Elon Musk ದೊಡ್ಡ ಘೋಷಣೆ: ಶೀಘ್ರದಲ್ಲಿ ಆರಂಭವಾಗಲಿದೆ Xmail

ವಿಶ್ವದ ಅತ್ಯಂತ ಶ್ರೀಮಂತ ಎಲೆನ್ ಮಸ್ಕ್ ಒಂದಿಲೊಂದು ಕಾರಣದಿಂದ ಸುದ್ದಿಯಲ್ಲಿ ಇರುತ್ತಾರೆ. ಕೆಲವೊಮ್ಮೆ ತಮ್ಮ ಕಂಪನಿಯ ಉತ್ಪನ್ನಗಳ ಮೂಲಕ ಸುದ್ದಿಯಲ್ಲಿರುತ್ತಾರೆ. ಅಲ್ಲದೆ ಇತ್ತೀಚಿನ ವರ್ಷಗಳಲ್ಲಿ ಎಲೆನ್‌ ಮಸ್ಕ್ ವಿಶ್ವದ ದೊಡ್ಡ ಕಂಪನಿಗಳನ್ನು ಖರೀದಿ ಮಾಡಿದ್ದರು. ಈಗ ಮಸ್ಕ್ ಇನ್ನೊಂದು ಹೊಸ ಕ್ಷೇತ್ರಕ್ಕೆ ಕಾಲಿಡಲಿದ್ದಾರೆ.

ಎಲೆನ್ ಮಸ್ಕ್ ಇಮೇಲ್ ಲೋಕಕ್ಕೂ ಕಾಲಿಡಲಿದ್ದಾರೆ. ಅವರ ಸಾಮಾಜಿಕ ಮಾಧ್ಯಮ ಪ್ಲಾಟ್‌ಫಾರ್ಮ್ ಎಕ್ಸ್‌ ನಲ್ಲಿನ ಚರ್ಚೆಯ ಸಮಯದಲ್ಲಿ, ಎಲೆನ್ ಮಸ್ಕ್ ಅವರು Xmail ಶೀಘ್ರದಲ್ಲೇ ಬರಲಿದೆ ಎಂದು ದೃಢಪಡಿಸಿದರು. ಇದರೊಂದಿಗೆ ಗೂಗಲ್ ನ Gmail ಮುಂದೆ ದೊಡ್ಡ ಸವಾಲೊಂದು ಬರಲಿದೆ.

ಜಿ ಮೇಲ್‌ನ ಸೇವೆಯನ್ನು ಸ್ಥಗಿತಗೊಳಿಸಲಾಗಿದೆ ಎಂಬ ವದಂತಿಗಳನ್ನು ಹರಡುತ್ತಿರುವಾಗ, X ನ ಎಂಜಿನಿಯರಿಂಗ್ ಮತ್ತು ಭದ್ರತಾ ತಂಡದ ಸದಸ್ಯರಾದ ನೇಟ್ ಮೆಕ್‌ಗ್ರಾಡಿ ಎಲೋನ್ ಮಸ್ಕ್ ಅವರನ್ನು ಕೇಳಿದಾಗ, ನಾವು ಯಾವಾಗ Xmail ಅನ್ನು ತರುತ್ತಿದ್ದೇವೆ? ಎಂದು ಕೇಳಿದಾಗ ಈ ಬಗ್ಗೆ ಪ್ರತಿಕ್ರಿಯಿಸಿರುವ ಮಸ್ಕ್ ಶೀಘ್ರದಲ್ಲೇ ಬರಲಿದೆ ಎಂದು ಹೇಳಿದರು.

ಜಿಮೇಲ್ ಸ್ಥಗಿತಗೊಳ್ಳುವುದೇ?

ಗೂಗಲ್ ತನ್ನ ಜಿಮೇಲ್ ಸೇವೆಯನ್ನು ಸ್ಥಗಿತಗೊಳಿಸಲಿದೆ ಎಂಬ ವದಂತಿಯು ಸಾಮಾಜಿಕ ಮಾಧ್ಯಮದಲ್ಲಿ ಹರಡುತ್ತಿದೆ. ಹಂತ ಹಂತವಾಗಿ ಈ ಕಾಮಗಾರಿ ನಡೆಯಲಿದೆ. ಈ ವರ್ಷದ ಆಗಸ್ಟ್‌ನಲ್ಲಿ ಜಿಮೇಲ್ ಮುಚ್ಚಲಾಗುವುದು ಎಂದು ಹೇಳಲಾಗುತ್ತಿದೆ. ಗೂಗಲ್ ಈ ಸುದ್ದಿಯನ್ನು ತಿರಸ್ಕರಿಸಿದೆ.

ಗೂಗಲ್ ಹೇಳಿದ್ದೇನು?

ಗೂಗಲ್ ಜಿಮೇಲ್ ಮುಚ್ಚುವ ವದಂತಿಗಳನ್ನು ತಳ್ಳಿಹಾಕಿದೆ ಮತ್ತು ಜಿಮೇಲ್ ಸೇವೆಯು ನಿರಂತರವಾಗಿರಲಿದೆ ಎಂದು ಹೇಳಿದೆ. Google ನ ಸೈನ್-ಇನ್ ಪುಟದಲ್ಲಿ, ಬಳಕೆದಾರರು ಹೊಸ ಬ್ಯಾನರ್ ಅನ್ನು ನೋಡುತ್ತಿದ್ದಾರೆ. ಹೊಸ ನೋಟ ಶೀಘ್ರದಲ್ಲೇ ಬರಲಿದೆ ಎಂದು ಗೂಗಲ್ ಹೇಳಿದೆ. ಸೈನ್-ಇನ್ ಪುಟವನ್ನು ಇನ್ನಷ್ಟು ಸುಧಾರಿಸಲು ಕೆಲಸ ಮಾಡುತ್ತಿದೆ ಎಂದು ಗೂಗಲ್ ಹೇಳಿದೆ.

Gmail ವಿಶ್ವದ ಅತಿದೊಡ್ಡ ಇಮೇಲ್ ಸೇವೆಯಾಗಿದೆ. 2024 ರ ವೇಳೆಗೆ, ಇದು ವಿಶ್ವಾದ್ಯಂತ 1.8 ಬಿಲಿಯನ್ ಬಳಕೆದಾರರನ್ನು ಹೊಂದಿರುತ್ತದೆ. ಎಕ್ಸ್ ಎಂಎಲ್ ಬಂದರೆ ಇಮೇಲ್ ವಿಭಾಗದಲ್ಲಿ ವಾರ್ ಆಗಲಿದೆ ಎನ್ನುತ್ತಾರೆ ತಜ್ಞರು.