೆಷ್ಟು ಬಡ್ಡಿ:

ಹಿರಿಯ ನಾಗರಿಕರಿ ಸ್ಥಿರ ಠೇವಣಿಯ ಮೇಲೆ ಹೂಡಿಕೆ ಸರಕಾರಿ ಸ್ವಾಮ್ಯದ ಕೆನರಾ ಬ್ಯಾಂಕ್, ಕರ್ನಾಟಕಬ್ಯಾಂಕ್ ನಲ್ಲಿ ಹಿರಿಯ ನಾಗರಿಕರಿಗೆ Fixed Deposit ಮೇಲೆ‌ 7.5 ರಿಂದ 8% ವರೆಗೆ ಬಡ್ಡಿದರ ನೀಡಲಾಗುವುದು. ಆದರೆ ಖಾಸಗಿ ಬ್ಯಾಂಕುಗಳು ICICI, HDFC, Axis Bank ನಲ್ಲಿ 8.5% ವರೆಗೂ ಕೂಡ ಬಡ್ಡಿದರ ಸಿಗಲಿದೆ. ಆದ್ರೆ ನೀವು 9.5% ಬಡ್ಡಿ ನಿಮ್ಮದಾಗಿಸಿಕೊಳ್ಳಬೇಕು ಅಂದ್ರೆ ,ಸ್ಮಾಲ್ ಫೈನಾನ್ಸ್ ಬ್ಯಾಂಕ್ ಗಳ ಮೊರೆಹೋಗಬೇಕು.

ಉದಾಹರಣೆಗೆ ಫಿನ್ ಕೇರ್ ಸ್ಮಾಲ್ ಫೈನಾನ್ಸ್ ನಲ್ಲಿ 444ದಿನದ ಎಫ್​ಡಿ ಗೆ ಹಿರಿಯ ನಾಗರಿಕರಿಗೆ ಮೇಲೆ 9% ಬಡ್ಡಿ ನೀಡಲಾಗುತ್ತದೆ. ಹಾಗೇ ಉಜ್ಜೀವನ್ ಸ್ಮಾಲ್ ಫೈನಾನ್ಸ್ ನಲ್ಲಿ ಹಿರಿಯ ನಾಗರಿಕರಿಗೆ FD ಮೇಲೆ 15ತಿಂಗಳ ಅವಧಿಗೆ 9% ನಷ್ಟು ಬಡ್ಡಿದರ ನಿಮ್ಮದಾಗುತ್ತದೆ. ಉಳಿದ ಹಾಗೇ ಸೂರ್ಯೋದಯ ಸ್ಮಾಲ್​ ಫೈನಾನ್ಸ್​ ನಲ್ಲಿ 9.25% ಬಡ್ಡಿ ನೀಡಿದರೆ , ಇತ್ತ ಯೂನಿಟಿ ಸ್ಮಾಲ್​ ಫೈನಾನ್ಸ್​ ಬ್ಯಾಂಕ್​ನಲ್ಲಿ ಬರೋಬ್ಬರಿ 9.50% ಬಡ್ಡಿ ದೊರೆಯುತ್ತದೆ.

ಸೋ ನಿಮ್ಮ ಆಯ್ಕೆ ಫಿಕ್ಸಡ್​ ಡೆಪಾಸಿಟ್​ ಆಗಿದ್ದರೆ, ನೀವೇನಾದ್ರೂ ಸೀನಿಯರ್​ ಸಿಟಿಝನ್​ ಆಗಿದ್ದಲ್ಲಿ ಈ ದಾರಿಗಳನ್ನ ಉಪಯೋಗಿಸಿಕೊಂಡು ನಿಮ್ಮ ನಿವೃತ್ತಿ ನಂತರದ ಆದಾಯವನ್ನು ಹೆಚ್ಚಿಸಿಕೊಳ್ಳಬಹುದು. ಜೊತೆಗೆ ಯಾಔ ಬ್ಯಾಂಕ್​ನಲ್ಲಿ ಠೇವಣಿ ಇಡಲಿದ್ದೇವೆ, ಅಲ್ಲಿ ನಮ್ಮ ದುಡ್ಡು ಎಷ್ಟು ಸುರಕ್ಷಿತ ಎಂಬುದನ್ನ ಖಾತ್ರಿ ಪಡಿಸಿಕೊಂಡು ಉತ್ತಮ ಬಡ್ಡಿ ದರಕ್ಕೆ ಹಣ ಸೇಫಾಗಿರುವ ಬ್ಯಾಂಕ್​ಗಳನ್ನ ಆಯ್ಕೆ ಮಾಡಿಕೊಂಡ್ರೆ ಉತ್ತಮ.