CLOSING BELL: ಷೇರುಪೇಟೆಯಲ್ಲಿ ಕರಡಿ ಕುಣಿತ, ಅದಾನಿ ಸ್ಟಾಕ್‌ಗಳು ಕುಸಿತ

ಭಾರತದ ಷೇರು ಮಾರುಕಟ್ಟೆಯು ಮಾರ್ಚ್ 28ರಂದು ಏರಿಕೆಯೊಂದಿಗೆ ವಹಿವಾಟು ಆರಂಭ ಮಾಡಿದ್ದು, ವಹಿವಾಟಿನ ಅಂತ್ಯದಲ್ಲಿ ಷೇರುಪೇಟೆಯಲ್ಲಿ ಕರಡಿ ಕುಣಿತ ಕಂಡಿದೆ. ಪ್ರಮುಖವಾಗಿ ಅದಾನಿ ಗ್ರೂಪ್‌ನ ಬಹುತೇಕ ಎಲ್ಲ ಸ್ಟಾಕ್‌ಗಳು ಕೂಡಾ ರೆಡ್‌ಜೋನ್‌ನಲ್ಲಿದೆ. ಮಂಗಳವಾರ ಆರಂಭಿಕ ವಹಿವಾಟಿನ ಸೆನ್ಸೆಕ್ಸ್ 195.28 ಪಾಯಿಂಟ್ ಅಥವಾ ಶೇ.0.34ರಷ್ಟು ಏರಿಕೆಯಾಗಿ, 57,849.14ಕ್ಕೆ ತಲುಪಿದೆ. ನಿಫ್ಟಿ 54.10 ಅಂಕ, ಶೇ.0.32ರಷ್ಟು ಹೆಚ್ಚಳವಾಗಿ 17,039.80ಕ್ಕೆ ತಲುಪಿದೆ. 1023 ಷೇರುಗಳು ಏರಿಕೆಯಾಗಿದ್ದರೆ, 723 ಷೇರುಗಳು ಇಳಿಕೆಯಾಗಿದೆ. 89 ಷೇರುಗಳು ಸ್ಥಿರವಾಗಿದೆ.

ಆರಂಭಿಕ ವಹಿವಾಟಿನಲ್ಲಿ ಎಚ್‌ಸಿಎಲ್‌ ಟೆಕ್, ಟಾಟಾ ಸ್ಟೀಲ್ಸ್, ಟಿಸಿಎಸ್, ರಿಲಯನ್ಸ್, ಐಸಿಐಸಿಐ ಬ್ಯಾಂಕ್, ಐಟಿಸಿ, ವಿಪ್ರೋ, ಎಚ್‌ಡಿಎಫ್‌ಸಿ ಬ್ಯಾಂಕ್. ಮಾರುತಿ, ಎಚ್‌ಡಿಎಫ್‌ಸಿ, ಎಂ&ಎಂ, ಬಜಾಜ್ ಫಿನ್‌ಸರ್ವ್, ಹಿಂದೂಸ್ತಾನ್ ಯೂನಿಲಿವರ್, ಇಂಡಸ್‌ಇಂಡ್ ಬ್ಯಾಂಕ್, ಅಲ್ಟ್ರಾಟೆಕ್ ಸಿಮೆಂಟ್, ಟೈಟಾನ್, ಎಲ್‌ಟಿ, ಇನ್ಫೋಸಿಸ್, ಎಸ್‌ಬಿಐ ಇನ್ಶೂರೆನ್ಸ್, ಎನ್‌ಟಿಪಿಸಿ, ಆಕ್ಸಿಸ್ ಬ್ಯಾಂಕ್ ಸ್ಟಾಕ್‌ಗಳು ಏರಿಕೆಯಾಗಿದೆ. ಇನ್ನು ಪವರ್‌ ಗ್ರಿಡ್, ಬಜಾಜ್ ಫೈನಾನ್ಸ್, ನೆಸ್ಲೆ ಇಂಡಿಯಾ, ಕೋಟಕ್ ಬ್ಯಾಂಕ್, ಟೆಕ್‌ ಎಂ, ಏಷ್ಯನ್‌ ಪೇಂಟ್ಸ್, ಟಾಟಾ ಮೋಟರ್ಸ್, ಸನ್‌ಫಾರ್ಮಾ, ಭಾರ್ತಿ ಏರ್‌ಟೆಲ್ ಸ್ಟಾಕ್ ಇಳಿಕೆಯಾಗಿದೆ.

