923 ಕೋಟಿ ಜಿಎಸ್ ಟಿ ರೀಫಂಡ್: ಏರ್ ಟೆಲ್ ವಿರುದ್ಧ ಸುಪ್ರೀಂ ಕೋರ್ಟ್ ಗೆ ಕೇಂದ್ರ

ಭಾರ್ತಿ ಏರ್ ಟೆಲ್ ಪರವಾಗಿ ಹೈ ಕೋರ್ಟ್ ನೀಡಿದ್ದ ಆದೇಶದ ವಿರುದ್ಧ ಕೇಂದ್ರ ಸರ್ಕಾರ ಸುಪ್ರೀಂ ಕೋರ್ಟ್ ಮೆಟ್ಟಿಲೇರಿದೆ ಎಂದು ಬ್ಲೂಮ್ ಬರ್ಗ್ ವರದಿ ಮಾಡಿದೆ. ಈ ಹಿಂದೆ ಫೈಲ್ ಮಾಡಿದ್ದ ಜಿಎಸ್ ಟಿ ಸರಿ ಮಾಡಿಕೊಂಡು, 923 ಕೋಟಿ ರುಪಾಯಿ ರೀಫಂಡ್ ಗೆ ಕ್ಲೇಮ್ ಮಾಡಬಹುದು ಎಂದು ದೆಹಲಿ ಹೈಕೋರ್ಟ್ ಆದೇಶ ನೀಡಿತ್ತು.

ಅಕ್ರಮ ಹಣ ವರ್ಗಾವಣೆ: ಕಾಂಗ್ರೆಸ್ ನೇತೃತ್ವದ ಟ್ರಸ್ಟ್‌ಗಳಿಗೆ ಸಂಕಷ್ಟ

ಸುನೀಲ್ ಮಿತ್ತಲ್ ನೇತೃತ್ವದ ಭಾರ್ತಿ ಏರ್ ಟೆಲ್ ನಿಂದ 2017ರ ಜುಲೈ- ಸೆಪ್ಟೆಂಬರ್ ಅವಧಿಯ ಜಿಎಸ್ ಟಿ ರೀಫಂಡ್ ಗೆ ಅರ್ಜಿ ಹಾಕಲು ಇಬ್ಬರು ನ್ಯಾಯಮೂರ್ತಿಗಳ ಹೈ ಕೋರ್ಟ್ ಪೀಠವು ಮೇ ತಿಂಗಳಲ್ಲಿ ಅವಕಾಶ ನೀಡಿತ್ತು. ಆದರೆ ಅಧಿಕಾರಿಗಳು ಹೇಳಿದ ಪ್ರಕಾರ, ಭಾರ್ತಿ ಏರ್ ಟೆಲ್ ನಿಂದ 2017ರ ಜುಲೈ- ಸೆಪ್ಟೆಂಬರ್ ಅವಧಿಯಲ್ಲಿ ಇನ್ ಪುಟ್ ಟ್ರಾಕ್ಸ್ ಕ್ರೆಡಿಟ್ ಕಡಿಮೆ ವರದಿ ಆಗಿದೆ.

ಆದರೆ, ಭಾರ್ತಿ ಏರ್ ಟೆಲ್ ಹೇಳುವುದೇ ಬೇರೆ. ಆ ಅವಧಿಯಲ್ಲಿ GST- 2A ಕಾರ್ಯ ನಿರ್ವಹಿಸುತ್ತಿರಲಿಲ್ಲ. ಆದ್ದರಿಂದ ಅಂದಾಜಿನ ಮೇಲೆ ತೆರಿಗೆ ಪಾವತಿ ಮಾಡಲಾಗಿತ್ತು. ಅದು 923 ಕೋಟಿ ರುಪಾಯಿ ಹೆಚ್ಚಿಗೆ ಮೊತ್ತವನ್ನು ಪಾವತಿಸಲಾಗಿತ್ತು ಎಂಬುದು ಏರ್ ಟೆಲ್ ವಾದವಾಗಿದೆ.