Digital Claim: ಡಿಜಿಟಲ್‌ ಕ್ಲೇಮ್‌: ಸುಲಭ ಮತ್ತು ತ್ವರಿತ ವಿಧಾನ.. ಇದು ನಿಮ್ಮ ಒತ್ತಡ ಹೇಗೆ ಕಡಿಮೆ ಮಾಡುತ್ತೆ?

ಇಂದಿನ ವೇಗದ ಜೀವನಶೈಲಿಯಲ್ಲಿ, ಅದರಲ್ಲೂ ವಿಶೇಷವಾಗಿ ಮಳೆಗಾಲದಂತಹ ಪರಿಸ್ಥಿತಿಗಳಲ್ಲಿ ಅನಿರೀಕ್ಷಿತ ಘಟನೆಗಳು ಸಂಭವಿಸಿದಾಗ ವಿಮಾ ಕ್ಲೇಮ್‌ಗಳನ್ನು ಪಡೆಯುವುದು ಬಹಳಷ್ಟು ಒತ್ತಡವನ್ನು ಉಂಟುಮಾಡುತ್ತದೆ. ಸಾಂಪ್ರದಾಯಿಕ ವಿಮಾ ಕ್ಲೇಮ್ ಪ್ರಕ್ರಿಯೆಗಳು ಹಲವಾರು ದಾಖಲೆಗಳನ್ನು ಸಲ್ಲಿಸುವುದು, ದೀರ್ಘಕಾಲ ಕಾಯುವುದು ಮತ್ತು ನಿರಂತರವಾಗಿ ವಿಮಾ ಕಂಪನಿಯೊಂದಿಗೆ ಸಂಪರ್ಕದಲ್ಲಿರುವುದನ್ನು ಒಳಗೊಂಡಿರುತ್ತವೆ. ಇದರಿಂದಾಗಿ ಪಾಲಿಸಿದಾರರು ಕ್ಲೇಮ್ ಪಡೆಯುವ ಮೊದಲೇ ಬೇಸತ್ತು ಹೋಗುತ್ತಾರೆ. ಆದರೆ ಡಿಜಿಟಲ್ ತಂತ್ರಜ್ಞಾನವು ಪಾಲಿಸಿದಾರರನ್ನು ಇಂತಹ ಒತ್ತಡದ ಕೆಲಸದಿಂದ ಮುಕ್ತಗೊಳಿಸಿ, ಸುಲಭವಾಗಿ ಮತ್ತು ತ್ವರಿತವಾಗಿ ಕ್ಲೇಮ್ ಪಡೆಯಲು ಸಹಾಯ ಮಾಡುತ್ತದೆ.

ಎಲ್ಲವೂ ಕುಳಿತಲ್ಲೇ ಕೆಲಸ.. ಇದು ಡಿಜಿಟಲ್‌ ಯುಗ ಎಲ್ಲವೂ ಡಿಜಿಟಲ್‌ ಪಾವತಿಯನ್ನೇ ಅವಲಂಭಿಸಿದಂತೆ ಅದರಂತೆ ಡಿಜಿಟಲ್ ಕ್ಲೈಮ್ ಕೂಡ ಅತ್ಯಗತ್ಯ. ಈ ಬಗ್ಗೆ ಶ್ರೀರಾಮ್‌ ಜನರಲ್‌ ಇನ್ಶ್ಯೂರೆನ್ಸ್‌ ಎಕ್ಸಿಕ್ಯೂಟಿವ್‌ ಡೈರೆಕ್ಟರ್ ಮತ್ತು ಚೀಫ್‌ ಅಂಡರ್ ರೈಟಿಂಗ್‌ ಆಫೀಸರ್ ಶಶಿ ಕಾಂತ್‌ ದಹೂಜಾ ಅವರು ಈ ಬಗ್ಗೆ ಗುಡ್ ರಿಟರ್ನ್ಸ್ ಕನ್ನಡಗೆ ಮಾಹಿತಿ ನೀಡಿದ್ದಾರೆ.

ಡಿಜಿಟಲ್ ಕ್ಲೈಮ್ ಎಂದರೆ ಡಿಜಿಟಲ್ ತಂತ್ರಜ್ಞಾನವನ್ನು ಬಳಸಿಕೊಂಡು ಕ್ಲೈಮ್‌ಗಳನ್ನು ಪ್ರಕ್ರಿಯೆಗೊಳಿಸುವ ಒಂದು ಸರಳ ವ್ಯವಸ್ಥೆ. ಇದರ ಮೂಲಕ ನೀವು ವಿಮಾ ಕ್ಲೇಮ್‌ ಪ್ರಕ್ರಿಯೆಗಳು ಸರಳವಾಗಿ ಮಾಡಬಹುದು ಇದರಿಂದ ನಿಮ್ಮಗೆ ಸಮಯದ ಜೊತೆಗೆ ಒತ್ತಡ ಕೂಡ ಕಡಿಮೆಯಾಗುತ್ತದೆ.