ಮಂಗಳವಾರ ವಹಿವಾಟಿನ ಅಂತ್ಯದ ವೇಳೆಗೆ ಸೆನ್ಸೆಕ್ಸ್ 40.14 ಪಾಯಿಂಟ್ ಅಥವಾ ಶೇ.0.07ರಷ್ಟು ಇಳಿಕೆಯಾಗಿ, 57,613.72ಕ್ಕೆ ತಲುಪಿದೆ. ನಿಫ್ಟಿ 34 ಅಂಕ, ಶೇ.0.20ರಷ್ಟು ಕುಸಿತವಾಗಿ 16,951.70ಕ್ಕೆ ತಲುಪಿದೆ. 1020 ಷೇರುಗಳು ಏರಿಕೆಯಾಗಿದ್ದರೆ, 2438 ಷೇರುಗಳು ಇಳಿಕೆಯಾಗಿದೆ. 97 ಷೇರುಗಳು ಸ್ಥಿರವಾಗಿದೆ. ಪ್ರಮುಖವಾಗಿ ಅದಾನಿ ಎಂಟರ್‌ಪ್ರೈಸಸ್, ಅದಾನಿ ಪೋರ್ಟ್ಸ್, ಟೆಕ್ ಮಹೀಂದ್ರಾ, ಟಾಟಾ ಮೋಟರ್ಸ್, ಹಿರೋ ಮೋಟೋ ಕಾರ್ಪ್ ಸ್ಟಾಕ್‌ಗಳು ಇಳಿಕೆಯಾಗಿದ್ದರೆ, ಇಂಡಸ್‌ಇಂಡ್ ಬ್ಯಾಂಕ್, ಯುಪಿಎಲ್, ಪವರ್ ಗ್ರಿಡ್ ಕಾರ್ಪೋರೇಷನ್, ರೆಡ್ಡೀಸ್ ಲ್ಯಾಬೋರೇಟರಿ, ಎಚ್‌ಡಿಎಫ್‌ಸಿ ಬ್ಯಾಂಕ್ ಸ್ಟಾಕ್‌ಗಳು ಏರಿಕೆಯಾಗಿದೆ.

ಅದಾನಿ ಸ್ಟಾಕ್‌ಗಳು ಹೇಗಿದೆ ನೋಡಿ

ಈ ಸಮಯಕ್ಕೆ ಅದಾನಿ ಎಂಟರ್‌ಪ್ರೈಸಸ್ ಸ್ಟಾಕ್ ಶೇಕಡ 6.97ರಷ್ಟು ಇಳಿಕೆಯಾಗಿ 1,602.95 ರೂಪಾಯಿಗೆ ತಲುಪಿದೆ. ಅದಾನಿ ವಿಲ್ಮಾರ್ ಸ್ಟಾಕ್ ಶೇಕಡ 4.99ರಷ್ಟು ಇಳಿಕೆಯಾಗಿ, 368.15 ರೂಪಾಯಿಗೆ ತಲುಪಿದೆ. ಅದಾನಿ ಪೋರ್ಟ್ಸ್ ಶೇಕಡ 5.18ರಷ್ಟು ಕುಸಿದು, 596.50 ರೂಪಾಯಿಗೆ ತಲುಪಿದೆ. ಅಂಬುಜಾ ಸಿಮೆಂಟ್ ಸ್ಟಾಕ್ ಶೇಕಡ 2.97ರಷ್ಟು ಇಳಿಕೆಯಾಗಿದ್ದು, 359.00 ರೂಪಾಯಿಗೆ ತಲುಪಿದೆ.

