ESIC ನೀಡುವ ಗರ್ಭಿಣಿಯರ ಹಣಕಾಸು ಅನುದಾನ 7,500 ರುಪಾಯಿಗೆ ಏರಿಕೆ

ಒಂದು ವೇಳೆ ಇಎಸ್ ಐಸಿಗೆ ಸೇರಿದ ಆಸ್ಪತ್ರೆಗಳಲ್ಲಿ ಹೆರಿಗೆಗೆ ಅವಕಾಶ ಸಿಗದಿದ್ದಲ್ಲಿ ಕಾರ್ಮಿಕರ ರಾಜ್ಯ ವಿಮಾ ನಿಗಮವು (ESIC) ಗರ್ಭಿಣಿಯರಿಗೆ ಈಗಿರುವ ಹಣಕಾಸು ಅನುದಾನ 2500 ರುಪಾಯಿಯನ್ನು 7500 ರುಪಾಯಿಗೆ ಹೆಚ್ಚಿಸಲು ನಿರ್ಧಾರ ಮಾಡಿದೆ. ಕಾರ್ಮಿಕ ಹಾಗೂ ಉದ್ಯೋಗ ಸಚಿವಾಲಯದಿಂದ ಹೊರಡಿಸಿರುವ ಅಧಿಕೃತ ಗೆಜೆಟ್ ನಲ್ಲಿ ಈ ಮಾಹಿತಿಯನ್ನು ನೀಡಲಾಗಿದೆ.

ಸಲಹೆ ಅಥವಾ ಆಕ್ಷೇಪಗಳನ್ನು ಸಲ್ಲಿಸಲು 30 ದಿನಗಳ ಕಾಲಾವಕಾಶ ನೀಡಲಾಗಿದೆ. ಅವುಗಳನ್ನು ಪರಿಗಣಿಸಿ, ಅಂತಿಮ ಅಧಿಸೂಚನೆಯನ್ನು ಹೊರಡಿಸಲಾಗುವುದು. ಸದ್ಯಕ್ಕೆ ಇರುವ 56-A ನಿಯಮದ ಪ್ರಕಾರ, ಇನ್ಷೂರ್ಡ್ ಮಹಿಳೆ ಮತ್ತು ಇನ್ಷೂರ್ಡ್ ವ್ಯಕ್ತಿಯ ಪತ್ನಿಗೆ ಐದು ಸಾವಿರ ರುಪಾಯಿ ವೈದ್ಯಕೀಯ ಬೋನಸ್ ಸಿಗುತ್ತದೆ. ಅದನ್ನು ಎಲ್ಲಿ ಇಎಸ್ ಐಸಿ ಅಡಿಯಲ್ಲಿ ಸೂಕ್ತ ವೈದ್ಯಕೀಯ ವ್ಯವಸ್ಥೆ ಇರುವುದಿಲ್ಲವೋ ಅಂಥಲ್ಲಿ ಹೆರಿಗೆ ಸಂದರ್ಭಕ್ಕೆ ಖರ್ಚಿಗೆ ನೀಡಲಾಗುತ್ತದೆ.

ಇಎಸ್ ಐಸಿ ಮಂಡಳಿಯು ಮೊತ್ತವನ್ನು ಹೆಚ್ಚಿಸಲು ಅನುಮತಿ ನೀಡಿದೆ. ಈ ವರ್ಷದ ಫೆಬ್ರವರಿಯಲ್ಲಿ ನಡೆದ ಚರ್ಚೆ ವೇಳೆಯೇ ಇದಕ್ಕೆ ಸಮ್ಮತಿ ಸಿಕ್ಕಿದೆ. ಈಗ ಅಧಿಸೂಚನೆ ಕೂಡ ಹೊರಬಂದಿದ್ದು, ಇನ್ನು ಯಾವುದೇ ಆಕ್ಷೇಪಣೆ ಬಾರದಿದ್ದಲ್ಲಿ ನಿಯಮವನ್ನು ಜಾರಿಗೆ ತರಲಾಗುತ್ತದೆ.