ಡಿಜಿಟಲ್ ಕ್ಲೇಮ್ ಪ್ರಕ್ರಿಯೆಯ ಮಹತ್ವ
ಡಿಜಿಟಲ್ ಕ್ಲೇಮ್ ಪ್ರಕ್ರಿಯೆಯು ಕೃತಕ ಬುದ್ಧಿಮತ್ತೆ (Artificial Intelligence), ಬ್ಲಾಕ್‌ಚೈನ್ ಮತ್ತು ಯಂತ್ರ ಕಲಿಕೆ (Machine Learning)ಯಂತಹ ಅತ್ಯಾಧುನಿಕ ತಂತ್ರಜ್ಞಾನಗಳನ್ನು ಬಳಸಿಕೊಂಡು ಕ್ಲೇಮ್ ಅರ್ಜಿಯಿಂದ ಹಿಡಿದು ಹಣವನ್ನು ಪಡೆಯುವವರೆಗಿನ ಪ್ರಕ್ರಿಯೆಯನ್ನು ಸುಗಮಗೊಳಿಸುತ್ತದೆ. ಮಳೆಗಾಲದಂತಹ ಸಂದರ್ಭಗಳಲ್ಲಿ ಸಂಭವಿಸುವ ಅನಿರೀಕ್ಷಿತ ಹಾನಿಗಳಿಗೆ ಸಾಂಪ್ರದಾಯಿಕ ವಿಧಾನಗಳಿಗೆ ಕಾಯುವ ಬದಲು, ಪಾಲಿಸಿದಾರರು ಬಳಕೆದಾರ ಸ್ನೇಹಿ ಪೋರ್ಟಲ್‌ಗಳು ಮತ್ತು ಮೊಬೈಲ್ ಅಪ್ಲಿಕೇಶನ್‌ಗಳ ಮೂಲಕ ಸುಲಭವಾಗಿ ಕ್ಲೇಮ್ ಅನ್ನು ಸಲ್ಲಿಸಬಹುದು.ಈ ವಿಧಾನವು ವಿಮಾ ಅಧಿಕಾರಿಯನ್ನು ಭೇಟಿಯಾಗುವ ಅಥವಾ ದೂರವಾಣಿ ಕರೆಗಳ ಮೂಲಕ ಮಾಹಿತಿ ನೀಡುವಂತಹ ದೀರ್ಘ ಪ್ರಕ್ರಿಯೆಗಳನ್ನು ತಪ್ಪಿಸುತ್ತದೆ. ಯಾವುದೇ ಆತಂಕವಿಲ್ಲದೆ ಡಿಜಿಟಲ್ ಪ್ರಕ್ರಿಯೆಯ ಮೂಲಕ ಕ್ಲೇಮ್‌ಗಳನ್ನು ಸಲ್ಲಿಸುವುದು ಸಾಧ್ಯವಾಗುತ್ತದೆ.

ಡಿಜಿಟಲ್ ಜಗತ್ತಿನಲ್ಲಿ ವೇಗ

ಡಿಜಿಟಲ್ ಕ್ಲೇಮ್ ಪ್ರಕ್ರಿಯೆಯಲ್ಲಿ ವೇಗವು ಅತ್ಯಂತ ಮಹತ್ವದ ಪ್ರಯೋಜನವಾಗಿದೆ. ಸ್ವಯಂಚಾಲಿತ (Automation) ವ್ಯವಸ್ಥೆಯು ಅರ್ಜಿಯ ಪರಿಶೀಲನೆ ಮತ್ತು ಮೌಲ್ಯಮಾಪನ ಪ್ರಕ್ರಿಯೆಯನ್ನು ಬಹಳ ಬೇಗನೆ ಮಾಡುತ್ತದೆ. ಉದಾಹರಣೆಗೆ, ಕೃತಕ ಬುದ್ಧಿಮತ್ತೆ ಆಧಾರಿತ ವಿಧಾನವು ದಾಖಲೆಗಳನ್ನು ತ್ವರಿತವಾಗಿ ಮತ್ತು ನಿಖರವಾಗಿ ಪರಿಶೀಲಿಸುತ್ತದೆ. ಯಾವುದೇ ರೀತಿಯ ವಂಚನೆ ಕಂಡುಬಂದಲ್ಲಿ ತಕ್ಷಣವೇ ಮಾಹಿತಿ ನೀಡುತ್ತದೆ ಮತ್ತು ಸಂಕೀರ್ಣ ಸಮಸ್ಯೆಗಳನ್ನು ವಿಮಾ ಸಂಸ್ಥೆಯ ಅಧಿಕಾರಿಗಳಿಗೆ ವರ್ಗಾಯಿಸುತ್ತದೆ. ತಂತ್ರಜ್ಞಾನ ಮತ್ತು ಮಾನವ ಮೇಲ್ವಿಚಾರಣೆಯ ಸಂಯೋಜನೆಯು ವಿಮಾ ಪ್ರಕ್ರಿಯೆಯ ದಕ್ಷತೆ ಮತ್ತು ನಿಖರತೆಯನ್ನು ಕಾಪಾಡಿಕೊಳ್ಳಲು ಸಹಾಯ ಮಾಡುತ್ತದೆ.