ಎಸಿಸಿ ಶೇಕಡ 4.45ರಷ್ಟು ಇಳಿದು, 1,610.00 ರೂಪಾಯಿಗೆ ತಲುಪಿದೆ. ಅದಾನಿ ಟ್ರಾನ್ಸ್‌ಮಿಷನ್ ಶೇಕಡ 5.00ರಷ್ಟು ಹೆಚ್ಚಾಗಿ, 1,015.00 ರೂಪಾಯಿಗೆ ತಲುಪಿದೆ. ಅದಾನಿ ಟೋಟಲ್ ಗ್ಯಾಸ್ ಶೇ.5.00ರಷ್ಟು ಇಳಿದು 909.95 ರೂಪಾಯಿ ಆಗಿದೆ. ಅದಾನಿ ಗ್ರೀನ್ ಎನರ್ಜಿ ಶೇ.5.00ರಷ್ಟು ಕುಸಿದು, 935.65ಕ್ಕೆ ತಲುಪಿದೆ. ಎನ್‌ಡಿಟಿವಿ ಶೇಕಡ 4.78ರಷ್ಟು ಕುಗ್ಗಿ 174.20 ರೂಪಾಯಿಗೆ ಮತ್ತು ಅದಾನಿ ಪವರ್ ಶೇಕಡ 5.00ರಷ್ಟು ಇಳಿಕೆಯಾಗಿ 173.85 ರೂಪಾಯಿಗೆ ತಲುಪಿದೆ.

ಸೆನ್ಸೆಕ್ಸ್ ಟಾಪ್ ಗೇನರ್‌

ಇಂಡಸ್‌ಇಂಡ್ ಬ್ಯಾಂಕ್: ಶೇಕಡ 2.13
ಪವರ್ ಗ್ರಿಡ್ ಕಾರ್ಪ್‌: ಶೇಕಡ 1.20
ಎಚ್‌ಡಿಎಫ್‌ಸಿ ಬ್ಯಾಂಕ್: ಶೇಕಡ 1.06
ಐಸಿಐಸಿಐ ಬ್ಯಾಂಕ್: ಶೇಕಡ 1.04
ಎನ್‌ಟಿಪಿಸಿ: ಶೇಕಡ 0.61
ಎಚ್‌ಡಿಎಫ್‌ಸಿ: ಶೇಕಡ 0.47

ಸೆನ್ಸೆಕ್ಸ್‌ ಟಾಪ್‌ ಲೂಸರ್‌

ಟೆಕ್ ಎಂ: ಶೇಕಡ -2.90
ಟಾಟಾ ಮೋಟರ್ಸ್: ಶೇಕಡ -2.29
ಭಾರ್ತಿ ಏರ್‌ಟೆಲ್: ಶೇಕಡ -1.94
ವಿಪ್ರೋ: ಶೇಕಡ -1.40
ಬಜಾಜ್ ಫಿನ್‌ಸರ್ವ್: ಶೇಕಡ -1.29
ಎಚ್‌ಸಿಎಲ್‌ ಟೆಕ್: ಶೇಕಡ -1.00

ನಿಫ್ಟಿ ಟಾಪ್ ಗೇನರ್

ಯುಪಿಎಲ್‌: ಶೇಕಡ 2.01
ಇಂಡಸ್‌ಇಂಡ್ ಬ್ಯಾಂಕ್: ಶೇಕಡ 2.13
ಡಾ ರೆಡ್ಡಿ: ಶೇಕಡ 1.25
ಐಸಿಐಸಿಐ ಬ್ಯಾಂಕ್: ಶೇಕಡ 0.97
ಎಚ್‌ಡಿಎಫ್‌ಸಿ ಬ್ಯಾಂಕ್: ಶೇಕಡ 0.90
ಪವರ್‌ಗ್ರಿಡ್‌ ಕಾರ್ಪ್‌: ಶೇಕಡ 0.80

ನಿಫ್ಟಿ ಟಾಪ್ ಲೂಸರ್

ಅದಾನಿ ಎಂಟರ್‌ಪ್ರೈಸಸ್: ಶೇಕಡ -6.97
ಅದಾನಿ ಪೋರ್ಟ್ಸ್: ಶೇಕಡ -5.18
ಟೆಕ್ ಎಂ: ಶೇಕಡ -2.64
ಹಿರೋ ಮೋಟೋ ಕಾರ್ಪ್: ಶೇಕಡ -2.41
ಟಾಟಾ ಮೋಟರ್ಸ್: ಶೇಕಡ -2.33
ಒಎನ್‌ಜಿಸಿ: ಶೇಕಡ -2.00
ಭಾರ್ತಿ ಏರ್‌ಟೆಲ್: ಶೇಕಡ -1.81