ನಿಖರ ಮಾಹಿತಿ

ಡಿಜಿಟಲ್ ವೇದಿಕೆಯು ಪಾಲಿಸಿದಾರರಿಗೆ ಕ್ಲೇಮ್ ಅರ್ಜಿಗೆ ಸಂಬಂಧಿಸಿದ ಎಲ್ಲಾ ಮಾಹಿತಿಯನ್ನು ನೈಜ ಸಮಯದಲ್ಲಿ ಒದಗಿಸುತ್ತದೆ.ಪದೇ ಪದೇ ಮಾಹಿತಿಗಾಗಿ ಕೇಳುವ ಪ್ರಕ್ರಿಯೆಯನ್ನು ತಪ್ಪಿಸಿ, ಪಾರದರ್ಶಕವಾಗಿ ಎಲ್ಲ ವಿವರಗಳನ್ನು ನೀಡುತ್ತದೆ.ಇದರಿಂದಾಗಿ ಪಾಲಿಸಿದಾರರಿಗೆ ವಿಮಾ ಸಂಸ್ಥೆಯ ಮೇಲೆ ಹೆಚ್ಚಿನ ನಂಬಿಕೆ ಬರುತ್ತದೆ.

ಸಂವಹನ ವ್ಯವಸ್ಥೆ

ಡಿಜಿಟಲ್ ವೇದಿಕೆಯು ಪಾಲಿಸಿಗೆ ಸಂಬಂಧಿಸಿದ ವಿವಿಧ ವ್ಯಕ್ತಿಗಳು ಮತ್ತು ವಿಭಾಗಗಳ ನಡುವೆ ಸಂಯುಕ್ತ ಸಂವಹನಕ್ಕೆ ಅವಕಾಶ ನೀಡುತ್ತದೆ. ಪಾಲಿಸಿದಾರರು, ರಿಪೇರಿ ಮಾಡುವವರು ಮತ್ತು ಇತರ ಮಧ್ಯವರ್ತಿಗಳ ನಡುವೆ ಡಿಜಿಟಲ್ ಸಂವಹನ ವ್ಯವಸ್ಥೆಯನ್ನು ಸೃಷ್ಟಿಸುತ್ತದೆ. ಇದು ಮಾಹಿತಿಯ ವಿಳಂಬ ಮತ್ತು ತಪ್ಪುಗ್ರಹಿಕೆಗಳನ್ನು ತಪ್ಪಿಸಿ ಉತ್ತಮ ಸೇವೆಗೆ ಅನುವು ಮಾಡಿಕೊಡುತ್ತದೆ.

ವಿಮಾ ಸಂಸ್ಥೆಗಳು ತಂತ್ರಜ್ಞಾನವನ್ನು ಅಳವಡಿಸಿಕೊಳ್ಳುವುದರಿಂದ ಪಾಲಿಸಿದಾರರಿಗೆ ವಿಳಂಬವಿಲ್ಲದ, ಒತ್ತಡರಹಿತ, ಪಾರದರ್ಶಕ, ತ್ವರಿತ ಮತ್ತು ಖಚಿತ ವಿಮಾ ಸೇವೆಯನ್ನು ಪಡೆಯಲು ಸಹಾಯವಾಗುತ್ತದೆ. ಇದು ವಿಮಾ ಸಂಸ್ಥೆ ಮತ್ತು ಪಾಲಿಸಿದಾರರ ನಡುವಿನ ಸಂಬಂಧವನ್ನು ಇನ್ನಷ್ಟು ಹೆಚ್ಚಾಗುತ್ತದೆ. ಅನಿರೀಕ್ಷಿತ ಹವಾಮಾನ ಬದಲಾವಣೆಗಳು ಮತ್ತು ನೈಸರ್ಗಿಕ ವಿಕೋಪಗಳಂತಹ ಸಂದರ್ಭಗಳಲ್ಲಿ ಪಾಲಿಸಿದಾರರಿಗೆ ತ್ವರಿತ ಸೇವೆ ನೀಡಲು ಡಿಜಿಟಲ್ ಕ್ಲೇಮ್ ಸೌಲಭ್ಯವು ಕೇವಲ ತಂತ್ರಜ್ಞಾನದ ಅಳವಡಿಕೆಯಲ್ಲ, ಗ್ರಾಹಕರ ನೆಮ್ಮದಿಯನ್ನು ಕಾಪಾಡಿಕೊಳ್ಳುವ ಒಂದು ಪ್ರಮುಖ ಕ್ರಮವಾಗಿದೆ.